អហ សៀមរាប៖ វេលាម៉ោង១៤និង៣០នាទី ថ្ងៃទី២៤ ខែកក្កដា ឆ្នាំ២០១៥ នៅបញ្ជាការដ្ឋានកងរាជអាវុធហត្ថខេត្តសៀមរាប បានរៀបចំប្រារព្ធពិធីអបអរសាទរខួបលើកទី២២ ដែលជាថ្ងៃបង្កើតកងរាជអាវុធហត្ថ (១៤ កក្កដា ១៩៩៣-១៤ កក្កដា ២០១៥) ហើយក៏ជាថ្ងៃរក្សាសាមគ្គីឯកភាពផ្ទៃក្នុងផងដែរ។ ក្នុងកម្មវិធីនេះដែរ ឯកឧត្តម ឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប បានផ្តល់អំណោយដល់អាវុធហត្ថដែលចូលនិវត្តន៍និងគ្រួសារអាវុធហត្ថពលី មរណៈ ចំនួន35គ្រួសារ មួយគ្រួសារៗទទួលបាន អង្ករ20គីឡូក្រាម, ទឹកក្រូច1កេះ, មី1កេះ, ទឹកត្រី1យួ, ទឹកសុីអុីវ1យួ, អំបិល1ថង់.ប៊ីចេង1ថង់ និងថវិកា 100.000រៀល។
