តាកែវ ៖ នៅវេលាម៉ោង ១៥ និង ៣០នាទីរសៀលថ្ងៃទី៣០ ខែមិថុនា ឆ្នាំ២០២០ ការិយាល័យបទល្មើសគ្រឿងញៀនសហការជាមួយមូលដ្ថានអាវុធហត្ថស្រុកសំរោង ដឹកនាំដោយលោក អនុសេនីយ៍ត្រី ហួត វឿន នាយការិយាល័យ ដោយមានការសម្របសម្រួលនិតិវិធីដោយ លោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ បានចុះបង្ក្រាបករណីជួញដូរសារធាតុញៀនដោយខុសច្បាប់នៅភូមិត្រពាំងប្រិយ ឃុំសឹង្ហស្រុកសំរោង តាកែវ ដោយឃាត់ជនសង្ស័យ០២នាក់ និងស្រាវជ្រាវបង្ក្រាបបាន ០៣នាក់បន្ថែមទៀត ព្រមទាំងដកហូតវត្ថុតាងពាក់ព័ន្ធមួយចំនួន។ បច្ចុប្បន្ន មន្ត្រីជំនាញបានកសាងសំណុំរឿងតាមនីតិវីធី។

ឧត្តរមានជ័យ ៖ នៅរសៀលថ្ងៃទី២ ខែកក្កដា ឆ្នាំ២០២០ នៅសាលប្រជុំ បញ្ជាការដ្ឋានកងរាជអាវុធហត្ថ ខេត្តឧត្តរមានជ័យ បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងវឌ្ឍនភាពការងារ កងរាជអាវុធហត្ថ ប្រចាំឆមាសទី១ និងលើកទិសដៅការងារឆមាសទី២ ឆ្នាំ២០២០ ពិធីនេះស្ថិតក្រោមអធិបតីភាព លោក ឧត្តមសេនីយ៍ត្រី ពុទ្ធ សារ៉ាន មេបញ្ជាការកងរាជអាវុធហត្ថ ខេត្តឧត្តរមានជ័យ និងដោយមានការអញ្ជើញចូលរួមពីសំណាក់ លោក មេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានក្រុង…

បាត់ដំបង៖ នៅរសៀលថ្ងៃសៅរ៍ ទី០៤ ខែកក្កដា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តបាត់ដំបង លោក ឧត្ដមសេនីយ៍ត្រី មាស សុវណ្ណ មេបញ្ជការ កងរាជអាវុធហត្ថខេត្តបាត់ដំបង បានអញ្ជើញដឹកនាំកិច្ចប្រជុំត្រួតពិនិត្យការអនុវត្ត តួនាទីភារកិច្ច និងវឌ្ឍនភាពការងារកងរាជអាវុធហត្ថ ប្រចាំឆមាសទី១ ទិសដៅបន្តឆមាសទី២ ឆ្នាំ២០២០។ ដោយមានការចូលរួមពី លោកមេបញ្ជាការរង នាយសេនាធិការរង ប្រធាន អនុប្រធានមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុង ស្រុក និងជំនួយការចំណុះទីបញ្ជាការខេត្តជាច្រើនរូបទៀត។

បាត់ដំបង៖ នៅរសៀលថ្ងៃសុក្រ ទី០៣ ខែកក្កដា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តបាត់ដំបង បានរៀបចំពិធីបិទវគ្គហ្វឹកហ្វឺនបំប៉នមុខវិជ្ជាជំនាញយោធា ច្បាប់ និងជំនាញវិជ្ជាជីវៈផ្សេងៗទៀតដល់កងរាជអាវុធហត្ថ ដល់នាយទាហាន នាយទាហានរង និងពលទាហាននៃកងរាជអាវុធហត្ថខេត្តបាត់ដំបង ប្រចាំឆមាសទី១ ឆ្នាំ២០២០។ ពិធីនេះក្រោមអធិបតីភាព លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង និងមានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយការិយាល័យ និងសិក្ខាកាមជាច្រើនរូបទៀត ៕

កំពង់ស្ពឺ៖ រសៀលថ្ងៃព្រហស្បតិ៍ ទី០២ ខែកក្កដា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្ត បានដឹកនាំកិច្ចប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថឆមាសទី១ ទិសដៅអនុវត្តការងារឆមាសទី២ ឆ្នាំ២០២០ ដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធានមន្ទីរស្ដីទី នាយការិយាល័យជំនាញ មេបញ្ជាការមូលដ្ឋាន ក្រុង-ស្រុក ស្នាក់ការសន្តិសុខ មេបញ្ជាការកងអនុសេនាធំចល័ត និងនាយទាហាន នាយទាហានរងនៃកងរាជអាវុធហត្ថខេត្តជាច្រើនរូបផងដែរ ។

កំពង់ចាម៖ វេលាម៉ោង ១៩ និង ១៥នាទី ថ្ងៃទី០២ ខែកក្កដា ឆ្នាំ២០២០ នៅចំណុចភូមិជយោ ឃុំជយោ ស្រុចំការលើ ខេត្តកំពង់ចាម កំលាំងជំនាញ កងរាជអាវុធហត្ថ ខេត្តកំពង់ចាមសហការជាមួយកម្លាំងមូលដ្ឋានស្រុកចំការលើ និងកម្លាំងស្នាក់ការសន្តិសុខ៧១០ ដឹកនាំបញ្ជាដោយលោក វរសេនីយ៍ត្រី ឆាយ រ៉ង ប្រធានមន្ទីរយុត្តិធម៌ស្តីទី កងរាជអាវុធហត្ថខេត្ត បានចុះបង្ក្រាបករណីជួញដូរ ឬប្រើប្រាស់គ្រឿងញៀនដោយបានឃាត់ខ្លួនជនសង្ស័យ ចំនួន ១៦នាក់ និងដកហូតវត្ថុតាងពាក់ព័ន្ធមួយចំនួន។ បច្ចុប្បន្នមន្ត្រីជំនាញបានកសាងសំណុំរឿងតាមនីតិវិធី។