កណ្តាល៖ នៅបញ្ជាការដ្ឋាន កងរាជអាវុធហត្ថខេត្តកណ្តាល ថ្ងៃអង្គារ ២រោច ខែអាសាឍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី០៧ ខែកក្កដា ឆ្នាំ២០២០ បានរៀបចំពិធីប្រជុំត្រួតពិនិត្យការអនុវត្ត តួនាទីភារកិច្ច និងវឌ្ឍនភាពការងារកងរាជអាវុធហត្ថ ឆមាសទី១ ទិសដៅការងារ ឆមាសទី២ ឆ្នាំ២០២០ ក្រោមអធិបតីភាព លោក ឧត្តមសេនីយ៍ត្រី មេបញ្ជាការ កងរាជអាវុធហត្ថខេត្តកណ្តាល មានការអញ្ជើញចូលរួមពីលោក លោកស្រីមេបញ្ជាការរង លោក នាយរងសេនាធិការ ប្រធាន/អនុប្រធានមន្ទីរ នាយការិយាល័យ មេបញ្ជាការ/មេបញ្ជាការរង…

កំពង់ឆ្នាំង៖ នៅវេលាម៉ោង ១៧ និង ៣០ នាទី ថ្ងៃទី០៦ ខែកក្កដា ឆ្នាំ២០២០ នៅចំណុចភូមិវាលស្បូវ ឃុំតាំងក្រសាំង ស្រុកទឹកផុស កម្លាំងកងរាជអាវុធហត្ថស្រុក ដឹកនាំដោយលោក វរសេនីយ៍ត្រី ឌិន សំបុន មេបញ្ជាការមូលដ្ឋាន កងរាជអាវុធហត្ថស្រុកទឹកផុស បានចុះធ្វើការឃាត់រថយន្ត ០១គ្រឿង និងកូនឈើប្រភេទបង្គោលរបងចំរុះចំនួន ១៣០ដើម (អ្នកបើកបររត់គេចខ្លួន) ។ បច្ចុប្បន្នវត្ថុតាងប្រគល់ជូនផ្នែករដ្ឋបាលព្រៃឈើស្រុកទឹកផុសដើម្បីបន្តនីតិវិធី ។

តាកែវ៖ នៅព្រឹកថ្ងៃអង្គារ ទី៧ ខែកក្តដា ឆ្នាំ២០២០ លោក ឧត្ដមសេនីយ៍ត្រី ឡា ឡៃ មេបញ្ជាការកម កងរាជអាវុធហត្ថខេត្តតាកែវ បានដឹកនាំកិច្ចប្រជុំត្រួតពិនិត្យការអនុវត្តតួនាទីភារកិច្ច កងរាជអាវុធហត្ថ ដោយមានការចូលពី មេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ នាយការិយាល័យ ដែលពាក់ព័ន្ធ។

ពោធិ៍សាត់៖ ព្រឹកថ្ងៃទីទី៧ ខែកក្កដា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តពោធិ៍សាត់ បានបើកវគ្គហ្វឹកហ្វឺន បំប៉នជំនាញ កងរាជអាវុធហត្ថ ប្រចាំឆមាសទី២ ឆ្នាំ២០២០ ក្រោមអធិបតីភាព លោក វរសេនីយ៍ឯក សូ សុវណ្ណឌី មេបញ្ជាការរង និងជានាយសេនាធិការកងរាជអាវុធហត្ថខេត្តពោធិ៍សាត់។

ពោធិ៍សាត់៖ គិតចាប់ពីថ្ងៃទី ៣ ដល់ថ្ងៃទី៥ ខែកក្កដា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកវាលវែង ដឹកនាំដោយលោក អនុសេនីយ៍ឯក ម៉ែន ឆិល មេបញ្ជាការរងស្រុកវាលវែង សហការជាមួយអង្គការសម្ព័ន្ធមិត្តសត្វព្រៃ(វ៉យអេត) បានចុះបង្ក្រាបសប្បកម្មកែច្នៃឈើនៅចំណុចភូមិទំព័រ ឃុំប្រម៉ោយ ស្រុកវាលវែង ដោយបានដកហូតម៉ូទ័រអុកឈើ១គ្រឿង, ម៉ូទ័រកាត់ឈើ ១គ្រឿង, ម៉ូទ័រខាត់ឈើ១គ្រឿង, ម៉ូទ័រតាបឈើ១គ្រឿង, ម៉ាស៊ីនតាបឈើ១គ្រឿង, រថយន្តកែច្នៃ១គ្រឿង, រទេះគោ១, ឈើអារលេខ២ចំនួន ២៥១សន្លឹក, បង្អួចចំនួន ២៤០សន្លឹក ស្មើនិង១៣,០៧៤ម៉ែត្រីគុណ(ម្ចាស់គេចខ្លួន)។…

ថ្ងៃទី០៨ ខែកក្កដា ឆ្នាំ២០២០ កងរាជអាវុធហត្ថបានប្រកាសព័ត៌មានជូនសាធារណជន ឱ្យយល់ច្បាស់អំពីព័ត៌មានមួយដែលកំពុងចែករំលែកតៗគ្នា ដែលនាំឱ្យមានការភ័ន្តច្រឡំ តាមពិតរឿងចាស់ដោះស្រាយរួចហើយ បែរជាបង្ហោះបំភ័ន្តធ្វើឱ្យសាធារណជនយល់ច្រឡំ។

រតនគិរី៖ នៅថ្ងៃចន្ទ ទី០៦ ខែកក្កដា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកអូរយ៉ាដាវ ដឹកនាំដោយលោក វរសេនីយ៍ត្រី សុខ មីន មេបញ្ជាការ មូលដ្ឋានកងរាជអាវុធហត្ថស្រុកអូរយ៉ាដាវ ខេត្តរតនគិរី បានចុះជួយសង្គ្រោះប្រជាពលរដ្ឋនៅភូមិកាតែ ឃុំលំជ័រ ស្រុកអូរយ៉ាដាវ ម្នាក់ដែលមានជំងឺ ទៅកាន់មន្ទីរពេទ្យបង្អែកស្រុកបរកែវ។ ស្រ្តីដែលមានជំងឺឈ្មោះ រម៉ាម ចេក ភេទស្រី អាយុ ៥២ឆ្នាំ ជនជាតិចារ៉ាយ ទីលំនៅបច្ចុប្បន្នរស់នៅភូមិឃុំខាងលើ ដោយមូលហេតុមានអាការៈចុកពោះខ្លាំង ស្ពឹកដៃជើង (ពុំទាន់ដឹងថាជំងឺអ្វីនោះទេ)។

កំពង់ចាម៖ ព្រឹកថ្ងៃចន្ទ ទី០៦ ខែកក្កដា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកំពង់ចាម បានបើកវគ្គបំប៉នជំនាញ ការពារសន្តិសុខ រក្សាសណ្តាប់ធ្នាប់កងរាជអាវុធហត្ថប្រចាំឆមាស២ ឆ្នាំ២០២០ ក្រោមអធិបតីភាព លោក វរសេនីយ៍ឯក ចែម ពិចិត្រ មេបញ្ជាការរង និងជា នាយសេនាធិការតំណាងលោក ឧត្ដមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្ត និងដោយមានការអញ្ជើញចូលរួមពីសំណាក់ មេបញ្ជាការរង នាយរងសេនាធិការ ប្រធានមន្ទីរស្តីទី អនុមន្ទីរ នាយការិយាល័យ…