បាត់ដំបង៖ នៅថ្ងៃព្រហស្បតិ៍ ទី០៣ ខែកញ្ញា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តបាត់ដំបងបាន រៀបចំពិធីបិទវគ្គបំប៉នជំនាញកងរាជអាវុធហត្ថ ដល់នាយ នាយរងជអាវុធហត្ថ ប្រចាំឆមាសទី២ ឆ្នាំ២០២០ ក្រោមអធិបតីភាពលោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង ដោយមានចូលរួមពីលោកមេបញ្ជាការរង នាយរងសេនាធិការ ប្រធាន/អនុប្រធានមន្ទីរ មេបញ្ជាការក្រុង/ស្រុក និងសិក្ខាកាមជាច្រើនរូបទៀត។

តាកែវ៖ ព្រឹកថ្ងៃព្រហស្បតិ៍ ទី០៣ ខែកញ្ញា ឆ្នាំ២០២០ លោក វរសេនីយ៍ឯក ឈឹម សវ៉ាត់ឌី មមេបញ្ជាការរង និងជា សេនាធិការ តំណាងលោក ឧត្តមសេនីយ៍ មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំត្រួតពិនិត្យការអនុវត្តតួនាទី ភារកិច្ច វឌ្ឍនភាពការងារកងរាជអាវុធហត្ថ មានការចូលពី មេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ នាយការិយាល័យ ដែលពាក់ព័ន្ធ។

ឧត្តរមានជ័យ ៖ ព្រឹកថ្ងៃពុធ ទី២ ខែកញ្ញា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តឧត្តរមានជ័យ បានរៀបចំពិធីប្រជុំផ្សព្វផ្សាយផែនការ ការពារសន្តិសុខ រក្សាសណ្តាប់ធ្នាប់ក្នុងឱកាសបុណ្យកាន់បិណ្ឌ ភ្ជុំបិណ្ឌ និងកឋិនទាន ក្រោមអធិបតីភាព លោក ឧត្តមសេនីយ៍ត្រី ពុទ្ធ សារ៉ាន មេបញ្ជាការ កងរាជអាវុធហត្ថខេត្តឧត្តរមានជ័យ និងដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ អនុប្រធានមន្ទីរ នាយការិយាល័យ មេបញ្ជាការ មូលដ្ឋានក្រុង ស្រុក ស្នាក់ការ និងនាយអាវុធហត្ថខេត្តដែលមានការពាក់ព័ន្ធ។

តាកែវ៖ នៅវេលាម៉ោង ១១ និង ៣០នាទីថ្ងៃទី០១ ខែកញ្ញា ឆ្នាំ២០២០ កម្លាំងអាវុធហត្ថខេត្តតាកែវ ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការង ទទួលផែនយុត្តិធម៌ ដោយមានការសម្របសម្រួលនិតិវិធីពីព្រះរាជអាជ្ញាអមសាលាដំបូងខេត្ត កម្លាំងបានចុះបង្ក្រាបករណីគ្រឿងញៀន នៅចំណុចភូមិត្រពាំងវែង ឃុំបឹងត្រាញ់ខាងត្បូង ស្រុកសំរោង ខេត្តតាកែវ ដោយបានឃាត់ខ្លួនជនសង្ស័យចំនួន ០៣នាក់ និងដកហូតវត្ថុតាងម្សៅក្រាមសថ្លា០៩កញ្ចប់, ជញ្ជីងថ្លឹងថ្នាំញៀន០១, ទូរស័ព្ទចំនួន០៣គ្រឿង, សម្ភារៈសេពថ្នាំញៀនមួយចំនួន។ បច្ចុប្បន្នជនសង្ស័យ និង វត្ថុតាងការិយាលយ័ជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តតាកែវដើម្បីបន្តនីតិវិធី។

រតនគិរី៖ នៅថ្ងៃពុធ ទី២ ខែកញ្ញា ឆ្នាំ២០២០ លោក ឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី បានអញ្ជើញជាអធិបតីក្នុងពិធីប្រជុំត្រួតពិនិត្យនិងវាយតម្លៃលក្ខណៈសម្បត្តិ ចំពោះយោធិននៃកងរាជអាវុធហត្ថដែលដល់អាយុចូលសោធននិវត្តន៍សម្រាប់ឆ្នាំ២០២១។

រតនគិរី៖ នៅវេលាម៉ោង១៧:៣០នាទីថ្ងៃទី១ ខែកញ្ញា ឆ្នាំ២០២០ កំម្លាំងកម្លាំងអាវុធហត្ថខេត្តរតនគិរី សហការជាមួយកម្លាំងកងរាជអាវុធហត្ថលើផ្ទៃប្រទេស ដឹកនាំដោយលោក វរសេនីយ៍ទោ លី បុព្វសិទ្ធិបានធ្វើការចុះល្បាតក្នុងភូមិសាស្ត្រស្រុកអណ្តូងមាស បានប្រទះឃើញម៉ូតូកែច្នៃចំនួន ០៣គ្រឿង ដឹកផលអនុផលព្រៃឈើគ្មានច្បាប់អនុញ្ញាត(ឈើ)ចំនួន០៣ដុំ បានយកទៅទុកចោលក្នុងចម្ការចន្ទី ស្ថិតនៅភូមិតាំងជិក ស្រុកអណ្តូងមាស ខេត្តរតនគិរី ម្ចាស់ម៉ូតូបានគេចខ្លួនបាត់។ បច្ចុប្បន្នវត្ថុតាងខាងលើបានត្រូវបានដឹកយកមករក្សាទុកនៅស្នាក់ការសន្តិដុខ787 ញ៉ាង រងចាំការប្រគល់ជូនជំនាញរដ្ឋបាលព្រៃឈើដើម្បីចាត់ការតាមនីតិវិធី ។

ប៉ៃលិន៖ ព្រឹកថ្ងៃពុធ ទី០៣ ខែកញ្ញា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តប៉ៃលិន បានរៀបចំពិធីផ្សព្វផ្សាយ ផែនការការពារសន្តិសុខសណ្ដាប់ធ្នាប់ ក្នុងពិធីបុណ្យភ្ជុំបិណ្ឌ និងពិធីបុណ្យកឋិនទាន ក្រោមអធិបតីភាពលោក វរសេនីយ៍ឯក ស៊ាង វណ្ណដន មេបញ្ជាការរង និងជា នាយសេនាធិការខេត្ត និងមានការអញ្ជើញចូលរួមពីលោកនាយរងសេនាធិការ ប្រធានមន្ទីរ អនុមន្ទីរ នាយការិយាល័យ មេបញ្ជាការ មេបញ្ជាការរង មូលដ្ឋានក្រុង ស្រុក ព្រមទាំងនាយ នាយរងអាវុធហត្ថខេត្តដែលមានការពាក់ព័ន្ធផងដែរ។

កណ្តាល៖ លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្តកណ្ដាលបានអញ្ជើញដឹកនាំប្រជុំ ថ្នាក់ជួរបញ្ជាការ ដើម្បីត្រួតពិនិត្យ ការអនុវត្តតួនាទីភារកិច្ច និងវឌ្ឍនភាពការងារ កងរាជអាវុធហត្ថ ប្រចាំខែសីហា លើកទិសដៅការងារ ខែកញ្ញា ឆ្នាំ២០២០ នៅបញ្ជាការដ្ឋានកងរាជអាវុធហត្ថខេត្តកណ្ដាល នាថ្ងៃអង្គារ ទី១ ខែកញ្ញា ឆ្នាំ២០២០៕