កណ្តាល៖ ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល និងមានការសម្របសម្រួលនីតិវិធីពី ឯកឧត្តមព្រះរាជអាជ្ញាអមសាលាដំបូងខេត្ត ថ្ងៃទី០២ ខែមិថុនា ឆ្នាំ២០២៣ កម្លាំងជំនាញបានចុះបង្ក្រាបករណីប្រើប្រាស់ដោយខុសច្បាប់នូវសារធាតុញៀន ស្ថិតក្នុងឃុំជើងកើប ស្រុកកណ្តាលស្ទឹង ខេត្តកណ្តាល ដោយឃាត់ខ្លួនជនសង្ស័យបានចំនួន ០១នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចកងរាជអាវុធហត្ថខេត្តកណ្តាល កសាងសំណុំរឿងបញ្ជូនទៅសាលាដំបូងខេត្តតាមនីតិវិធី។

ក្រចេះ៖ ព្រឹកថ្ងៃពុធ ទី០៧ ខែមិថុនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តក្រចេះ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ អញ្ជើញជាអធិបតីភាពក្នុងកិច្ចប្រជុំផ្សព្វផ្សាយការងារស្រាវជ្រាវ បង្រ្កាបបទរល្មើសជាក់ស្តែង បទរល្មើសព្រៃឈើ និងការកាប់ទន្រ្ទានយកដីរបស់រដ្ឋ។ ក្នងកិច្ចប្រជុំនេះមានការចូលរួមពីលោក មេបញ្ជាការរង នាយសេនាធិការរង ប្រធានមន្ទីរទាំង៧ មេបញ្ជាការមូលដ្ឋាន កងរាជអាវុធហត្ថក្រុង/ស្រុក និងនាយការិយាល័យចំណុះឲ្យបញ្ជាការដ្ឋានកងរាជអាវុធហត្ថខេត្ត ដែលមានការពាក់ព័ន្ធ។

ព្រះវិហារ៖ ព្រឹកថ្ងៃ០៧ ខែមិថុនា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តព្រះវិហារ បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងវឌ្ឈនភាពការងារកងរាជអាវុធហត្ថខែឧសភា និងទិសដៅការងារខែមិថុនា ឆ្នាំ ២០២៣ ក្រោមអធិបតីភាពលោក ឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ ដោយមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការមូលដ្ឋានក្រុង-ស្រុក។

កោះកុង៖ រសៀលថ្ងៃទី០៦ ខែមិថុនា ឆ្នាំ២០២៣ នៅសាលប្រជុំសេនាធិការដ្ឋានបញ្ជាការដ្ឋាន កងរាជអាវុធហត្ថខេត្តកោះកុង លោក វរសេនីយ៍ទោ ម៉ាន់ ដាវីត នាយសេនាធិការកងរាជអាវុធហត្ថខេត្តកោះកុង បានដឹកនាំប្រជុំត្រួតពិនិត្យឆ្លងរបាយការណ៍ខែមិថុនា ទិសដៅការងារខែកក្កដា ត្រួតពិនិត្យឆ្លងរបាយការណ៍ឆមាសទី១ ទិសដៅការងារឆមាសទី២/២០២៣ និងការងារចាំបាច់មួយចំនួនទៀត។ កិច្ចប្រជុំនេះមានសមាសភាពចូលរួម នាយសេនាធិការរង ប្រធានមន្ទីរទាំង៧ និងនាយការិយាល័យពាក់ព័ន្ធ។

កំពង់ស្ពឺ៖ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ រសៀលថ្ងៃទី០៦ ខែមិថុនា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំកិច្ចប្រជុំឆ្លងរបាយការណ៍ត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ឆមាសទី១ ទិសដៅការងារឆមាសទី២ ឆ្នាំ២០២៣ ។

តាកែវ៖ នៅទី០៦ ខែមិថុនា ឆ្នាំ២០២៣ លោក វរសេនីយ៍ឯក កែន វណ្ណៈ មេបញ្ជាការរង តំណាងលោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ ដឹកនាំមន្ត្រីក្រោមឱវាទ ជួបសំណេះសំណាលជាមួយប្រតិភូការពារព្រំដែនខេត្តអាងយ៉ាង ក្នុងឱកាសនោះដែរ លោកវរសេនីយ៍ឯក ជិន គួក ខាញ់ មេបញ្ជាការកងទ័ពការពារព្រំដែន ខេត្តអាងយ៉ាងបានប្រគល់ជំនួយឥតសំណង(ជាសាច់ប្រាក់) និងគ្រឿង ឧបភោគបរិភោគមួយចំនួនសម្រាប់បំរើការងារធានាសន្តិសុខ សណ្តាប់ធ្នាប់ សម្រាប់អង្គភាពរបស់ កងរាជអាវុធហត្ថខេត្តតាកែវ។ គណៈប្រតិភូវៀតណាមដឹកនាំដោយ វរសេនីយ៍ឯក…

កំពង់ឆ្នាំង៖ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ព្រឹកថៃ្ងអង្គារ ទី០៦ ខែមិថុនា ឆ្នាំ២០២៣ បានបិទវគ្គហ្វឹកហ្វឺនបំប៉នការប្រើប្រាស់គ្រឿងចក្រ និងយុទោ្ធបករណ៍ ក្រោមអធិបតីភាព លោក ឧត្តមសេនីយ៍ត្រី មាស សុវណ្ណ នាយកមជ្ឈមណ្ឌល និងលោកវរសេនីយ៍ឯក ផាន វី អនុសេនានុព័ន្ធយោធាចិនប្រចាំព្រះរាជាណាចក្រកម្ពុជា និងលោកវរសេនីយ៍ឯក ឡូ  ស៊ីងយ៊ន ប្រធានសាស្រ្តាចារ្យយោធាចារ្យចិនកងទ័ពរំដោះចិន។ ក្នុងឱកាសនោះដែរ លោកឧត្តមសេនីយ៍ត្រី មាស សុវណ្ណ បានប្រគល់លិខិតថ្លែងអំណរគុណ និងវត្ថុអនុស្សាវរីយ៍ដល់យោធាចារ្យចិនបានចូលរួមជាអធិបតីព្រមទាំងយោធាចារ្យចិនផងដែរ។

បាត់ដំបង៖ យោងតាមបទបញ្ជារបស់លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង នៅវេលាម៉ោង ១៥:៣០នាទី ថ្ងៃទី០៥ ខែមិថុនា ឆ្នាំ២០២៣ ដឹកនាំបញ្ជាផ្ទាល់ដោយលោក វរសេនីយ៍ត្រី សំ វិឡុង មេបញ្ជាការ មូលដ្ឋានកងរាជអាវុធហត្ថក្រុងបាត់ដំបង បានចុះបង្រ្កាបករណីជួញដូរ ឬប្រើប្រាស់ដោយខុសច្បាប់នូវសារធាតុញៀន នៅភូមិបាឡាត់ ឃុំនរា ស្រុកសង្កែ ខេត្តបាត់ដំបង កម្លាំងកងរាជអាវុធហត្ថក្រុង បាត់ដំបង ដោយបានឃាត់ខ្លួនជនសង្ស័យចំនួន ៨នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ…