ស្ទឹងត្រែង៖ នៅព្រឹកថ្ងៃចន្ទ ទី១១ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តស្ទឹងត្រែង បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថ ក្រោមអធិបតីភាពលោក ឧត្តមសេនីយ៍ត្រី អៀង វ៉ាន់ឌី មេបញ្ជាការ កងរាជអាវុធហត្ថខេត្តស្ទឹងត្រែង និងដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធានមន្ទីរ នាយការិយាល័យ និងមេបញ្ជាការមូលដ្ឋាន កងរាជអាវុធហត្ថក្រុងស្រុកផងដែរ។

ពោធិ៍សាត់៖ នៅបញ្ជាការដ្ឋានកងរាជអាវុធហត្ថខេត្តពោធិ៍សាត់ នាថ្ងៃទី១១ ខែកុម្ភ: ឆ្នាំ២០១៩ បានប្រជុំជួរមេបញ្ជាការ ស្តីពីការវាយតម្លៃស្នើសុំ តម្លើងឋានន្តរស័ក្តិ ជូននាយទាហាន ដែលដល់អាយុចូលនិវត្តន៍ ក្រោមអធិបតីភាព លោកឧត្តមសេនីយ៍ត្រី អ៊ុក សាម៉ុន មេបញ្ជាការកងរាជអាវុធហត្ថខេត្តពោធិ៍សាត់ ។

ឧត្តរមានជ័យ៖ ព្រឹកថ្ងៃចន្ទ ទី១១ ខែកុម្ភៈ ឆ្នាំ២០១៩ នៅបញ្ជាការដ្ឋានកងរាជអាវុធហត្ថខេត្ត ឧត្តរមានជ័យ បានរៀបចំកិច្ចប្រជុំ ស្តីពីការវាយតម្លៃស្នើសុំ តម្លើងឋានន្តរស័ក្តិ ដល់នាយទាហាន ដែលត្រូវចូលនិវត្តន៍ ក្រោមអធិបតីភាព លោកឧត្តមសេនីយ៍ត្រី ពុទ្ធ សារ៉ាន មេបញ្ជាការកងរាជអាវុធហត្ថខេត្ត ឧត្តរមានជ័យ និងមានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ ប្រធានមន្ទីរ នាយការិយាល័យ និងមេបញ្ជាការមូលដ្ឋានក្រុង-ស្រុកជាច្រើនរូបផងដែរ។

រតនគិរី៖ ព្រឹកថ្ងៃអាទិត្យ ទី១០ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តរតនគិរី លោកឧត្តមសេនីយ៍ត្រី ថាវ យ៉េន មេបញ្ជាការស្តីទីបានប្រជុំត្រួតពិនិត្យ ការអនុវត្តតួនាទី និងភារកិច្ចរបស់កងរាជអាវុធហត្ថលើការងារ ព្រមទាំងបានធ្វើការណែនាំ ដល់កងកម្លាំង ដូចជាការពង្រឹងលើការងាររក្សាសណ្តាប់ធ្នាប់ សន្តិសុខសង្គម និងត្រូវក្តាប់ជាប់រាល់សកម្មភាពនៅតាមមូលដ្ឋានរបស់ខ្លួនចំពោះមុខ និងចូលរួមលើកកម្ពស់ស្មារតីជានិច្ចក្នុងការជួយសង្គ្រោះ ប្រជាពលរដ្ឋក្នុងឧបទ្ទវហេតុផ្សេងៗ ណាមួយ ។

កំពង់​ស្ពឺ​៖​ រសៀលថ្ងៃទី០៩ ខែកុម្ភៈ ឆ្នាំ២០១៩ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្ត បានដឹកកិច្ចប្រជុំពិនិត្យបញ្ជីឈ្មោះនាយទាហាន នាយទាហានរង ដែលមានស្នាដៃត្រូវដំឡើងឋានន្តរស័ក្កិជូន ដោយមានការចូលរួមឯកភាពជាផ្លូវការណ៍ពីមេបញ្ជាការរងទាំងអស់ ព្រមទាំងប្រធានមន្ទីររដ្ឋបាលហេរិញ្ញវត្ថុ និងការិយាល័យបុគ្គលឹកផងដែរ ។

កណ្តាល៖ នៅថ្ងៃទី០៧ ខែកុម្ភៈ ឆ្នាំ២០១៩ កម្លាំងកងរាជអាវុធហត្ថស្រុកកណ្តាលស្ទឹង ដឹកនាំដោយលោកមេបញ្ជាការស្រុក ចុះបង្ក្រាបមានករណីជួញដូរដោយខុសច្បាប់នូវសារធាតុញៀន នៅចំណុចភូមិអន្លង់រមៀតខាងលិច ឃុំអន្លង់រមៀត ស្រុកកណ្តាលស្ទឹង ខេត្តកណ្តាល ដោយឃាត់ខ្លួនជនសង្ស័យ០១នាក់ ឈ្មោះ ទូច ធី ភេទប្រុស អាយុ ២៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃទទឹង ឃុំព្រះនិពា្វន្ត ស្រុកគងពិសី ខេត្តកំពង់ស្ពឺ។ វត្ថុតាងចាប់យករួមមាន៖ -ថ្នាំញៀន(ម៉ាទឹកកក) ០១កញ្ចប់ -ទូរស័ព្ទដៃ ០១គ្រឿង -ម៉ូតូ…