ក្រចេះ៖ នៅវេលាម៉ោង ១២:៣០ នាទីថ្ងៃទី២២ ខែកក្កដា ឆ្នាំ២០១៩ កម្លាំងអាវុធហត្ថខេត្តក្រចេះ និងកម្លាំងស្នាក់ការសន្តិសុខ៧០៨ ដឹកនាំដោយ លោក វរសេនីយ៍ឯក ឡុង យឹង មេបញ្ជាការរង កងរាជអាវុធហត្ថខេត្តក្រចេះ បានចុះបង្រ្កាបឈើធ្នង់ និងកកោះជាច្រើនដុំ មិនទាន់ធ្វើការវាស់វែង ដែលឈ្មួញលាក់ទុកក្នុងព្រៃ ស្ថិតនៅភូមិអូរកណ្តៀរ ឃុំអូរគ្រៀង ស្រុកសំបូរ ខេត្តក្រចេះ ឈើប្រភេទប្រណិត(ធ្នង់) និងប្រភេទឈើលេខ១ (កកោះ) ជាច្រើនដុំមិនទាន់ធ្វើការវាស់វែង ។ បច្ចុប្បន្នកម្លាំងបានប្រគល់ឱ្យសង្កាត់រដ្ឋបាលព្រៃឈើអូរគ្រៀង ។

កោះកុង៖ នៅបញ្ជាការដ្ឋាន កងរាជអាវុធហត្ថខេត្តកោះកុង ព្រឹកថ្ងៃទី២២ ខែកក្កដា ឆ្នាំ២០១៩ បានធ្វើការប្រជុំផ្សព្វផ្សាយការងារកសាងកម្លាំង និងការប្រើប្រាស់កម្លាំងអនុវត្តសាលដីកា និងបង្ក្រាបបទល្មើសធនធានធម្មជាតិ ក្រោមអធិបតីភាពលោក ឧត្តមសេនីយត្រី ថុង ណារុង មេបញ្ជាការ កងរាជាអាវុធហត្ថខេត្តកោះកុង ដោយមានការ ចូលរួមពី មេបញ្ជាការរង នាយរងសេនាធិការ ប្រធានមន្ទីរ លេខាធិការដ្ឋាន ការិយាល័យហិរញ្ញវត្ថុ មេបញ្ជាការក្រុង ស្រុក ប្រធានស្នាក់ការសន្តិសុខ ផងដែរ។

ក្រចេះ៖ នៅវេលាម៉ោង ១០ និង ៣០នាទី ថ្ងៃទី២១ ខែកក្កដា ឆ្នាំ២០១៩ កម្លាំងអាវុធហត្ថខេត្តក្រចេះ ដឹកនាំដោយ លោកឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ សហការជាមួយកម្លាំង សហការជាមួយកម្លាំងកងរាជអាវុធហត្ថលើផ្ទៃប្រទេស បានដុតបំផ្លាញចោលរថយន្តសាំយ៉ុង ចំនួន០១គ្រឿង និងម៉ូតូ ចំនួន១១គ្រឿង ដែលជាមធ្យោបាយដឹកជញ្ជូលបទល្មើសព្រៃឈើ ស្ថិតនៅភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ ដែលកម្លាំងបង្ក្រាបបានកាលពីពេលថ្មីៗនេះ។

ឧត្តរមានជ័យ ៖ ព្រឹកថ្ងៃទី២២ ខែកក្កដា ឆ្នាំ២០១៩ នៅសាលប្រជុំ បញ្ជាការដ្ឋានកងរាជអាវុធហត្ថ ខេត្តឧត្តរមានជ័យ បានរៀបចំពិធីប្រជុំត្រួតពិនិត្យការអនុវត្តតួនាទីភារកិច្ច និងការងារ កងរាជអាវុធហត្ថ ខែកក្កដា និងលើកទិសដៅការងារខែសីហា ឆ្នាំ២០១៩ ពិធីនេះក្រោមអធិបតីភាព លោក ឧត្តមសេនីយ៍ត្រី ពុទ្ធ សារ៉ាន មេបញ្ជាការកងរាជអាវុធហត្ថខេត្តឧត្តរមានជ័យ និងដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានក្រុង ស្រុក ស្នាក់ការ…

ប៉ៃលិន៖ នៅព្រឹកថ្ងៃចន្ទ ទី២២ ខែកក្កដា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តប៉ៃលិន បានរៀបចំពិធីផ្សព្វផ្សាយផែនការអនុវត្តន៍ដីកាតុលាការ ក្រោមអធិបតីភាពលោក វរសេនីយ៍ឯក ស៊ាង វណ្ណដន មេបញ្ជាការរង និងជានាយសេនាធិការ តំណាងលោក ឧត្ដមសេនីយ៍ត្រី វ៉ាន់ ណាឡុង មេបញ្ជាការ កងរាជអាវុធហត្ថខេត្តប៉ៃលិន ក្នុងពិធីនោះដែរមានការអញ្ជើញចូលរួមពីនាយទាហាន នាយទាហានរងនៃកងរាជអាវុធហត្ថខេត្តជាច្រើនរូបផងដែរ ។