ប៉ៃលិន៖ ព្រឹកថ្ងៃទី០៨ ខែសីហា ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តប៉ៃលិន បានរៀបចំពិធីផ្សព្វផ្សាយផែនការ ក្រោមអធិបតីភាពលោក វរសេនីយ៍ឯក ស៊ាង វណ្ណដន មេបញ្ជាការរង និងជានាយសេនាធិការកងរាជអាវុធហត្ថខេត្តប៉ៃលិន ដោយមានការអញ្ជើញចូលរួមពីលោក នាយរងសេនាធិការ ប្រធានមន្ទីរ អនុមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុង ស្រុក ប្រធានស្នាក់ការសន្តិសុខ ព្រមទាំងនាយ នាយរងអាវុធហត្ថខេត្តជាច្រើនរូបទៀត។

តាកែវ៖ នៅព្រឹកថ្ងៃទី០៨ ខែសីហា ឆ្នាំ២០១៩ លោក វរសេនីយ៍ឯក ឈឺម សវ៉ាត់ឌី មេបញ្ជាការងនិងជានាយសេនាធិការ តំណាង លោកឧត្ដមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ បានដឹកនាំប្រជុំត្រួតពិនិត្យការអនុវត្តតួនាទីភារកិច្ច និងការងារកងរាជអាវុធហត្ថប្រចាំខែកក្កដា ទិសដៅការងារខែសីហាឆ្នាំ២០១៩ និងផ្សព្វផ្សាយផែនការ ដោយមានការចូលរួមពី នាយរងសេនាធិការ ប្រធាន អនុប្រធានមន្ទីរ នាយការិយាល័យ មេបញ្ជាការ បញ្ជាការរងមូលដ្ឋានក្រុង ស្រុកប្រធានស្នាក់ការ ការពារសន្តិសុខ នាយ នាយរងអាវុធហត្ថខេត្តជាច្រើនរូបទៀត។

ក្រចេះ៖ នៅវេលាម៉ោង ២១ និង ១០នាទី ថ្ងៃទី០៧ ខែសីហា ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងក្រចេះ ដឹកនាំដោយលោកវរសេនីយ៍ត្រី ផាត សុភក្រ្ត័វាសនា មេបញ្ជាការក្រុងក្រចេះ បានចុះបង្ក្រាបករណីគ្រឿងញៀន នៅចំណុចភូមិកាប៉ូ សង្កាត់អូរឬស្សី ក្រុងក្រចេះ ខេត្តក្រចេះ ដោយឃាត់ខ្លួនជនសង្ស័យម្នាក់ឈ្មោះ គា ហឿង ភេទប្រុស អាយុ ២៧ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិកាប៉ូ សង្កាត់អូរឫស្សី ក្រុងក្រចេះ…

កំពត៖ នៅបញ្ជាការដ្ឋាន កងរាជអាវុធហត្ថខេត្តកំពត លោក ឧត្តមសេនីយ៍ត្រី កែវ សុផល មេបញ្ជាការ កងរាជអាវុធហត្ថ បានដឹកនាំកិច្ចប្រជុំត្រួតពិនិត្យការងារអនុវត្តន៍ តួនាទីភារកិច្ច និងបែងចែកភារកិច្ចទទួលខុសត្រូវជួយមេបញ្ជាការ និងផ្សព្វផ្សាយសភាពការណ៍វិវឌ្ឍន៍ថ្មីៗ ដោយមានការចូលរួមពីសំណាក់លោក មេបញ្ជាការរង នាយរងសេនាធិការ ប្រធាន អនុប្រធានមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុង-ស្រុក ស្នាក់ការសន្តិសុខ និងនាយ នាយរងអាវុធហត្ថខេត្តជាច្រើនរូបទៀត។ (ថ្ងៃទី០៧ ខែសីហា ឆ្នាំ២០១៩)

កណ្តាល៖ លោក ឧត្តមសេនីយ៍ សំ តុលា មេបញ្ជាការកងរាជអាវុធហត្ថខេត្តកណ្តាល បានដឹកនាំកិច្ចប្រជុំជួរបញ្ជាការ ធ្វើការត្រួតពិនិត្យលទ្ធផលការងារ ខែកក្កដា និងទិសដៅការងារ ខែសីហា ឆ្នាំ២០១៩។ខ្លឹមសារសំខាន់ដែលត្រូវអនុវត្តបន្ត គឺត្រួតពិនិត្យតួនាទី ភារកិច្ច ការងារដែលបានអនុវត្តកន្លងមក ទទួលបានស្នាដៃ សមិទ្ធផល និងលទ្ធផល ព្រមទាំងដាក់ចេញនូវទិសដៅការងារសម្រាប់ពេលខាងមុខ។ ពង្រឹងវិន័យសណ្តាប់ធ្នាប់ជួរទ័ព ពង្រឹងរបៀបរបបការសុំអនុញាតិច្បាប់ ត្រៀមរៀបចំទទួលក្រុមការងារ ត្រួតពិនិត្យចំនួនទ័ព មធ្យោបាយ គ្រឿងបំពាក់ ផ្សព្វផ្សាយផែនការការពារសន្តិសុខសុវត្ថិភាព ជូនថ្នាក់ដឹកនាំ ពង្រឹងការងារការអនុវត្តន៍ ជំនាញ និងបានប្រគល់ភារកិច្ចចំពោះមុខឱ្យមេបញ្ជាការរងទទួលជំនាញ…

រតនគិរី៖ យោងតាមបទបញ្ជារបស់លោក ឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថ ខេត្តរតនគិរី កម្លាំងអាវុធហត្ថខេត្ត ដឹកនាំដោយលោកវរសេនីយ៍ទោ ឃី សុខា ប្រធានមន្ទីរបច្ចេកទេសសន្តិសុខ សហការជាមួយកម្លាំងមូលដ្ឋាន កងរាជអាវុធហត្ថស្រុកកូនមុំ និងរដ្ឋបាលព្រៃឈើ ចុះល្បាតទប់ស្កាត់បង្ក្រាបនិងផលអនុផលព្រៃឈើដោយរឹបអូសគោយន្តកែឆ្នៃចំនួន០២ គ្រឿង ដឹកឈើប្រភេទលេខ២ ចំនួន ០៨ម៉ែត្រត្រីគុណ (ឈើទាល,ត្រាច) ស្មើ៩,២៨០ មែត្រត្រីគុណ ដោយគ្មានច្បាប់អនុញ្ញាតស្ថិតត្រង់ចំណុចភូមិ៣ ឃុំស្រែអង្គ្រងស្រុកកូនមុំ ខេត្តរតនគិរី បច្ចុប្បន្នប្រគល់ជូនជំនាញរដ្ឋបាលព្រៃឈើស្រុកកូនមុំដើម្បីចាត់ការបន្តតាមនីតិវិធី (ថ្ងៃចន្ទ ថ្ងៃទី០៥ ខែសីហា…

កំពង់ធំ៖ លោកវរសេនីយ៍ទោ ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ ទទួលផែនស្រាវជ្រាវព័ត៌មានសន្តិសុខសហការជាមួយកម្លាំងមូលដ្ឋាន កងរាជអាវុធហត្ថស្រុកសណ្តាន់ បានចុះត្រួតពិនិត្យទីតាំងរក្សាទុករថយន្តកែឆ្នៃ(បាកុង) និងគ្រឿងចក្រផ្សេងៗទៀតនៅចំណុចតំបន់ស្រុកចាស់ស្ថិតនៅភូមិជរ ឃុំ សណ្តាន់ស្រុសណ្តាន់ខេត្តកំពង់ធំ ដោយបានដកហូតរថយន្តកែឆ្នៃ(បាកុង)ចំនួន ០២គ្រឿង, ជើងរ៉ៃចំនួន ២៧ដើម, ជើងកៅឡាក់ចំនួន០៨, ម៉ាស៊ីនរ៉ៃចំនួន ០៨គ្រឿង, ក្បាលម៉ាស៊ីន ២៤សេះ ចំនួន០១គ្រឿង, កៅឡាក់ចំនួន០២ និងផ្លែរណាចំនួន៣០ខ្សែរ គ្រឿងចក្រទាំងអស់រក្សាទុមកកនៅកន្លែងដដែលរងចាំធ្វើការកំទេចចោល(ថ្ងៃទី០៤ខែសីហាឆ្នាំ២០១៩)។