ស្ទឹងត្រែង៖ នៅព្រឹកថ្ងៃទី០៤ ខែឧសភា ឆ្នាំ២០២២ លោក វរសេនីយ៍ទោ ហ៊ុន ឈុនហៀង មេបញ្ជាការរង កងរាជអាវុធហត្ថខេត្តស្ទឹងត្រែង តំណាងលោក ឧត្តមសេនីយ៍ត្រី អៀង វ៉ាន់ឌី មេបញ្ជាការ កងរាជអាវុធហត្ថ ខេត្តស្ទឹងត្រែង បានដឹកនាំកម្លាំងនាំយកថ វិកាទៅសួរសុខទុក្ខ លោក អនុសេនីយ៍ឯក យស់ សុខុម នាយការិយាល័យ សុខាភិបាល ដែលរងរបួសដោយគ្រោះថ្នាក់ចរាចរណ៍ នឹងកំពុងសម្រាកព្យាបាលនៅមន្ទីរពេទ្យឯកជននៅរាជធានីភ្នំពេញ។

កំពង់ធំ៖ នៅថ្ងៃអង្គារ ទី០៣ ខែឧសភា ឆ្នាំ២០២២ លោក ឧត្តមសេនីយ៍ត្រី ហង្ស ថុល មេបញ្ជាការ កងរាជអាវុធហត្ថខេត្ត បានដឹកនាំសហការីចុះសួរសុខទុក្ខលោក អនុសេនីយ៍ទោ សុខ អៀង ជំនួយ ការ មូលដ្ឋាន ស្រុកប្រាសាទសំបូរ នៃកងរាជអាវុធហត្ថខេត្តកំពង់ធំ ដែលកំពុងសម្រាកព្យាបាលនៅគេហដ្ឋានស្ថិតនៅភូមិប្រឡាយ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ និងបាននាំយកថវិការចំនួន ៣,១១០,០០០រៀល ជួនដល់លោកអនុសេនីយ៍ផងដែរ។

រតនគិរី៖ ដោយមានការចង្អុលបង្ហាញពីលោក ឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី នៅរសៀលថ្ងៃពុធ ទី២៧ ខែមេសា ឆ្នាំ២០២២ លោក អនុសេនីយ៍ត្រី ស៊ុ ពិសិដ្ឋ ជំនួយការស្នាក់ការ៧៨៩ នៃមូលដ្ឋានកងរាជអាវុធហត្ថស្រុកកូនមុំ បានដឹកនាំកម្លាំងនាំយកនូវថវិកាដែលជាការចូលរួមរបស់សប្បុរសជន យកទៅជូនជនរងគ្រោះឈ្មោះ ឈុន ណាក់ ភេទប្រុស អាយុ ៣៧ ឆ្នាំ ដែលបានរងគ្រោះក្នុងពេលដើរឆ្លុះអង្កែបរួមជាមួយនិងមិត្តភក្កិ ក៏បានដើរជាន់អន្ទាក់ឆក់សត្វព្រៃដែលជនមិនស្គាល់មុខដាក់រាយក្នុងចំការស្វាយចន្ទី កាលពីថ្ងៃទី២៥ ខែមេសា ឆ្នាំ២០២២ វេលាម៉ោង…