កំពង់ឆ្នាំង៖ នៅវេលាម៉ោង ០៨:៣០នាទី ថ្ងៃទី១២ ខែឧសភា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកកំពង់លែង សហការចុះបង្រ្កាបបទល្មើសនេសាទ នៅចំណុចវាលភក់ ស្ថិតនៅភូមិក្រម៉ាល ឃុំប្រឡាយមាស ស្រុកកំពង់លែង ខេត្តកំពង់ឆ្នាំង ដោយបានរុះរើរបាំងសាច់អួនក្រឡាញឹកចំនួន២២ កន្លែង ប្រវែងសរុប ១,១០០ម៉ែត្រ,  លូសាច់អួនចំនួន ៣២មាត់, បង្គោលចំនួន ៥៥០ដើម និងលែងកូនត្រីចម្រុះចូលទន្លេវិញ ចំនួន៥០គីឡូ។ សំភារៈ និងវត្ថុតាងត្រូវបានបំផ្លាញចោលនៅនឹងកន្លែង ។

ព្រះវិហារ៖ នៅថ្ងៃទី១១ ខែឧសភា ឆ្នាំ២០២២ អាវុធហត្ថខេត្តព្រះវិហារ សហការជាមួយកម្លាំងនគរបាល ខេត្តព្រះវិហារ បានចាប់ខ្លួនជនល្មើសដែលបានកាប់សម្លាប់ជនរងគ្រោះឈ្មោះ ទុយ ទឺ ភេទប្រុស អាយុ២៥ឆ្នាំ មុខរបរទិញអេតចាយ កាលពីថ្ងៃទី៨ ខែឧសភា ឆ្នាំ២០២២ នៅភូមិមហាផល ឃុំឈានមុខ ស្រុកត្បែងមានជ័យ ខេត្តព្រះវិហារ បច្ចុប្បន្នកម្លាំងជំនាញមន្ទីរស្រាវជ្រាវ និងបង្រ្កាបបទល្មើសខេត្តព្រះវិហារកំពុងកសាងសំណុំរឿងបញ្ជូនជនសង័្សយតាមនីតិវិធី។

កណ្តាល៖ ថ្ងៃទី០៩ ខែឧសភា ឆ្នាំ២០២២ កម្លាំងមូលដ្ឋានកងរាជអាវុធហត្ថស្រុកកោះធំ បានចុះបង្ក្រាបករណីជួញដូរដោយខុសច្បាប់នូវសារធាតុញៀន ស្ថិតក្នុងឃុំព្រែកថ្មី ស្រុកកោះធំ ខេត្តកណ្តាលដោយបានឃាត់ខ្លួនជនសង្ស័យ០១នាក់ ភេទប្រុស និងចាប់វត្ថុតាង ថ្នាំញៀន(ម៉ាទឹកកក) ចំនួន០៦កញ្ចប់, ទូរស័ព្ទ០១គ្រឿង, ម៉ូតូ ០១គ្រឿង។ បច្ចុប្បន្នជនសង្ស័យ និងវត្ថុតាងសមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿង បញ្ជូនទៅអយ្យការអមសាលាដំបូងខេត្តតាមនីតិវិធី។

បន្ទាយមានជ័យ៖ ជនសង្ស័យម្នាក់ត្រូវបានកម្លាំងការិយាល័យការជួញដូរមនុស្សកងរាជអាវុធហត្ថខេត្តបន្ទាយមានជ័យ កសាងសំណុំរឿងបញ្ជូនទៅអយ្យការអមសាលាដំបូងខេត្តនៅព្រឹកថ្ងៃអង្គារ ទី១០ ខែឧសភា ឆ្នាំ២០២២ ដើម្បីផ្តន្ទាទោស។

បាត់ដំបង៖ អនុវត្តតាមបទបញ្ជាយ៉ាងម៉ឺងម៉ាត់របស់លោក ឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្ដបាត់ដំបង នៅវេលាម៉ោង ១៩ និង ៣០ នាទី ថ្ងៃទី០១ ខែឧសភា ឆ្នាំ២០២២ នៅចំណុចស្នាក់ការដោះដូរអីវ៉ាន់ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង កម្លាំងកងរាជអាវុធហត្ថខេត្តបាត់ដំបង បានឃាត់ខ្លួនជនសង្ស័យចំនួន ០២ នាក់៖ ១-ឈ្មោះ ឆាន់ ស្រស់ ភេទប្រុស អាយុ ២៩ឆ្នាំ មុខរបរបើកបរ អាស័យដ្ឋាន…

តាកែវ៖ កាលពីវេលាម៉ោង ១៥ និង៣០នាទី ថ្ងៃទី០៧ ខែឧសភា ឆ្នាំ២០២២ កម្លាំងការិយាល័យប្រឆាំងគ្រឿងញៀន សហការជាមួយកម្លាំងមូលដ្ឋានអាវុធហត្ថស្រុកសំរោង ដឹកនាំដោយលោក អនុសេនីយ៍ទោ ហួត វឿន នាយការិយាល័យ ដោយមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តតាកែវ កម្លាំងបានចុះបង្រ្កាបករណីជួញដូរ ប្រើប្រាស់គ្រឿងញៀននៅចំណុចខ្ទមក្រោយផ្ទះ រោងចិញ្ចឹមមាន់ ស្ថិតភូមិត្រពាំងខ្នា ឃុំជំរះពេន ស្រុកសំរោង ខេត្តតាកែវ ដោយបានឃាត់ខ្លួនជនសង្ស័យចំនួន ០២នាក់ និងចាប់យកវត្ថុតាងម្សៅក្រាមពណ៌សថ្លាចំនួន០៧កញ្ចប់សង្ស័យជាគ្រឿងញៀន, ទូរសព្ទ០២គ្រឿង, ជញ្ជីងថ្លឹងថ្នាំញៀនចំនួន០១, សម្ភារៈច្រកថ្នាំញៀននិងសម្ភារៈសេពថ្នាំញៀនមួយចំនួន, ដាវដែក០៤ដើម, កាំភ្លើងកែច្នៃ០១ដើម។…

កណ្តាល៖ ថ្ងៃទី០៣ ខែឧសភា ឆ្នាំ២០២២ កម្លាំងមូលដ្ឋានកងរាជអាវុធហត្ថស្រុកខ្សាច់កណ្តាល បន្ទាប់ពីទទួលបានព័ត៌មានពីប្រជាពលរដ្ឋមានករណី ជួញដូរដោយខុសច្បាប់នូវសារធាតុញៀន ស្ថិតក្នុងឃុំពុកឫស្សី ស្រុកខ្សាច់កណ្តាល ខេត្តកណ្តាល។ ដោយមានការដឹកនាំចង្អុលបង្ហាញផ្ទាល់ពី លោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០១នាក់ ភេទប្រុស និងចាប់យកវត្ថុតាងថ្នាំញៀន(ម៉ាទឹកកក) ចំនួន១៩កញ្ចប់, ទូរស័ព្ទ០១គ្រឿង, ជញ្ជីងសម្រាប់ថ្លឹងថ្នាំញៀន ០១គ្រឿង។ បច្ចុប្បន្នជនសង្ស័យ និងវត្ថុតាងសមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿងបញ្ជូនទៅអយ្យការអមសាលាដំបូងខេត្តតាមនីតិវិធី។

កំពង់ឆ្នាំង៖ ព្រឹកថ្ងៃព្រហស្បតិ៍ ទី០៥ ខែឧសភា ឆ្នាំ២០២២ កម្លាំងអាវុធហត្ថខេត្តកំពង់ឆ្នាំង បានសហការចុះរុះរើផ្ទះបណ្តែតទឹកនៅចំណុចដងទន្លេក្នុងភូមិទី៧ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ដោយបានកាត់ដំបូលទូកកាណូតស្នាក់នៅលើផ្ទៃទឹក និងដំបូលបែរចិញ្ចឹមត្រី បានចំនួន១០ខ្នង និងបានធ្វើកិច្ចសន្យាឱ្យរើផ្ទះចេញពីចំណីផ្លូមាត់ទន្លេចំនួន០២ខ្នងផ្ទះ។  

ព្រៃវែង៖ នៅរសៀលថ្ងៃទី០៣ ខែឧសភា ឆ្នាំ២០២២ កម្លាំងការិយាល័យប្រឆាំងគ្រឿងញៀន កងរាជអាវុធហត្ថខេត្តព្រៃវែង បានបញ្ចូលជនសង្ស័យ ០៩ នាក់ និងវត្ថុតាងពាក់ព័ន្ធករណីគ្រឿងញៀនទៅអយ្យការសាលាដំបូងខេត្តព្រៃវែង ដើម្បីបន្តនីតិវិធី។

កោះកុង៖ វេលាម៉ោង ៤:៣០នាទី ថ្ងៃទី០៣ ខែឧសភា ឆ្នាំ២០២២ កម្លាំង កងរាជអាវុធហត្ថខេត្តកោះកុង ដឹកនាំដោយលោក វរសេនីយ៍ទោ នួន វុត្ថា មេបញ្ចាការរង ទទួលការងារស្រាវជ្រាវ និងបង្ក្រាបបទល្មើសព្រហ្មទណ្ឌ និងមានការចង្អុលបង្ហាញពី លោក ឧត្តមសេនីយ៍ត្រី ថុង ណារុង មេបញ្ចាការ កងរាជអាវុធហត្ថខេត្តកោះកុង ដោយមានការសម្របសម្រួលពីព្រះរាជអាជ្ញាអមសាលាតំបូងខេត្តកោះកុង កម្លាំងបានចុះបង្រ្កាបទីតាំងចែកចាយ និងប្រើប្រាស់នូវសារធាតុញៀននៅចំនុចភូមិ៣ សង្កាត់ស្មាច់មានជ័យ ក្រុងខេមរភូមិន្ទខេត្តកោះកុង ឃាត់ខ្លួនជនសង្ស័យចំនួន០៣នាក់ និងចាប់យកវត្ថុតាងរួមមាន ម្សៅក្រាមពណ៌សរចំនួន១៥កញ្ចប់,…