ពោធិ៍សាត់ៈ នៅវេលាម៉ោង៧:៣០នាទី ថ្ងៃទី១៣ ខែកញ្ញា ឆ្នាំ២០២២ កម្លាំងអាវុធហត្ថខេត្តពោធិ៍សាត់ សហការជាមួយកម្លាំងចំរុះថ្នាក់ជាតិ ដឹកនាំដោយលោក ឧត្តមសេនីយ៍ទោ សាន ប៊ុនធឿន នាយសេនាធិការរង កងរាជអាវុធហត្ថលើផ្ទៃទេស និងលោកវរសេនីយ៍ឯក គុជ សុភាព តំណាងអគ្គស្នងការនគរបាលជាតិ បានចុះបង្ក្រាបបទល្មើសនេសាទនៅភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់ ដោយបង្ក្រាបបានរបាំងស្បៃមុង ០៧ខ្សែ ប្រវែង ១៥០០ម៉ែត្រ, លូកងស្បៃមុងចំនួន ៥មាត់, ក្បាលបរចំនួន ១គ្រឿង, បង្គោលចំនួន…

ក្រចេះ៖ នៅវេលាម៉ោង ១៩:២២នាទី ថ្ងៃទី១២ ខែកញ្ញា ឆ្នាំ២០២២ កម្លាំងមូលដ្ឋានកងរាជអាវុធហត្ថ ស្រុកសំបូរ ខេត្តក្រចេះ ដឹកនាំដោយលោក អនុសេនីយ៍ត្រី មាស ដារិន ជំនួយការមូលដ្ឋានកងរាជអាវុធហត្ថស្រុក សហការជាមួយមន្រ្តីសង្កាត់រដ្ឋបាលព្រៃឈើព្រែកប្រសព្វ ចុះល្បាតស្រាវជ្រាវបង្រ្កាបបទល្មើសធនធានធម្មជាតិ បានប្រទះឃើញឈើសន្និធិ ១កន្លែង ស្ថិតក្នុងភូមិស្រែភ្លី ឃុំកំពង់ចាម ស្រុកសំបូរ ខេត្តក្រចេះឈើអារប្រភេទ(សុក្រម) ចំនួន ២២ដុំ ស្មើនឹង ១,០៤៩ ម៉ែត្រត្រីគុណ ។ បច្ចុប្បន្នវត្ថុតាងខាងលើត្រូវបានយកមករក្សាទុកនៅសង្តាត់រដ្ឋបាលព្រៃឈើវឌ្ឍនៈ ដើម្បីបន្តនីតិវិធី។

កំពង់ឆ្នាំង៖ នៅវេលាម៉ោង ០៨:៣០នាទីព្រឹក ថ្ងៃទី១២ ខែកញ្ញា ឆ្នាំ២០២២ កម្លាំងមូលដ្ឋានកងរាជអាវុធហត្ថស្រុករលាប្អៀរ ខេត្តកំពង់ឆ្នាំង ដឹកនាំដោយលោក អនុសេនីយ៍ត្រី កែវ សុវិសារ ជំនួយការមូលដ្ឋានកងរាជអាវុធហត្ថស្រុក បានចុះសហការ បង្រ្កាបបទល្មើសនេសាទតាមដងទន្លេក្នុងភូមិសាស្រ្តភូមិកោះកែវ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដោយបានរុះរើរបាំងសាច់អួនចំនួន១៦កន្លែង ប្រវែង៨០០ ម៉ែត្រ, លូសាច់អួនចំនួន១១មាត់, បង្គោលសរុបចំនួន១៥០ដើម, លែងត្រីចំរុះ ២០ គីឡូក្រាម ចំណែកសម្ភារៈ និងវត្ថុតាង បានកាប់បំផ្លាញចោលនៅនឹងកន្លែង។

តាកែវ៖ ដោយបានទទួលបទបញ្ជា ពីលោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ និងមានការសម្របសម្រួលនីតិវិធីព្រះរាជអាជ្ញានៃអយ្យសាលាអមដំបូងខេត្តតាកែវ ថ្ងៃទី១១ ខែកញ្ញាឆ្នាំ២០២២ វេលាម៉ោង១៥:៤០នាទី កម្លាំងការិយាល័យប្រឆាំងគ្រឿងញៀន ដឹកលោក អនុសេនីយ៍ទោ ហួត វឿន នាយការិយាល័យសហការជាមួយកម្លាំងអាវុធហត្ថស្រុកគីរីវង់ បានចុះបង្រ្កាបករណីជួញដូរឬប្រើប្រាស់ដោយខុសច្បាប់នូវសារធាតុញៀន នៅចំណុចរោងស័ង្កសីភូមិជ្រោយស្លែង ឃុំព្រះបាទជាន់ជុំ ស្រុកគីរីវង់ ខេត្តតាកែវ ដោយបានឃាត់ខ្លួនជនសង្ស័យម្នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និង វត្ថុតាង ត្រូវបានមន្ត្រីជំនាញកសាងសំណុំរឿងតាមនីតិវិធី។

មណ្ឌលគិរី៖ រសៀលទី១១ ខែកញ្ញា ឆ្នាំ២០២២ កម្លាំងស្នាក់ការសន្តិសុខ៧៦៤ ដឹកនាំដោយលោក វរសេនីយ៍ត្រី សិទ្ធ ចន្ធី ប្រធានស្នាក់ការសន្តិសុខ ៧៦៤ បានឃាត់ខ្លួនជនសង្ស័យចំនួន ០៣នាក់ពាក់ព័ន្ធករណីជួញដូរឬបទប្រើប្រាស់នូវសារធាតុញៀន និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្នមន្ត្រីជំនាញកងរាជអាវុធហត្ថខេត្តកំពុងបន្តនីតិវិធី។

ពោធិ៍សាត់៖ នៅថ្ងៃទី០៩ ខែកញ្ញា ឆ្នាំ២០២២ កម្លាំងអាវុធហត្ថខេត្តពោធិ៍សាត់ សហការ បង្ក្រាបបទល្មើសនេសាទនៅភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់ ដោយបង្ក្រាបបានរបាំងស្បៃមុង ០៧ខ្សែប្រវែង ១៤៥០ម៉ែត្រ, លូកងស្បៃមុងចំនួន ៦មាត់, ក្បាលបរចំនួន ១គ្រឿង, បង្គោលចំនួន ២០០ដើម, លែងកូនត្រីចំនួន ៥០គីឡូក្រាម ចំណែកវត្ថុតាងកាប់បំផ្លាញចោលនៅនឹងកន្លែង។

កំពង់ចាម៖ នៅវេលាម៉ោង១៩ និង ០០នាទី ថ្ងៃទី០៧ ខែកញ្ញា ឆ្នាំ២០២២ កម្លាំងជំនាញកងរាជអាវុធហត្ថខេត្តកំពង់ចាម ដឹកនាំដោយលោក វរសេនីយ៍ទោ សែម ឃាង ប្រធានមន្ទីរស្រាវជ្រាវ និង បង្រ្កាបបទល្មើស កងរាជអាវុធហត្ថខេត្តកំពង់ចាម បានចុះបង្ក្រាបករណីគ្រឿងញៀននៅចំណុចភូមិទី១ សង្កាត់វាលវង់ ក្រុងកំពង់ចាម ខេត្តកំពង់ចាម ។ ដោយមានការសំរបសំរួលនីតិវិធីពីព្រះរាជអាជ្ញារង អមសាលាដំបូងខេត្តកំពង់ចាម កម្លាំងបានឃាត់ខ្លួនជនសង្ស័យបានចំនួន០៦នាក់ និងចាប់យកវត្ថុតាងពាក់ព័ន្ធមួយចំនួន។ បច្ចុប្បន្ន មន្ត្រីជំនាញកងរាជអាវុធហត្ថខេត្តកំពង់ចាម កំពុងកសាងសំណុំរឿតតាមនីតិវិធី ។

កំពង់ឆ្នាំង៖ ព្រឹកថ្ងៃទី០៧ ខែកញ្ញា ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកកំពង់លែង ខេត្តកំពង់ឆ្នាំង ដឹកនាំដោយលោក វរសេនីយ៍ត្រី ឡុង សាវ៉ាត មេបញ្ជាការស្រុក សហការចុះបង្រ្កាបបទល្មើសនេសាទតាមដងទន្លេក្នុងភូមិសាស្រ្តភូមិជើងគ្រួស ឃុំស្វាយរំពារ ស្រុកកំពង់លែង ខេត្តកំពង់ឆ្នាំង ដោយបានរុះរើរបាំងសាច់អួនចំនួន០៥កន្លែង ប្រវែង៥៥០ ម៉ែត្រ, លូសាច់អួនចំនួន ២០មាត់, បង្គោលសរុបចំនួន១៥០ដើម, សម្ភារៈ និងវត្ថុតាង បានកាប់បំផ្លាញចោលនៅនឹងកន្លែង។

ពោធិ៍សាត់៖ ព្រឹកថ្ងៃទី០៦ ខែកញ្ញា ឆ្នាំ២០២២ កម្លាំងអាវុធហត្ថខេត្តពោធិ៍សាត់ សហការជាមួយកម្លាំងចំរុះ ចុះបង្ក្រាបបទល្មើសនេសាទនៅចំណុចភូមិកំពង់ថ្គោល ឃុំអន្សាចំបក់ ស្រុកក្រគរ ខេត្តពោធិ៍សាត់ ដោយបានចាប់យករបាំងស្បៃមុង ចំនួន០៦ខ្សែ ប្រវែង ១,៧៥០ម៉ែត្រ, លូកងស្បៃមុង ចំនួន១៥គ្រឿង, បង្គោលចំនួន២៥០ដើម, លែងកូនត្រីចំនួន៥៥គីឡូក្រាម ចំណែកវត្ថុតាងត្រូវបានកាប់បំផ្លាញចោលនៅនឹងកន្លែង។