តាកែវ៖ នៅថ្ងៃទី១៥ ខែវិច្ឆិកា ឆ្នាំ២០២២ មូលដ្ឋានកងរាជអាវុធហត្ថស្រុកបាទី បានឃាត់ខ្លួនជនសង្ស័យ ០២នាក់ និងវត្ថុតាង ជាប់ពាក់ព័ន្ធករណីជួញដូរឬប្រើប្រាស់ដោយខុសច្បាប់នូវសារធាតុញៀន បច្ចុប្បន្នបានបញ្ចូនមកបញ្ជាការដ្ឋាន កងរាជអាវុធហត្ថខេត្តដើម្បីបន្តនីតិវិធី។

កំពង់ចាម៖ នៅវេលាម៉ោង ១៣ និង ២០នាទី ថ្ងៃទី១៣ ខែវិច្ឆិកា ឆ្នាំ២០២២ លោក វរសេនីយ៍ទោ សែម ឃាង ប្រធានមន្ទីរស្រាវជ្រាវ និង បង្រ្កាបបទល្មើស កងរាជអាវុធហត្ថខេត្តកំពង់ចាម បានដឹកនាំកម្លាំងចុះបង្រ្កាបករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ដោយបានឃាត់ខ្លួនជនសង្ស័យចំនួន ០៣នាក់ និង ចាប់យកវត្ថុតាងមួយចំនួន បច្ចុប្បន្នជនសង្ស័យ ត្រូវបានមន្ត្រីជំនាញកងរាជអាវុធហត្ថខេត្តកំពង់ចាម ចាត់ការតាមនីតិវិធី ។

កោះកុង៖ នៅវេលាម៉ោង ១៦:៤៥នាទីថ្ងៃទី១៤ ខែតុលា ឆ្នាំ២០២២ កម្លាំងកងរាជអាវុធហត្ថកោះកុង សហការជាកម្លាំងសាខាគយ និង រដ្ឋាករខេត្តកោះកុង បានស្ទាក់ឃាត់ចាប់រថយន្តបទល្មើសគេចពន្ធគយ ០១គ្រឿងម៉ាក TOYOTA PRIUS (HYBRID) ឆ្នាំផលិត២០១០ ពណ៌ទឹកប្រាក់ ពាក់ស្លាកលេខក្លែងក្លាយ ភ្នំពេញ2AQ -2467 នៅពេលដែលម្ចាស់កំពុងបើកបរក្នុងចំណតរថយន្ត ទល់មុខផ្សាភូមិថ្មី ស្ថិតនៅក្នុងភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង។ បច្ចុប្បន្នរថយន្តបទល្មើសខាងលើ ត្រូវបានកម្លាំងគយនាំមករក្សាទុកនៅក្នុងសាខាគយ និងរដ្ឋាករខេត្តកោះកុង ដើម្បីរង់ចាំអនុវត្តន៍តាមនីតិវិធី៕

ពោធិ៍សាត់៖ នៅវេលាម៉ោង ១២:២៥នាទី ថ្ងៃទី១៤ ខែវិច្ឆិកា ឆ្នាំ២០២២ កម្លាំងអាវុធហត្ថខេត្តពោធិ៍សាត់ ដឹកនាំដោយ លោក វរសេនីយ៍ឯក ប៊ូវ ថុល មេបញ្ជាការរង កងរាជអាវុធហត្ថខេត្តពោធិ៍សាត់ សហការចុះបង្រ្កាបបទល្មើសនេសាទនៅចំណុចលេខ(០៤១៧១១៩-១៣៨៩២២២) ស្ថិតក្នុងភូមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់ ដោយបង្ក្រាបបានក្បាលបរចំនួន៣គ្រឿង, របាំងសាច់អួនចំនួន៣ខ្សែ ប្រវែង១៥០ម៉ែត្រ, បង្គោលចំនួន៥០ដើម និង លែងកូនត្រីចម្រុះចំនួន៣០គីឡូក្រាម ចូលបឹងទន្លេវិញ ចំណែកវត្ថុតាងកាប់បំផ្លាញចោលនៅនឹងកន្លែង។

ស្វាយរៀង៖ នៅថ្ងៃចន្ទ ទី១៤ ខែវិច្ឆិកា ឆ្នាំ២០២២ សមត្ថកិច្ចជំនាញនៃការិយាល័យប្រឆាំងគ្រឿងញៀន កងរាជអាវុធហត្ថខេត្តស្វាយរៀង បានបញ្ជូនជនសង្ស័យចំនួន ០២នាក់ ទៅតុលាការដើម្បីផ្ដន្ទាទោសតាមច្បាប់ពាក់ព័ន្ធករណីរក្សាទុក ឬជួញដូរដោយខុសច្បាប់នូវសារធាតុញៀន។

តាកែវ៖ ដោយបានទទួលបទបញ្ជាលោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ និងមានការសម្របសម្រួលនីតិវិធីពីព្រះរាជអាជ្ញារងអមសាលាដំបូងខេត្តតាកែវ នៅវេលាម៉ោង ១៦ និង ២០នាទី ថ្ងៃទី១៣ ខែវិច្ឆិកា ឆ្នាំ២០២២ កម្លាំងការិយាល័យប្រឆាំងគ្រឿងញៀនកងរាជអាវុធហត្ថខេត្ត សហការជាមួយកម្លាំងមូលដ្ឋានអាវុធហត្ថស្រុកសំរោង ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរង បានចុះបង្ក្រាបករណីជួញដូររក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុច ផ្ទះលក់ចាប់ហួយ ភូមិស្វាយទង ឃុំខ្វាវ ស្រុកសំរោង ខេត្តតាកែវ…

ក្រចេះ៖ នៅថ្ងៃទី១៣ ខែវិច្ឆិកា ឆ្នា២០២២ ដោយមានបទបញ្ជារបស់ លោក ឧត្តមសេនីយ៍ត្រី មេបញ្ជាការ កងរាជអាវុធហត្ថខេត្តក្រចេះ កម្លាំងកងរាជអាវុធហត្ថហខេត្ត  ស្រុកសំបូរ និង ស្រុកព្រែកប្រសព្វ ដឹកនាំដោយ លោក វរសេនីយ៍ឯក គឹង ស៊ាងឡៃ មេបញ្ជាការរងខេត្ត ទទួលជំនាញការងារស្រាវជ្រាវព័ត៌មានសន្តិសុខ សហការជាមួយមន្ត្រីបរិស្ថានកំពត​​​គយ និងកម្លាំងកងរាជអាវុធហត្ថខេត្តកំពង់ធំ ដឹកនាំដោយលោក វរសេនីយ៍ទោ គឹម ប៊ុនថាន ប្រធានមន្ទីរប្រតិបត្តិការ និងហ្វឹកហ្វឺន បានចុះទៅដល់ទីតាំងដែលមានប្រជាពលរដ្ឋចូលកាប់ទន្ទ្រានដីព្រៃរបស់រដ្ឋនៅចំណុចពន្លឺពេជ្រ ស្ថិតនៅដែនជម្រកសត្វព្រៃ…

កំពង់ចាម៖ ព្រឹកថ្ងៃទី១១ ខែវិច្ឆិកា ឆ្នាំ២០២២ កម្លាំងអាវុធហត្ថខេត្តកំពង់ចាម បានឃាត់ខ្លួនជនសង្ស័យម្នាក់ ឈ្មោះ ជាឌី ឆាត ភេទប្រុស អាយុ២០ឆ្នាំ ពាក់ព័ន្ធករណីជួញដូរ ដោយខុសច្បាប់នូវសារធាតុញៀន និងបានចាប់យកវត្ថុតាងពាក់ព័ន្ធ នៅត្រង់ចំណុចភូមិបឹងកុកទី២ សង្កាត់បឹងកុក ក្រុងកំពង់ចាម ខេត្តកំពង់ចាម បច្ចុប្បន្នជនសង្ស័យបានបញ្ជូនមកបញ្ជាការដ្ឋាន កងរាជអាវុធហត្ថខេត្តកំពង់ចាម។

កោះកុង៖ ថ្ងៃទី១២ ខែវិច្ឆិកា ឆ្នាំ២០២២ កម្លាំងអាវុធហត្ថខេត្តកោះកុង សហការជាមួយកម្លាំងបរិស្ថាន អង្គការសម្ព័ន្ធមិត្តសត្វព្រៃនៅស្នាក់ការអារ៉ែង  បានរុះរើដកហូតខ្សែអន្ទាក់៦០ខ្សែ (ក្នុងព្រៃ) នៅភូមិព្រែកស្វាយ ឃុំថ្មដូនពៅ ស្រុកថ្មបាំង។ នៅវេលាម៉ោង៨:៣៥នាទី ថ្ងៃខែឆ្នាំដដែលកម្លាំង អាវុធហត្ថសហការជាមួយកម្លាំងមន្ត្រីបរិស្ថាន អង្គការសម្ព័ន្ធមិត្តសត្វព្រៃ បានរុះរើអន្ទាក់នៅក្នុងព្រៃ១៨៥ខ្សែ (ហ្រ្វាងកង់) នៅភូមិព្រះអង្គកែវ ឃុំដងពែង ស្រុកស្រែអំបិល។

កោះកុង៖ ព្រឹកថ្ងៃទី១២ ខែវិច្ឆិកា ឆ្នាំ២០២២ កម្លាំងអាវុធហត្ថ សហការជាមួយកម្លាំងសាខាគយ និងរដ្ឋាករខេត្តកោះកុង ស្ទាក់ឃាត់ចាប់រថយន្តបទល្មើសគេចពន្ធគយ០១គ្រឿងម៉ាក LEXUS RX 450h(HIBRID) ពណ៌សចង្កូតឆ្វេងឆ្នាំផលិត២០១០ ពាក់ស្លាកលេខក្លែងក្លាយ ភ្នំពេញ 2BA-5582 ពេលដែលម្ចាស់កំពុងបើកបរតាមដងផ្លូវសេរីកា ត្រង់ចំណុចខាងត្បូងស្ថានីយ៍ប្រេងឥន្ទនៈ ក្នុងភូមិសាស្រ្ត ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។ បច្ចុប្បន្នរថយន្តត្រូវបានកម្លាំងគយ យកមករក្សាទុកនៅ សាខាគយនិងរដ្ឋាករខេត្តកោះកុងដើម្បីចាត់ការតាមនីតិវិធី៕