ព្រះសីហនុ៖ នៅវេលាម៉ោង ១០:០០នាទីព្រឹក ថ្ងៃទី០២ ខែវិច្ឆិកា ឆ្នាំ២០២០ កម្លាំងការិយាល័យបទល្មើសគ្រឿងញៀន មន្ទីរស្រាវជ្រាវនិងបង្ក្រាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យប្រុសស្រី ចំនួន០៨នាក់ ទៅអយ្យការអមសាលាដំបូងខេត្ត ពាក់ព័ន្ធនឹងករណីជួញដូរ រក្សាទុក ឬប្រើប្រាស់ដោយខុសច្បាប់នូវសារធាតុញៀន។

ព្រះសីហនុ៖ នៅវេលាម៉ោង ១៥:០០នាទីថ្ងៃទី៣០ ខែតុលា ឆ្នាំ២០២០ កម្លាំងការិយាល័យបទល្មើសព្រហ្មទណ្ឌ មន្ទីរស្រាវជ្រាវនិងបង្ក្រាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង័្សយ ០១នាក់ ឈ្មោះ ខន ម៉ៅ ភេទប្រុស អាយុ ៣៣ឆ្នាំ មុខរបរមិនពិតប្រាកដ រួមនឹងវត្ថុតាង ទៅអយ្យការអមសាលាដំបូងខេត្ត ពាក់ព័ន្ធករណី កំហែងយក (ប្រាក់) ប្រព្រឹត្តិនៅចំណុចភូមិស្ទឹងច្រាល ឃុំអូរបាក់រទេះ សស្រុកកំពង់សីលា។

កណ្តាល៖ នៅថ្ងៃទី៣០ ខែតុលា ឆ្នាំ២០២០ កម្លាំងមូលដ្ឋាន កងរាជអាវុធហត្ថក្រុងតាខ្មៅ បន្ទាប់ពីទទួលបានព័ត៌មានពីប្រជាពលរដ្ឋថាមានករណី ជួញដូរដោយខុសច្បាប់នូវសារធាតុញៀន ស្ថិតក្នុងសង្កាត់តាខ្មៅ ក្រុងតាខ្មៅ ខេត្តកណ្តាល។ ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យបាន ចំនួន ០២នាក់ និងដកហូតវត្ថុតាងពាក់ព័ន្ធមួយចំនួន។ បច្ចុប្បន្ន ជនសង្ស័យ និងវត្ថុតាង សមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿងបញ្ជូនទៅអយ្យការសាលាដំបូងខេត្តតាមនីតិវិធី។

កណ្តាល៖ នៅថ្ងៃទី២៩ ខែតុលា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកពញាឮ បានចុះបង្ក្រាបករណីគ្រឿងញៀន នៅឃុំផ្សារដែក ស្រុកពញាឮ ខេត្តកណ្តាល ដោយបានឃាត់ខ្លួនជនសង្ស័យម្នាក់ និងដកហូវវត្ថុតាងពាក់ព័ន្ធមួយចំនួន។ បច្ចុប្បន្ន សមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿងបញ្ជូនទៅអយ្យការសាលាដំបូងខេត្តតាមនីតិវិធី។

កំពត៖ នៅវេលាម៉ោង ១៧ និង ០០នាទី ថ្ងៃទី០១ ខែវិច្ឆិកា ឆ្នាំ២០២០ នៅចំណុចភូមិពស់ពង ឃុំនរាយណ៍ ស្រុកឈូក ខេត្តកំពត កម្លាំងអាវុធហត្ថខេត្ត និងកម្លាំងមូលដ្ឋាន កងរាជអាវុធហត្ថស្រុកឈូក ដឹកនាំដោយលោក វរសេនីយ៍ទោ សេង វិច្ឆិកា មេបញ្ជាការរង កងរាជអាវុធហត្ថខេត្ត នឹងដោយមានការសម្របសម្រួលនីតិវិធីព្រះរាជអាជ្ញាអមសាលាដំបូងខេត្តកំពត កម្លាំងជំនាញបានឃាត់ខ្លួនជនសង្ស័យម្នាក់ពាក់ព័ន្ធនឹងករណីគ្រឿងញៀន និងដកហូតវត្ថុតាងពាក់ព័ន្ធមួយចំនួនផងដែរ។ បច្ចុប្បន្ន មន្ត្រីជំនាញបានកសាងសំណុំរឿងតាមនីតិវិធី។

រតនគិរី៖ នៅម៉ោង១៤:00នាទី សុក្រ ទី៣០ ខែតុលា ឆ្នាំ ២០២០ យោងតាមបទបញ្ជារបស់លោក ឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី កម្លាំងជំនាញផែនការស្រាវជ្រាវព័ត៌មាន កងរាជអាវុធហត្ថខេត្តដឹកនាំដោយលោក វរសេនីយ៍ត្រី សោម សុផល នាយការិយាល័យ សន្តិសុខ ចុះសហការដោយមានការសម្របសម្រួលពីព្រះរាជអាជ្ញារងអយ្យាការអមសាលាដំបូងខេត្ត បានចុះត្រួតពិនិត្យដល់ចំណុចទីតាំងសន្និធិបទល្មើសព្រៃឈើចំនួន០២កន្លែង ចំណុចទី១ស្ថិតក្នុងភូមិមុយ ឃុំញ៉ាង ស្រុកអណ្តូងមាស ឈើស្រឡៅ១១ដុំ ស្មើនឹង ៣,៩៦០ម៉ែត្រគូប និង ចំណុចទី២…

កណ្តាល៖ ថ្ងៃទី២៨ ខែតុលា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកកោះធំ បន្ទាប់ពីទទួលបានព័ត៌មានពីប្រជាពលរដ្ឋថាមានករណី គ្រឿងញៀនស្ថិតក្នុងឃុំសំពៅពូន ស្រុកកោះធំ ខេត្តកណ្តាល និងដោយមានការដឹកនាំចង្អុលបង្ហាញផ្ទាល់ពីលោកឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែង ឃាត់ខ្លួនជនសង្ស័យបាន ចំនួន ០២នាក់ (ស្រី០១នាក់)។ វត្ថុតាងចាប់យករួមមានថ្នាំញៀន(ម៉ាទឹកកក) ចំនួន ៣០កញ្ចប់, ថ្នាំយ៉ាម៉ា ពណ៌ក្រហម ចំនួន២០៣០គ្រាប់, ថ្នាំគ្រវីពណ៌ផ្កាឈូក (អ៊ិចស្តាស៊ី) ចំនួន ៤៩គ្រាប់, ទូរស័ព្ទដៃ ចំនួន…

ព្រៃវែង៖ នៅវេលាម៉ោង ១៥ និង ៣០នាទី ថ្ងៃទី៣០ តុលាឆ្នាំ២០២០ កម្លាំងអាវុធហត្ថខេត្តព្រៃវែង និងកម្លាំងមូលដ្ឋានកងរាជអាវុធហត្ថស្រុកស្វាយអន្ទរ ដឹកនាំដោយ លោក វរសេនីយ៍ទោ ផាត់ សុជោត ប្រធានមន្ទីរស្រាវជ្រាវ និង បង្រ្កាបបទល្មើស បានបង្ក្រាបបទល្មើសគ្រឿងញៀននៅភូមិតងឡងទី១ ឃុំព្រៃខ្លា ស្រុកស្វាយអន្ទរ ខេត្តព្រៃវែង ដោយឃាត់ខ្លួនជនសង្ស័យបាន ០១នាក់ និងស្រាវជ្រាវឃាត់ខ្លួនបានម្នាក់បន្ថែមទៀង ព្រមទាំងបានដកហូតវត្ថុតាងពាក់ព័ន្ធមួយចំនួន។ បច្ចុប្បន្នជនសង្ស័យ និងវត្ថុតាង មន្ត្រីជំនាញបានកសាងសំណុំរឿងតាមនីតិវិធី។