ព្រះសីហនុ៖ ព្រឹកថ្ងៃទី២៣ ខែមេសា ឆ្នាំ២០២១ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានអមដំណើរ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញចុះត្រួតពិនិត្យកងកម្លាំងសមត្ថកិច្ចចម្រុះ ដែលដាក់ពង្រាយឈរជើងប្រចាំការតាមបណ្តាគោលដៅ អនុវត្តវិធានការរដ្ឋបាលបិទខ្ទប់ច្រកចេញ-ចូល ខ្សែក្រវ៉ាត់ក្រុងព្រះសីហនុ ជាបណ្តោះអាសន្ន ដើម្បីទប់ស្កាត់ការរីករាលដាលជំងឺឆ្លងដ៏កាចសាហាវជាសកលកូវីដ-១៩ ទៅក្នុងសហគមន៍ ក្នុងភូមិសាស្រ្តខេត្តព្រះសីហនុ។

កម្លាំងកងរាជអាវុធហត្ថបានល្បាត និងឈរជើងនៅតាមគោលដៅនៅថ្ងៃនេះ ដើម្បីអនុវត្តវិធានការក្នុងអំឡុងពេលបិទខ្ទប់ ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្ដាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩!

កម្លាំងកងរាជអាវុធហត្ថបានល្បាត និងឈរជើងនៅតាមគោលដៅ ដើម្បីអនុវត្តវិធានការក្នុងអំឡុងពេលបិទខ្ទប់ ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្ដាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩!

សៀមរាប៖ សកម្មភាព ថ្ងៃទី១៨-២១ ខែមេសា ឆ្នាំ២០២១ កម្លាំងកងរាជអាវុធហត្ថខេត្តសៀមរាប បានចូលរួមសហការអនុវត្តតាមសេចក្តីសម្រេចរបស់រាជរដ្ឋាភិបាល និងសេចក្តីសម្រេចរបស់រដ្ឋបាលខេត្ត ស្តីពីការបិទខ្ទប់ភូមិសាស្ត្រខេត្តសៀមរាប ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ យ៉ាងម៉ឺងម៉ាត់បំផុត ដោយប្រចាំការការពារត្រួតពិនិត្យតាមគោលដៅទាំងយប់ថ្ងៃ។  

ព្រៃវែង៖ បន្ទាប់ពីទទួលបានបទបញ្ជា របស់លោកនាយឧត្ដមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅរសៀល ថ្ងៃទី ១៨ ខែមេសា ឆ្នាំ២០២១  លោក ឧត្តមសេនីយ៍ត្រី ឈួន គីមសាន មេបញ្ជាការកងរាជអាវុធហត្ថខេត្តព្រៃវែង បានចុះត្រួតពិនិត្យ កំពង់ដរ ឆ្លងកាត់ទន្លេមេគង្គ ពីខេត្តកណ្តាល មកខេត្តព្រៃវែង ក្នុងភូមិសាស្ត្រ ស្រុកពាមជរ ខេត្តព្រៃវែង។  

ព្រះសីហនុ៖ ព្រឹកថ្ងៃទី២០ ខែមេសា ឆ្នាំ២០២១ កម្លាំងកងអន្តរាគមន៍កងរាជអាវុធហត្ថខេត្តព្រះសីហនុ និងកម្លាំងតាមបណ្តាមូលដ្ឋានកងរាជអាវុធហត្ថស្រុក បានចុះបំពេញភារកិច្ច ប្រចាំការត្រួតពិនិត្យគោលដៅចត្តាឡីស័ក សហការជាមួយកម្លាំងគណៈបញ្ជាការឯកភាពរដ្ឋបាលស្រុក អនុវត្តន៍តាមបទបញ្ជាយ៉ាងម៉ឹងម៉ាត់ និងសេចក្តីសម្រេចរបស់រាជរដ្ឋាភិបាល លេខ:៤៤ សសរ ក្នុងគោលបំណងប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩ ពីភូមិសាស្ត្រនៃខេត្តមួយ ទៅភូមិសាស្ត្រនៃខេត្តមួយ។  

ថ្ងៃទី២១ ខែមេសា ឆ្នាំ២០២១ សកម្មភាពកម្លាំងអន្តរាគមន៍កងរាជអាវុធហត្ថលើផ្ទៃប្រទេស ចូលរួមសហការអនុវត្តតាម សេចក្តីសម្រេច របស់រាជរដ្ឋាភិបាល យ៉ាងម៉ឺងម៉ាត់បំផុត តាមបណ្តាគោលដៅបិទបម្រាមគោចរក្នុងរាជធានីភ្នំពេញ។  

ភ្នំពេញ៖ ព្រឹកថ្ងៃទី២១ ខែមេសា ឆ្នាំ២០២១ លោកវរសេនីយ៍ឯក លក សុវណ្ណារិទ្ធ ស្នងការរង តំណាងលោកឧត្តមសេនីយ៍ត្រី ញឹម សិលា ស្នងការ ស្នងការដ្ឋានផែនការប្រតិបត្តិការ និងហ្វឹកហ្វឺន បានអញ្ជើញចុះត្រួតពិនិត្យ និងចែកបណ្ណបញ្ជាប្រតិបត្តិការ ព្រមទាំងសម្ភារសុខាភិបាល ដល់កម្លាំងអន្តរាគមន៍កងរាជអាវុធហត្ថលើផ្ទៃប្រទេសដែលឈរតាមគោលដៅបិទខ្ទប់បម្រាមគោចរ​ក្នុងភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល។  

បន្ទាយមានជ័យ៖ អនុវត្តតាមសេចក្តីសម្រេចរបស់រាជរដ្ឋាភិបាល លោក ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បន្ទាយមានជ័យ បានអញ្ជើញចុះត្រួតពិនិត្យតាមគោលដៅ បិទការធ្វើដំណើរឆ្លងកាត់ពីខេត្តមួយទៅខេត្តមួយជាបណ្តោះអាសន្ន នៅតាមបណ្តាគោលដៅដែលជាព្រំប្រទល់ខេត្តបន្ទាយមានជ័យ និងខេត្តបាត់ដំបង ក្នុងគោលបំណងពង្រឹងក្នុងការអនុវត្តសេចក្តីសម្រេចរបស់រាជរដ្ឋាភិបាលដើម្បីបង្ការទប់ស្កាត់ការឆ្លងរាលដាលនៃជម្ងឺកូវីដ-១៩ ទៅដល់សហគមន៍។ លោក ឧត្តមសេនីយ៍ត្រី បោន ប៊ិន បានធ្វើការផ្ដាំផ្ញើដល់កងកម្លាំងទាំងអស់ ដែលឈរជើងតាមគោលដៅត្រូវយកចិត្តទុកដាក់ឱ្យបានហ្មត់ចត់ក្នុងការអនុវត្តសេចក្តីសម្រេចរបស់រាជរដ្ឋាភិបាល។  

កណ្តាល ៖ លោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្តខេត្តកណ្តាល បានអញ្ជើញដឹកនាំលោកមេបញ្ជាការរង នាយរងសេនាធិការ នាយការិយាល័យពាក់ព័ន្ធ និងមេបញ្ជាការមូលដ្ឋានកងរាជអាវុធហត្ថក្រុងតាខ្មៅ អមដំណើរឯកឧត្ដម គង់ សោភ័ណ្ឌ អភិបាល នៃគណៈអភិបាល ខេត្តកណ្តាល អញ្ជើញចុះត្រួតពិនិត្យស្ថានភាពភូមិសាស្ត្រ សភាពការណ៍ និងជួបសំណេះសំណាលសួរសុខទុក្ខ ជាមួយកងកម្លាំងកំពុងឈរជើងនៅតាមបណ្តាគោលដៅប្រចាំការនានា ក្នុងភូមិសាស្ត្រ ក្រុងតាខ្មៅ ខេត្តកណ្តាល។ ដើម្បីទប់ស្កាត់ការឆ្លងកាត់ ចេញ-ចូល អនុវត្តតាមសេចក្តីសម្រេចលេខ ៤៩ សសរ ចុះថ្ងៃទី១៤…