កែប៖ នៅរសៀលថ្ងៃទី០៥ ខែមេសា ឆ្នាំ២០២៣ លោក ឧត្តមសេនីយ៍ត្រី ហ៊ត សីហា មេបញ្ជាការ កងរាជអាវុធហត្ថខេត្តកែប អញ្ជើញជួបសំណេះសំណាលជាមួយបេក្ខជនដែលប្រឡងជាប់កងរាជអាវុធហត្ថជាស្ថាពរ។ ក្នុងពិធីសំណេះសំណាលនោះផងដែរ លោក ឧត្តមសេនីយ៍ត្រី មេបញ្ជការ ក៏បានណែនាំ និងផ្ដាំផ្ញើ ដល់ប្អូនៗ ក្មួយៗដែលជាបេក្ខជនប្រឡងជាប់ទាំងអស់ ពេលចូលដល់សាលាហ្វឹកហ្វឺន ត្រូវចេះថែរក្សាសុខភាពអោយបានល្អ និងគោរពតាមបទបញ្ជា វិន័យឱ្យបានខ្ជាប់ខ្ជួនត្រូវខិតខំហ្វឹកហាត់រៀនសូត្រ ក្រេបយកវិជ្ជាជីវៈកងរាជអាវុធហត្ថ ដើម្បីក្លាយជាអាវុធហត្ថអាជីព បម្រើជាតិ មាតុភូមិ និងប្រជាជន ជាពិសេសស្មោះត្រង់ដាច់ខាតចំពោះ ជាតិ…

ស្វាយរៀង៖ ព្រឹកថ្ងៃទី០៦ ខែមេសា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តស្វាយរៀង លោក ឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានអញ្ជើញជាអធិបតីភាព ពិធីប្រជុំផ្សព្វផ្សាយផែនការការពារសន្តិសុខសុវត្ថិភាព និងសណ្តាប់ឆ្នាប់ពិធីសង្រ្គាន្តស្វាយរៀង អបអរសាទរបុណ្យចូលឆ្នាំថ្មីប្រពៃណីជាតិខ្មែរ និងផ្សព្វផ្សាយសេចក្តីសម្រេចបង្កើតក្រុមការងាររៀបចំពិធីសម្ពោធដាក់ឱ្យប្រើប្រាស់អគាររដ្ឋបាល និងអគារស្នាក់នៅមូលដ្ឋានកងរាជអាវុធហត្ថស្រុករមាសហែក។ ដោយមានការអញ្ជើញចូលរួមពីសំណាក់លោក លោកស្រី មេបញ្ជាការរង លោកនាយ នាយសេនាធិការរង លោកប្រធានមន្ទីរទាំង៧ និងលោកមេបញ្ជាការមូលដ្ឋានកងរាជអាវុធហត្ថ ក្រុង ស្រុកទាំង៨ផងដែរ។

រតនគិរី៖ នៅព្រឹកថ្ងៃទី០៦ ខែមេសា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី លោកឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្តរតនគិរី បានជួបសំណេះសំណាល ជាមួយយោធិន នៃកងរាជអាវុធហត្ថដែលប្រឡងជាប់ជាស្ថាពរនឹងត្រៀមទៅហ្វឹកហ្វឺននៅមជ្ឈមណ្ឌលហ្វឹកហ្វឺនភ្នំជុំសែនរីករាយ លោកឧត្តមសេនីយ៍ មេបញ្ជាការ កងរាជអាវុធខេត្ត បានប្រាប់ឱ្យប្អូនៗដែលជាបេក្ខជនប្រឡងជាប់ ត្រូវថែរក្សាសុខភាព និងត្រូវរៀបចំសម្ភារៈផ្ទាល់ខ្លួនរង់ចាំបទបញ្ជា។

តាកែវ៖ នៅវញ្ជាការដ្ឋាន កងរាជអាវុថហត្ថខេត្តតាកែវ ព្រឹកថ្ងៃទី០៥ ខែមេសា ឆ្នាំ២០២៣ លោក វរសេនីយ៍ឯក ឈឹម សវ៉ាត់ឌី មេបញ្ជាការរង ជានាយសេនាធិការ តំណាងលោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ អញ្ជើញចូលរួមបើកកិច្ចប្រជុំបូកសរុបលទ្ធផលការងារអនុវត្តតួនាទីភារកិច្ច កងរាជអាវុធហត្ថ ប្រចាំត្រីមាសទី១ និងទិសដៅត្រីមាសទី២ ឆ្នាំ២០២៣ ដោយមានការអញ្ជើញចូលរួមពីសំណាក់ លោកនាយសេនាធិការរង លោកប្រធាន អនុប្រធានមន្ទីរ នាយការិយាល័យ មេបញ្ជាការមូលដ្ឋាន ក្រុង…

កណ្តាល៖ ព្រឹកថ្ងៃទី០៥ ខែមេសា ឆ្នាំ២០២៣ លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានដឹកនាំប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ប្រចាំត្រីមាសទី១ និងលើកទិសដៅការងារត្រីមាសទី២ ឆ្នាំ២០២៣ ផ្សព្វផ្សាយផែនការការពារសន្តិសុខ រក្សាសណ្តាប់ធ្នាប់ ជូនថ្នាក់ដឹកនាំជាតិ អន្តរជាតិ ក្នុងពិធីផ្សេងៗ នាពេលខាងមុខ ព្រមទាំងបានអប់រំណែនាំផ្សព្វផ្សាយការងារមួយចំនួនទៀតរបស់អង្គភាព។

ព្រៃវែង៖ ព្រឹកថ្ងៃទី០៥ ខែមេសា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តព្រៃវែង បានប្រជុំត្រួតពិនិត្យការអនុវត្តតួនាទីភារកិច្ច និងវឌ្ឍនភាពការងារកងរាជអាវុធហត្ថប្រចំាត្រីមាសទី១ និងទិសដៅត្រីមាសទី២ ឆ្នាំ២០២៣ ក្រោមអធិបតីភាពលោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង ដោយមានការអញ្ជើញចូលរួមពីសំណាក់ មេបញ្ជាការរង នាយសេនាធិការរង ប្រធានមន្ទីរ នាយការិយាល័យ មេបញ្ជាការមូលដ្ឋានកងរាជអាវុធហត្ថក្រុង-ស្រុក និងប្រធានស្នាក់ការសន្តិសុខផងដែរ។

ភ្នំពេញ៖ ព្រឹកថ្ងៃទី០៣ ខែមេសា ឆ្នាំ២០២៣ វិទ្យាស្ថានកងរាជអាវុធហត្ថ(កំបូល) ប្រជុំបូកសរុបលទ្ធផលការអនុវត្តតួនាទីភារកិច្ច និងកំណែទម្រង់ការងារកងរាជអាវុធហត្ថត្រីមាសទី១ និងលើកទិសដៅត្រីមាសទី២ ឆ្នាំ២០២៣ ក្រោមអធិបតីភាព លោកឧត្ដមសេនីយ៍ទោ តាត ចន្ថា នាយកវិទ្យាស្ថាន ដោយមានការអញ្ជើញចូលរួមពីសំណាក់ នាយករង នាយលេខាធិការដ្ឋាន ប្រធានមន្ទីរទាំង៥ ប្រធានក្រុមស្រាវជ្រាវវិជ្ជាសាស្ត្រ ហ្វឹកហ្វឺនប្រធានក្រុមយោធាចារ្យ និងនាយការិយាល័យដែលពាក់ព័ន្ធផងដែរ។

កោះកុង៖ រសៀលថ្ងៃទី០៤ ខែមេសា ឆ្នាំ២០២៣ នៅសាលប្រជុំបញ្ជាការដ្ឋានតំបន់ប្រតិបត្តិការសឹករងកោះកុង លោកឧត្តមសេនីយ៍ត្រី តាំង ឈុនស្រេង មេបញ្ជាការ កងរាជអាវុធហត្ថខេត្តកោះកុង បានអញ្ជើញទទួលស្វាគមន៍ គណៈប្រតិភូខេត្តគៀងយ៉ាងនៃសាធារណរដ្ឋសង្គមនិយមវៀតណាម ចូលជួបសម្តែងការគួរសម និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ។

ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ព្រឹកថ្ងៃព្រហស្បតិ៍ទី០៦ ខែមេសា ឆ្នាំ២០២៣ លោក ឧត្តមសេនីយ៍ឯក សេង សុង មេបញ្ជាការរងកងរាជអាវុធហត្ថលើប្រទេសទេស បានទទួលអំណោយរថយន្តពេទ្យមួយគ្រឿង ពីលោក វរសេនីយ៍ឯក ហ៊ីង វណ្ណី ស្នងការរង ស្នងការដ្ឋាន សម្ភារបច្ចេកទេស កងរាជអាវុធហត្ថលើផ្ទៃប្រទេស ។

កណ្តាល៖ រសៀលថ្ងៃទី០៤ ខែមេសា ឆ្នាំ២០២៣ នៅសាលប្រជុំបញ្ជាការដ្ឋាន កងរាជអាវុធហត្ថខេត្ត លោកឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល បានដឹកនាំជួរមេបញ្ជាការ នាយសេនាធិការ ប្រធានមន្ទីរ និងនាយការិយាលយ័ពាក់ព័ន្ធ ដើម្បីប្រជុំត្រួតពិនិត្យការអនុវត្តតួនាទីភារកិច្ច និងវឌ្ឍនភាពការងារ កងរាជអាវុធហត្ថ ប្រចាំត្រីមាសទី១ និងលើកទិសដៅផែនការសកម្មភាពការងារ ប្រចាំត្រីមាសទី២ ឆ្នាំ២០២៣ និងផ្សព្វផ្សាយផែនការការងារផ្សេងៗមួយចំនួនទៀតរបស់អង្គភាព។