ព្រៃវែង៖ ព្រឹកថ្ងៃទី១៥ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តព្រៃវែង លោក ឧត្តមសេនីយ៍ត្រី ចេង ម៉ាច មេបញ្ជាការរង ទទួលការងារទំនាក់ទំនងកិច្ចការសាធារណៈ តំណាងលោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានអញ្ជើញជាអធិបតីភាពក្នុងពិធីផ្សព្វផ្សាយការងារអប់រំនយោបាយចិត្តសាស្រ្តដល់យោធិននៃកងរាជអាវុធហត្ថ ប្រចាំឆមាសទី១ ឆ្នាំ២០២៣ ដោយមានការអញ្ជើញចូលរួមពីសំណាក់ លោកនាយសេនាធិការរង ប្រធានមន្ទីរទាំង៧ នាយការិយាល័យ មេបញ្ជាការ មេបញ្ជាការរង ជំនួយការ មូលដ្ឋានកងរាជអាវុធហត្ថក្រុង/ស្រុកទាំង១៣ ព្រមទាំងនាយទាហាន នាយទាហានរងផងដែរ។

បាត់ដំបង៖ ព្រឹកថ្ងៃទី១៥ ខែឧសភា ឆ្នាំ២០២៣ លោក ឧត្ដមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្ដបាត់ដំបង បានអញ្ជើញជាអធិបតីភាពក្នុងពិធីប្រជុំត្រួតពិនិត្យការអនុវត្ដន៍តួនាទីភារកិច្ច វឌ្ឍនភាពការងារកងរាជអាវុធហត្ថ និងទិសដៅបន្ដ ដោយមានអញ្ជើញចូលរួមពីលោក មេបញ្ជាការរងខេត្ដ នាយសេធិការ នាយសេធិការរង នាយលេខាធិការដ្ឋាន ប្រធានមន្ទីរទាំង៧ និងអនុប្រធានមន្ទីរ។

ពោធិ៍សាត់៖ ព្រឹកថ្ងៃទី១៥ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តពោធិ៍សាត់ បានធ្វើពិធីបំពាក់ឋានន្តរសក្តិជូនយោធិននៃកងរាជអាវុធហត្ថ ក្រោមធិបតីភាព លោក ឧត្តមសេនីយ៍ត្រី ពុទ្ធ លី មេបញ្ជាការ កងរាជអាវុធហត្ថខេត្តពោធិ៍សាត់ ដោយមានការអញ្ជើញចូលរួមពីលោកមេបញ្ជាការរង នាយ នាយសេនាធិការរង ប្រធាន អនុប្រធានមន្ទីរ នាយ នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រង/ស្រុក និងស្នាក់ការសន្តិសុខ។

អគារសេនាធិការដ្ឋាន បញ្ជាការដ្ឋាន កងរាជអាវុធហត្ថខេត្តព្រៃវែងថ្មី ដែលកំពុងដំណើរការសាងសង់មកទាល់នឹងពេលនេះបានសម្រេចប្រមាណ ២០% ហើយ!

ព្រះវិហារ៖ ថ្ងៃទី១៥ ខែឧសភា ឆ្នាំ២០២៣ បញ្ជាការដ្ឋាន កងរាជអាវុធហត្ថខេត្ត លោកឧត្តសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ បានអញ្ជើញជាអធិបតីភាពក្នុងពិធីបើក វគ្គហ្វឹកហ្វឺនបំប៉នការងារ ការរក្សាសណ្តាប់ធ្នាប់ ដល់នាយ នាយរងកងរាជអាវុធហត្ថខេត្តព្រះវិហារប្រចាំឆមាសទី១ ឆ្នាំ២០២៣ រយៈពេល ១៥ថ្ងៃ ដោយមានការអញ្ជើញចូលរួមពីសំណាក់លោកមេបញ្ជាការរង លោកនាយសេនាធិការរង លោកប្រធានមន្ទីរទាំង៧ លោកនាយ ការិយាល័យ លោកមេបញ្ជាការមូលដ្ឋានកងរាជអាវុធហត្ថក្រុង/ស្រុកទាំង៨ និងសិក្ខាកាមចំនួន ៤០នាក់។

កំពត៖ នៅវេលាម៉ោង១៩ និង ០៥នាទី ថ្ងៃទី១៣ ខែឧសភា ឆ្នាំ២០២៣ លោក ឧត្តមសេនីយ៍ត្រី ចាប សុទ្ធាវុឌ្ឍន៍ មេបញ្ជាការ កងរាជអាវុធហត្ថខេត្តកំពត បានប្រជុំជួរទ័ពដើម្បីត្រួតពិនិត្យកម្លាំងត្រៀមអន្តរាគមន៍ ការពារសន្តិសុខ រក្សាសុវត្ថិភាព សណ្ដាប់ធ្នាប់សាធារណៈ និងជួយសង្គ្រោះរាល់សកម្មភាពដែលកើតមានឡើងជាយថាហេតុ និងធ្វើការល្បាតចល័តការពារសន្តិសុខជូនប្រជាពលរដ្ឋនៅក្នុងភូមិសាស្ត្រខេត្ត និងនៅតាមបណ្ដាភូមិ ឃុំ ក្រុង ស្រុក ដែលខេត្តទទួលខុសត្រូវ។

កណ្តាល ៖ នៅថ្ងៃទី១៤ ខែឧសភា ឆ្នាំ២០២២៣ លោក វរសេនីយ៍ឯក ពក សាង មេបញ្ជាការរង ទទួលការងារស្រាវជ្រាវព័ត៌មានសន្តិសុខ កងរាជអាវុធហត្ថខេត្តកណ្តាល បានដឹកនាំនាយសេនាធិការប្រធាន-អនុប្រធានមន្ទីរ នាយការិយាល័យ និងជំនួយការចំណុះមន្ទីរស្រាវជ្រាវព័ត៌មានសន្តិសុខ និងមេបញ្ជាការ មេបញ្ជាការរង ទទួលការងារជំនាញ ក្រុង-ស្រុក ប្រជុំដោយផ្ទាល់ និងតាមរយៈប្រព័ន្ធវីដេអូ (Zoom) ធ្វើការផ្សព្វផ្សាយបទបញ្ជាណែនាំពង្រឹងដល់កម្លាំងមន្ទីរជំនាញ និងតាមបណ្តាមូលដ្ឋាន កងរាជអាវុធហត្ថខេត្ត ក្រុង-ស្រុកត្រៀមមធ្យោបាយ គ្រឿងបំពាក់ ដើម្បីចេញល្បាតចល័តត្រួតពិនិត្យ ក្តាប់ជាប់ព័ត៌មាន និងសភាពការណ៍…

ប៉ៃលិន៖ នៅថ្ងៃទី១៤ ខែឧសភា ឆ្នាំ២០២៣ លោក វរសេនីយ៍ទោ យឹម យ៉េន នាយសេនាធិការ តំណាងលោកឧត្ដមសេនីយ៍ត្រី កែវ សុផល មេបញ្ជាការ កងរាជអាវុធហត្ថខេត្តប៉ៃលិន បានប្រជុំជួរត្រួតពិនិត្យកម្លាំងដើម្បីត្រៀមអន្តរាគមន៍ ព្រមទាំងផ្សព្វផ្សាយសេចក្ដីណែនាំរបស់ថ្នាក់លើ ជូនដល់កម្លាំងកងរាជអាវុធហត្ថខេត្ត និងមេបញ្ជាការមូលដ្ឋានកងរាជអាវុធហត្ថក្រុង/ស្រុក ។

កែប៖ នៅថ្ងៃទី១៤ ឆ្នាំ២០២៣ លោក វរសេនីយ៍ឯក សេស សុផល មេបញ្ជាការរងកងរាជអាវុធហត្ថខេត្តកែប បានធ្វើការផ្សព្វផ្សាយនិងណែនាំដល់គ្រប់ជំនាញ និងមេបញ្ជាការ មូលដ្ឋានកងរាជអាវុធហត្ថក្រុង/ស្រុក ត្រូវត្រៀមកម្លាំងមធ្យោបាយគ្រឿងបំពាក់ និងចុះល្បាតតាមដានស្រាវជ្រាវ សហការជាមួយនគរបាលអាជ្ញាធរមូលដ្ឋានភូមិឃុំ និងរង់ចាំបទបញ្ជាថ្នាក់ដឹកនាំ។

កណ្ដាល៖ យប់ថ្ងៃទី១៣ ខែឧសភា ឆ្នាំ២០២៣ លោក ឧត្តមសេនីយ៍ត្រី សំ​ តុលា មេបញ្ជាការ កងរាជអាវុធហត្ថខេត្តកណ្តាល បានដឹកប្រជុំបន្ទាន់ដោយផ្ទាល់ និងតាមរយៈប្រព័ន្ធវីដេអូ (Zoom) ធ្វើការផ្សព្វផ្សាយបទបញ្ជាណែនាំ ពង្រឹងដល់កម្លាំង កងរាជអាវុធហត្ថខេត្ត និងត្រៀមមធ្យោបាយ គ្រឿងបំពាក់ ដើម្បីចេញល្បាតចល័តត្រួតពិនិត្យ ក្តាប់សភាពការណ៍ ព្រមទាំងសហការជាមួយអាជ្ញាធរដែនដីនិងសមត្ថកិច្ចពាក់ព័ន្ធ ដើម្បីការពារសន្តិសុខ រក្សាសណ្តាប់ធ្នាប់ បង្ការ បង្ក្រាប រាល់បទល្មើសដែលកើតមានឡើងដោយជាយថាហេតុក្នុងភូមិសាស្ត្រខេត្តកណ្តាល។