កណ្តាល៖ ព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ នៅសាលប្រជុំបញ្ជាការដ្ឋានកងរាជអាវុធហត្ថខេត្តកណ្តាល បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថប្រចាំឆមាសទី១ និងលើកទឹសដៅឆមាសទី២ ឆ្នាំ២០២៣ និងផ្សព្វផ្សាយផែនការការពារសន្តិសុខ សុវត្ថិភាព រក្សាសណ្តាប់ធ្នាប់ ជូនថ្នាក់ដឹកនាំជាន់ខ្ពស់ក្នុងពិធីផ្សេងៗនាពេលខាងមុខ និងផ្សព្វផ្សាយ ណែនាំការងារមួយចំនួនទៀតរបស់អង្គភាព។ ពិធីនេះក្រោមអធិបតីភាព លោក ឧត្តមសេនីយ៍ត្រី សំ តុលា មេបញ្ជាការ កងរាជអាវុធហត្ថខេត្តកណ្តាល ដោយបានការអញ្ជើញចូលរួមពីលោក លោកស្រី មេបញ្ជាការរង នាយសេនាធិការ នាយសេនាធិការរង ប្រធាន-អនុប្រធានមន្ទីរ…

កំពង់ឆ្នាំង៖ ព្រឹកថៃ្ងចន្ទ ទី០៣ ខែកក្កដា ឆ្នាំ២០២៣ នៅសាលប្រជុំអគារសេនាធិការដ្ឋានកងរាជអាវុធហត្ថខេត្តកំពង់ឆ្នាំង លោកឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តកំពង់ឆ្នាំង បានអញ្ជើញដឹកនាំកិច្ចប្រជុំដើម្បីត្រៀមរៀបចំរបាយការណ៍ ប្រវត្តិសកម្មភាព និងស្នាដៃសមិទ្ធផលការបង្កើតកសាង និងប្រតិបត្តិតួនាទី ភារកិច្ច រយៈពេល៣០ឆ្នាំ របស់កងរាជអាវុធហត្ថខេត្តកំពង់ឆ្នាំងសម្រាប់ចូលរួមខួបលើកទី៣០ ទិវាកំណើតកងរាជអាវុធហត្ថ ឆ្នាំ២០២៣ ដោយមានការចូលរួមពី លោកមេបញ្ជាការរង លោកនាយសេនាធិការ លោកប្រធានមន្ទីរទាំង៧ នាយការិយាល័យ និងរដ្ឋបាលសរុបមន្ទីរ។

បន្ទាយមានជ័យ៖ ព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ មន្ត្រីជំនាញអាវុធហត្ថខេត្តបន្ទាយមានជ័យ បានកសាងសំណុំរឿងបញ្ជូនជនសង្ស័យជនជាតិថៃចំនួន ៥នាក់ ទៅសាលាដំបូងខេត្តដើម្បីចាត់ការតាមនីតិវិធី ពាក់ព័ន្ធនឹងហិង្សាដោយចេតនាមានស្ថានទម្ងន់ទោស ដោយសារមរណភាពជនរងគ្រោះ។

កែប៖ ព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកែប បានប្រជុំផ្សព្វផ្សាយការងារប្រចាំឆមាសទី១ ឆ្នាំ២០២៣ ក្រោមអធិបតីភាពលោកវរសេនីយ៍ឯក សេស សុផល មេបញ្ជាការស្តីទី កងរាជអាវុធហត្ថខេត្តកែប សមាសសភាពចូលរួមមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យអធិការកិច្ច និងជំនួយការ នាយការិយាល័យហិរញ្ញវត្ថុ នាយរងលេខាធិការដ្ឋាន នាយ នាយរង និងជំនួយការការិយាល័យ មេបញ្ជាការ មេបញ្ជាការរង នាយសេនាធិការមូលដ្ឋានស្រុក និងជំនួយការ មេបញ្ជាការកងអនុសេនាធំ…

កំពង់ស្ពឺ៖ នៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ ព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំកិច្ចប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថឆមាសទី១ ទិសដៅការងារឆមាសទី២ ឆ្នាំ២០២៣ និងប្រគល់ប័ណ្ណសរសើរ លិខិតសរសើរអគ្គបញ្ជាការជូនដល់អង្គភាព និងបុគ្គលដែលមានស្នាដៃ។

តាកែវ៖ នៅបញ្ជាការដ្ឋាន កងរាជអាវុធហត្ថខេត្តតាកែវ ព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំជួរបញ្ជាការដើម្បីត្រួតពិនិត្យការអនុវត្តតួនាទីភារកិច្ច ដោយមានសមាសភាពចូលរួមលោកមេបញ្ជាការរង នាយសេនាធិការរង ប្រធានមន្ទីរទាំង៧ និងនាយការិយាល័យដែលពាក់ព័ន្ធ ។

កំពង់ឆ្នាំង៖ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ល្ងាចថៃ្ងសៅរ៍ ទី០១ ខែកក្កដា ឆ្នាំ២០២៣ លោកឧត្តមសេនីយ៍ត្រី ឯម សារិទ្ធ នាយករងមជ្ឈមណ្ឌល តំណាងលោក ឧត្តមសេនីយ៍ត្រី មាស សុវណ្ណ នាយកមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ បានបើកកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារឆមាសទី២ឆ្នាំ២០២៣ ដោយមានការចូលរួមពីលោកនាយករង ប្រធាន- អនុប្រធានមន្ទីរ នាយការិយាល័យចំណុះមន្ទីរ ប្រធាន-អនុប្រធាន អង្គភាពចំណុះនាយកផងដែរ។

បន្ទាយមានជ័យ៖ ព្រឹកថ្ងៃទី០៣ ខែកក្កដា ឆ្នាំ២០២៣ លោក ឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានអញ្ជើញដឹកនាំប្រជុំណែនាំគម្រោងការធ្វើរបាយការណ៍ប្រវត្តិសកម្មភាព និងស្នាដៃសមិទ្ធផលការបង្កើតការកសាង និងការប្រតិបត្តិតួនាទី-ភារកិច្ច រយៈពេល៣០ឆ្នាំ របស់ងរាជអាវុធហត្ថនៅសាលប្រជុំ ជាន់ទី៣ អគារសេនាធិការដ្ឋាន កងរាជអាវុធហត្ថខេត្តបន្ទាយមានជ័យ។

ភ្នំពេញ៖ លោក ឧត្តមសេនីយ៍ឯក ស៊ិន សូផាន្នី មេបញ្ជាការរងកងរាជអាវុធហត្ថលើផ្ទៃប្រទេស ទទួលជំនាញកសាងកម្លាំង នាព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ អញ្ជើញជាអធិបតីក្នុងពិធីកិច្ចប្រជុំត្រួតពិនិត្យ-វាយតម្លៃ ស្នើសរសើរដល់កងឯកភាពដែលមានស្នាដែររយៈពេល៣០ឆ្នាំ ក្នុងឱកាសប្រារព្ធខួបលើកទី៣០ឆ្នាំ ទិវាបង្កើតកហរាជអាវុធហត្ថ។ កិច្ចប្រជុំនេះធ្វើឡើងនៅបញ្ជាការដ្ឋានកងរាជអាវុធហត្ថលើផ្ទៃប្រទេស ដោយមានការចូលរួមពីលោក លោកស្រីមេបញ្ជាការរង ស្នងការ ស្នងការង នាយ នាយរងការិយាល័យ នាយផ្នែកព្រមទាំងនាយ នាយរងអាវុធហត្ថដែលមានការការពាក់ព័ន្ធ។

មណ្ឌលគិរី៖ រសៀលថ្ងៃទី០២ ខែកក្កដា ឆ្នាំ២០២៣ ដោយមានការចង្អុលបង្ហាញពី លោក ឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ដខេត្តមណ្ឌលគិរី កម្លាំងមូលដ្ឋានកងរាជអាវុធហត្ថស្រុកកែវសីមា ដឹកនាំដោយលោកវរសេនីយ៍ត្រី ប៉ៃ លិន មេបញ្ជាការមូលដ្ឋានកងរាជអាវុធហត្តស្រុកកែវសីមា បានយកសម្ភារៈសិក្សា នឹងគ្រឿងឧបភោគជូនដល់កុមារី ព្រើន ផាន់ណា អាយុ១២ឆ្នាំ រៀនថ្នាក់ទី០៣ នៅសាលាបឋមសិក្សាអូរណា រស់នៅភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី។ សម្ភារៈប្រគល់ជូនរួមមានអង្ករ ៥០គីឡូក្រាម, សំលៀកបំពាក់ ០២កំផ្លេរ,…