ព្រះវិហារ៖ ព្រឹកថ្ងៃអង្គារ ទី០៤ ខែកក្កដា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តព្រះវិហារ បានប្រារព្ធពិធីប្រជុំផ្សព្វផ្សាយរបាយការណ៍បូកសរុបលទ្ធផលការងារការអនុវត្តតួនាទីភារកិច្ច និងការងារកំណែទម្រង់កងរាជអាវុធហត្ថឆមាសទី១ និងលើកទិសដៅឆមាសទី២ និងប្រគល់ប័ណ្ណសរសើរលិខិតសរសើរ ដល់នាយទាហាន នាយទាហានរងនៃកងរាជអាវុធហត្ថខេត្តព្រះវិហារ ក្រោមអធិបតីភាពលោកឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ ដោយមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក ។

ភ្នំពេញ៖ នៅបញ្ជារការដ្ឋានកងរាជអាវុធហត្ថលើផ្ទៃប្រទេស ព្រឹកថ្ងៃទី០៥ ខែកក្កដា ឆ្នាំ២០២៣ លោកឧត្តមសេនីយ៍ឯក ម៉ន សាម៉ុន មេបញ្ជាការរងកងរាជអាវុធហត្ថលើផ្ទៃប្រទេស និងជាប្រធានផែនប្រតិបត្តិការ និងហ្វឹកហ្វឺនបានដឹកនាំការប្រជុំបូកសរុបត្រួតពិនិត្យរបាយការណ៍ការអនុវត្តន៍តួនាទីភារកិច្ចប្រតិបត្តិការ និងហ្វឹកហ្វឺន រយៈពេល ៣០ឆ្នាំ របស់កងរាជអាវុធហត្ថ ។

ភ្នំពេញ៖ ថ្ងៃអង្គារ ទី០៤ ខែកក្កដា ឆ្នាំ២០២៣ លោកស្រីឧត្តមសេនីយ៍ទោ ហ៊ាង ឆវី មេបញ្ជាការរងកងរាអាវុធហត្ថលើផ្ទៃប្រទេស ប្រធានផែនទី៥ ការងាររដ្ឋបាល ហិរញ្ញវត្ថុ យេឌ័រ និងអធិការកិច្ច បានដឹកនាំប្រជុំត្រួតពិនិត្យការងាររបាយការណ៍ ៣០ឆ្នាំ គិតដល់ឆមាសទី១ ឆ្នាំ២០២៣ និងផ្សព្វផ្សាយការងារជំនាញរបស់ផែនទី៥។ ដោយមានសមាសភាពចូលរួម ខុទ្ទកាល័យ ការិយាល័យហិរញ្ញវត្ថុ ការិយាល័យនីតិកម្ម និងអធិការកិច្ច ក្រុមការងារយេនឌ័រ និងជំនាញដែលមានការពាក់ព័ន្ធ។

ភ្នំពេញ៖ ដោយមានការអនុញ្ញាតពី ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅសាលប្រជុំ អគារសេនាធិការដ្ឋាននៃបញ្ជាការដ្ឋានកងរាជអាវុធហត្ថលើផ្ទៃប្រទេស រសៀលថ្ងៃអង្គារ ទី០៤ ខែកក្កដា ឆ្នាំ២០២៣នេះ លោកឧត្តមសេនីយ៍ត្រី ញឹម សីលា ស្នងការស្នងការដ្ឋានផែនការប្រតិបត្តិការ និងហ្វឹកហ្វឺនកងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពក្នុងពិធីប្រកាសមុខតំណែង និងបំពាក់ឋានន្តរសក្តិជូនយោធិននៃកងរាជអាវុធហត្ថចំណុះស្នងការដ្ឋានផែនការប្រតិបត្តិការនិងហ្វឹកហ្វឺន។ វត្តមានចូលរួមមានលោកស្នងការរង នាយ នាយរងការិយាល័យ នាយផ្នែក ព្រមទាំងនាយ នាយរងអាវុធហត្ថចំណុះស្នងការដ្ឋានផងដែរ។

ភ្នំពេញ៖ រសៀលថ្ងៃទី០៤ ខែកក្កដា ឆ្នាំ២០២៣ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក ភួង ស៊ីភិន មេបញ្ជាការរងកងរាជអាវុធហត្ថលើផ្ទៃប្រទេស បានដឹកនាំកិច្ចប្រជុំផែនការការងារសម្រាប់រៀបចំពិធីប្រារព្ធខួបលើកទី៣០ ទិវាបង្កើតកងរាជអាវុធហត្ថ (១៤ កក្កដា ១៩៩៣ - ១៤ កក្កដា ២០២៣) ដែលនឹងប្រារព្ធធ្វើឡើងនៅមជ្ឈមណ្ឌលហ្វឹកហ្វឺនកងរាជអាវុធហត្ថ(ភ្នំជុំសែនរីករាយ)។ កិច្ចប្រជុំនេះមានការអញ្ចើញចូលរួមពីលោកនាសេនាធិការ នាយសេនាធិការរង ឧត្តមសេនីយ៍ ស្នងការ ស្នងការរងទាំង៧ ឧត្តមសេនីយ៍នាយករងសាលាទាំងពីរ នាយខុទ្ទកាល័យស្តីទី និងនាយការិយាល័យពាក់ព័ន្ធផងដែរ។

កំពង់ឆ្នាំង៖ ដោយមានការអនុញ្ញាតពី ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅមជ្ឍមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយព្រឹកថ្ងៃអង្គារ ទី០៤ ខែកក្កដា ឆ្នាំ២០២៣ លោកឧត្តមសេនីយ៍ឯក សេង សុង មេបញ្ជាការរងកងរាជអាវុធហត្ថលើផ្ទៃប្រទេស ទទួលជំនាញភស្តុភារ សម្ភារបច្ចេកទេស និងវិស្វកម្មបានអញ្ជើញជាអធិបតីក្នុងពិធីប្រគល់អគារស្នាក់នៅមួយខ្នង ១២មx៣៣ម.០៤ ជូនទៅស្នងការសម្ភារបច្ចេកទេស ដើម្បីថែរក្សា និងស្នាក់នៅដោយមានការចូលរួមពីលោកស្នងការរង លោកនាយករងមជ្ឍមណ្ឌល លោកនាយការិយាល័យវិស្វកម្ម នាយរងការិយាល័យហិរញវត្ថុកងរាជអាវុធហត្ថលើផ្ទៃប្រទេសផងដែរ។

ភ្នំពេញ៖ ព្រឹកថ្ងៃទី០៤ ខែកក្កដា ឆ្នាំ២០២៣ នៅអគារសេនាធិការដ្ឋាននៃបញ្ជាការដ្ឋានកងារជអាវុធហត្ថលើផ្ទៃប្រទេស លោកឧត្តមសេនីយ៍ឯក ស៊ិន សូផាន្នី មេបញ្ជាការរង ប្រធានផែនការងារកសាងកម្លាំង និងទំនាក់ទំនងកិច្ចការសាធារណៈ កងរាជអាវុធហត្ថលើផ្ទៃប្រទេស បានអញ្ជើញជាធិបតីក្នុងពិធីប្រជុំផែនដើម្បីផ្សព្វផ្សាយ និងពិនិត្យវឌ្ឍនភាពការងារជំនាញ ដោយយមានសមាសភាពចូលរួមលោកឧត្តមសេនីយ៍ឯកមេបញ្ជាការរងទទួល ការងារគោលនយោបាយ, លោកឧត្តមសេនីយ៍ ស្នងការ-ស្នងការរង, លោកវរសេនីយ៍នាយការិយាល័យស្នងការដ្ឋានកសាងកម្លាំង និងស្នងការដ្ឋានទំនាក់ទំនងកិច្ចការសាធារណៈ និងនាយអាវុធហត្ថដែលមានការពាក់ព័ន្ធ៕

ភ្នំពេញ៖ ព្រឹកថ្ងៃអង្គារ ទី០៤ ខែកក្កដា ឆ្នាំ២០២៣ នៅសាលប្រជុំអគារសេនាធិការដ្ឋាននៃបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក ហុង វិណុល និង លោកឧត្តមសេនីយ៍ឯក អន សុខុន មេបញ្ជាការរងកងរាជអាវុធហត្ថលើផ្ទៃប្រទេស បានប្រជុំត្រួតពិនិត្យរបាយការណ៍ការងាររយៈពេល៣០ឆ្នាំ គិតមកដល់ឆមាសទី១ ឆ្នាំ២០២៣ លើការងារ ស្រាវជ្រាវព័ត៌មានសន្តិសុខ និងការងារស្រាវជ្រាវបង្ក្រាបបទល្មើសព្រហ្មទណ្ឌ។ អញ្ជើញចូលរួមប្រជុំត្រួតពិនិត្យរបាយការណ៍នេះមាន ឧត្តមសេនីយ៍ នាយសេនាធិការរង ឧត្តមសេនីយ៍ ស្នងការ ស្នងការរង វរសេនីយ៍ នាយ នាយរង ការិយាល័យ…

កែប៖ ព្រឹកថ្ងៃទី០៣ ខែកក្កដា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តកែប លោក ឧត្ដមលោកវរសេនីយ៍ឯក សេស សុផល មេបញ្ជាការស្តីទីកងរាជអាវុធហត្ថខេត្តកែប បានអញ្ជើញដឹកនាំប្រជុំណែនាំគម្រោងការធ្វើរបាយការណ៍ប្រវត្តិសកម្មភាព និងស្នាដៃសមិទ្ធផលការបង្កើតការកសាង និងការប្រតិបត្តិតួនាទី-ភារកិច្ច រយៈពេល៣០ឆ្នាំ របស់ងរាជអាវុធហត្ថខេត្តកែប។

ភ្នំពេញ៖ ព្រឹកថ្ងៃចន្ទ ទី០៣ ខែកក្កដា ឆ្នាំ២០២៣ នៅវិទ្យាស្ថានកងរាជអាវុធហត្ថ(កំបូល) បានប្រជុំត្រួតពិនិត្យបូកសរុបរបាយការណ៍ការងារ ក្រោមអធិបតីភាពលោក ឧត្តមសេនីយ៍ត្រី លីវ ណារ៉ា នាយករង វិទ្យាស្ថាន ដោយមានការចូលរួមពីលេខាធិការដ្ឋាន ប្រធានមន្ទីរទាំង៥ ប្រធានក្រុមស្រាវជ្រាវវិជ្ជាសាស្ត្រហ្វឹកហ្វឺន នាយក្រុមយោធាចារ្យ នាយការិយាល័យ និងបុគ្គលិកដែលមានការពាក់ព័ន្ធ ។