កំពង់ស្ពឺ៖ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ រសៀលថ្ងៃទី២៤ ខែមករា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ បានអញ្ជើញដឹកនាំក្រុមការងារជ្រើសរើសយោធិន នៃកងរាជអាវុធហត្ថ ប្រជុំបូកសរុបការងារជ្រើសរើសយោធិន នៃកងរាជអាវុធហត្ថខេត្ត ។

ពោធិ៍សាត់៖ នៅបញ្ជាការដ្ឋាន កងរាជអាវុធហត្ថខេត្តពោធិ៍សាត់ ល្ងាចថ្ងៃពុធ ទី២៥ ខែមករា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមភូមិន្ទ មេបញ្ជាការ កងរាជអាវុធហត្ថលផ្ទៃប្រទេស បានអញ្ជើញចុះត្រួតពិនិត្យទីតាំង និងបានធ្វើការណែនាំឱ្យធ្វើការចាក់ដីបំពេញ និងកសាងអគារនៅបញ្ជាការដ្ឋាន កងរាជអាវុធហត្ថខេត្តពោធិ៍សាត់។

បាត់ដំបង៖ នៅសាលាខេត្តបាត់ដំបង ព្រឹកថ្ងៃព្រហស្បតិ៍ ទី២៦ ខែមករា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមភូមិន្ទ មេបញ្ជាការ កងរាជអាវុធហត្ថលផ្ទៃប្រទេស បានអញ្ជើញចូលរួមក្នុងកិច្ចប្រជុំពិនិត្យទីតាំងដីដែលរដ្ឋបាលសាលាខេត្តស្នើសុំកែសម្រួលព្រំប្រទល់តំបន់២ និងតំបន់៣ នៃតំបន់បឹងទន្លេសាបក្នុងភូមិសាស្ត្រខេត្តបាត់ដំបង ក្រោមអធិបតីភាព ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់។

ភ្នំពេញ៖ ព្រឹកថ្ងៃទី២៤ ខែមករា ឆ្នាំ២០២៣ នៅវិទ្យាស្ថានកងរាជអាវុធហត្ថ(កំបូល) លោក ឧត្តមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) ដឹកនាំក្រុមការងារបានរៀបចំពិធីចាក់វ៉ាក់សាំងបង្ការជំងឺកូវីដ-១៩ ដូសទី៦ (ដូសជំរុញ) ប្រភេទ Sinovac ជូនដល់នាយទាហាន នាយទាហានររង នៃកងរាជអាវុធហត្ថចំណុះនៅវិទ្យាស្ថានកងរាជអាវុធហត្ថ(កំបូល)។

រតនគិរី៖ នៅរសៀលថ្ងៃទី២៣ ខែមករា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តរតនគិរី លោក ឧត្ដមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានអញ្ជើញជាអធិបតីក្នុងពិធីប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារ កងរាជអាវុធហត្ថខេត្តរតនគិរី ប្រចាំឆ្នាំ២០២២ និងទិសដៅការងារឆ្នាំ២០២៣ ពិធីនេះដែរក៏មានការអញ្ជើញចូលរួមពីសំណាក់លោកមេបញ្ជាការរង នាយសេនាធិការរង ប្រធាន-អនុប្រធានមន្ទីរ នាយ-នាយរងការិយាល័យ មេបញ្ជាការមូលដ្ឋានកងរាជអាវុធហត្ថក្រុង-ស្រុកទាំង៩ ប្រធានស្នាក់ការទាំង៦ និងនាយទាហាន នាយទាហានរងនៃកងរាជអាវុធហត្ថខេត្តរតនគិរីដែលមានការពាក់ព័ន្ធ។

ឧត្តរមានជ័យ៖ នៅបញ្ជាការដ្ឋាន កងរាជអាវុធហត្ថខេត្តឧត្តរមានជ័យ រសៀលថ្ងៃចន្ទ ទី២៣ ខែមករា ឆ្នាំ២០២៣ លោក ឧត្តមសេនីយ៍ត្រី លី ដារិទ្ធ មេបញ្ជាការ កងរាជអាវុធហត្ថខេត្តឧត្តរមានជ័យ បានអញ្ជើញជាធិបតីភាពក្នុងកិច្ចប្រជុំបូកសរុបលទ្ធផលការងារកងរាជអាវុធហត្ថ ឆ្នាំ២០២២ និងលើកទិសដៅផែនការសកម្មភាពការងារកងរាជអាវុធហត្ថ ឆ្នាំ២០២៣ ក្នុងឱកាសនោះ លោក ឧត្តមសេនីយ៍ មេបញ្ជាការ ក៏បានបំពាក់ឋានន្តរសក្តិជូននាយទាហាននៃកងរាជអាវុធហត្ថខេត្ត ២រូប ថ្នាក់វរសេនីយ៍ឯក ១រូប និងថ្នាក់វរសេនីយ៍ត្រី ១រូប។ ពិធីនេះមានការចូលរួមពី លោកមេបញ្ជាការរង នាយសេនាធិការ…

អគារមន្ទីរពេទ្យបង្អែកស្រុករមាសហែក ខេត្តស្វាយរៀង ដែលជាគំនិតផ្តួចផ្តើមកសាងឡើងដោយ លោក នាយឧត្តមសេនីយ៍ សៅ សុខា បានដំណើរការសាងសង់បានប្រមាណ ៧៥% ហើយ!

អគារសេនាធិការដ្ឋាន បញ្ជាការដ្ឋាន កងរាជអាវុធហត្ថខេត្តត្បូងឃ្មុំ ដែលកំពុងដំណើរការសាងសង់មកទាល់នឹងពេលនេះបានសម្រេចប្រមាណ ជាង ៦០% ហើយ!

ព្រៃវែង៖ ព្រឹកថ្ងៃទី២៤ ខែមករា ឆ្នំា២០២៣ លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង ព្រមទំាងនាយទាហាន នៃកងរាជអាវុធហត្ថខេត្ត អញ្ជើញធ្វើពិធីក្រុងពាលី បើកការដ្ឋាន សាងសង់អគារសេនាធិការដ្ឋាន បញ្ជាការដ្ឋានកងរាជអាវុធហត្ថខេត្តព្រៃវែងថ្មី ស្ថិតនៅភូមិបារាយរណ៍កើត សង្កាត់បារាយរណ៍ ក្រុងព្រៃវែង ខេត្តព្រៃវែង។

ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ល្ងាចថ្ងៃចន្ទ ទី២៣ ខែមករា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានទទួលស្វាគមន៍ និងជូនពរ ឯកឧត្តម Wang Wentian ឯកអគ្គរាជទូតវិសាមញ្ញ និងពេញសមត្ថភាពនៃសារធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា និងពិសារអាហារស្និទស្នាលក្នុងឱកាសបុណ្យចូលឆ្នាំថ្មីប្រពៃណីប្រជាជនចិន។