កំពង់ចាម៖ រសៀលថ្ងៃទី៣១ ខែមករា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តកំពង់ចាម បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ចនិងវឌ្ឍនភាពការងារកងរាជអាវុធហត្ថប្រចាំឆ្នាំ ២០២២ និងទិសដៅការងារឆ្នាំ២០២៣ និងប្រគល់ប័ណ្ណសរសើរ លិខិតសរសើរ បំពាក់ឋាន្តរសក្តិ ជូនយោធិននៃកងរាជអាវុធហត្ថខេត្តកំពង់ចាម ក្រោមអធិបតីភាព លោកឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តកំពង់ចាម និងមានការអញ្ជើញចូលរួមពីសំណាក់ មេបញ្ជាការរង នាយសេនាធិការ នាយសេនាធិការរង ប្រធាន-អនុប្រធានមន្ទីរ នាយការិយាល័យ មេបញ្ជាការ-មេបញ្ជាការរង មូលដ្ឋានកងរាជអាវុធហត្ថក្រុង-ស្រុក ស្នាក់ការសន្តិសុខ ព្រមទាំងនាយ  នាយរងនៃកងរាជអាវុធហត្ថខេត្តជាច្រើនរូបទៀត។

តាកែវ៖ នៅបញ្ជាការដ្ឋាន កងរាជអាវុធហត្ថខេត្តតាកែវ រសៀលថ្ងៃទីទី៣១ ខែមករា ឆ្នាំ លោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំជួរបញ្ជាការដើម្បីត្រួតពិនិត្យការអនុវត្ត តួនាទីភារកិច្ចក្នុងអង្គភាព។

កែប៖ ព្រឹកថ្ងៃទី៣១ ខែមករា ឆ្នាំ២០២៣  លោក ឧត្តមសេនីយ៍ត្រី ហ៊ត សីហា មេបញ្ជាការ កងរាជអាវុធហត្ថខេត្តកែប ដឹកនាំនាយ នាយរងអាវុធហត្ថខេត្តកែប ចាក់វ៉ាក់សាំងបង្ការជំងឺកូវីដ-១៩ ដូសទី៦ (ដូសជំរុញ) ប្រភេទ Sinovac នៅមន្ទីរពេទ្យបង្អែកខេត្តកែប។

កំពង់ឆ្នាំង៖ ព្រឹកថ្ងៃទី៣១ ខែមករា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តកំពង់ឆ្នាំង បានរៀបចំពិធីប្រជុំបូកសរុបលទ្ធផលការងារកងរាជអាវុធហត្ថប្រចាំឆ្នាំ ២០២២ លើកទិសដៅការងារឆ្នាំ២០២៣ និងប្រគល់ប័ណ្ណសរសើរ លិខិតសរសើរ ជូនយោធិននៃកងរាជអាវុធហត្ថខេត្តកំពង់ឆ្នាំង ក្រោមអធិបតីភាព លោក ឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្ត និងមានការអញ្ជើញចូលរួមពីលោកមេបញ្ជាការរង សេនាធិការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ-មេបញ្ជាការរង អ.ហក្រុង-ស្រុក និងប្រធានស្នាក់ការសន្តិសុខផងដែរ។  

បាត់ដំបង៖ ព្រឹកថ្ងៃទី៣១ ខែមករា ឆ្នាំ២០២៣ លោក វរសេនីយ៍ទោ ជា សុវណ្ណារតន៍ នាយសេនាធិការ តំណាងលោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញដឹកនាំកិច្ចប្រជុំស្ដាប់ការផ្សព្វផ្សាយអំពីរបៀបប្រើប្រាស់វិទ្យុទាក់ទង ឧទេ្ទសនាមដោយ លោកគ្រូ វរសេនីយ៍ឯក សយ សុភ័ក្រ្ភម៉ានី នាយការិយាល័យវិទ្យុត្រាំងឃីង នៃនាយកដ្ឋានបញ្ជូនសារក្រសួងការពារជាតិ ដោយមានការអញ្ជើញចូលរួម លោកនាយសេនាធិការរង លោកប្រធានមន្ទីរទាំង៧ នាយ នាយរងការិយាល័យ ។

ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស រសៀលថ្ងៃអង្គារ ទី៣១ ខែមករា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអនុញ្ញាតឱ្យ លោក Oleg BEZBABNOV នាយក នាយកដ្ឋានច្បាប់នៃក្រសួងការពារប្រទេសរុស្ស៊ី និងប្រតិភូអមដំណើរចូលជួបសម្តែងការគួរសម និងពិភាក្សាការងារ។

កណ្តាល៖ នៅបញ្ជាការដ្ឋាន កងរាជអាវុធហត្ថខេត្តកណ្តាល ព្រឹកថ្ងៃទី៣០ ខែមករា ឆ្នាំ២០២៣  លោក ឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង និងជាប្រធានក្រុមការងារទី២ ជ្រើសរើសយោធិន នៃកងរាជអាវុធហត្ថលើផ្ទៃប្រទេស លោក វរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្ត បានដឹកនាំក្រុមការងារជ្រើសរើសយោធិន នៃកងរាជអាវុធហត្ថ ខេត្តកណ្តាល បានរៀបចំពិធីប្រឡងជ្រើសរើសយោធិន នៃកងរាជអាវុធហត្ថ ដើម្បីចូលបម្រើការក្នងកងរាជអាវុធហត្ថ បំពេញឲ្យក្របខ័ណ្ឌ កងរាជអាវុធហត្ថលើផ្ទៃប្រទេស។

កោះកុង៖ ព្រឹកថ្ងៃទី៣០ ខែមករា ឆ្នាំ២០២៣ នៅសាលប្រជុំបញ្ជាការដ្ឋានកងរាជអាវុធហត្ថខេត្តកោះកុង លោក វរសេនីយ៍ទោ ម៉ាន់ ដាវីត នាយសេនាធិការ កងរាចអាវុធហត្ថខេត្តកោះកុង បានដឹកនាំប្រជុំត្រួតពិនិត្យការអនុវត្តតួនាទី ភារកិច្ចកងរាជអាវុធហត្ថខេត្តកោះកុង ដោយមានសមាសភាពចូលរួម នាយសេនាធិការរង ប្រធានមន្ទីរ អនុប្រធានមន្ទីរទាំង៧ នាយ នាយរងការិយាល័យ និងជំនួយការ មេបញ្ជាការក្រុង ស្រុក និងប្រធានស្នាក់ការសន្តិសុខ ។

ភ្នំពេញ៖ ព្រឹកថ្ងៃទី៣០ ខែមករា ឆ្នាំ២០២៣ នៅវិទ្យាស្ថានកងរាជអាវុធហត្ថ(កំបូល) បានរៀបចំពិធីប្រជុំត្រួតពិនិត្យរបាយការណ៍ ក្រោមអធិបតីភាពលោក ឧត្តមសេនីយ៍ទោ តាត ចន្ថា នាយកវិទ្យាស្ថាន អ.ហ(កំបូល) ដោយមានការចូលរួមពីលោកប្រធានក្រុមយោធាចារ្យ លោកប្រធានក្រុមស្រាវជ្រាវវិទ្យាសាស្រ្តហ្វឹកហ្វឺន លោកប្រធានមន្ទីរ និងនាយការិយាល័យពាក់ព័ន្ធផងដែរ។

កណ្តាល៖ ព្រឹកថ្ងៃទី២៨ ខែមករា ឆ្នាំ២០២៣ នៅសាលប្រជុំទីបញ្ជាការខេត្តកណ្តាល លោក វរសេនីយ៍ឯក ច័ន្ទ សារ៉ាដែន មេបញ្ជាការរង កងរាជអាវុធហត្ថខេត្ត បានដឹកនាំប្រជុំដើម្បីត្រៀមលក្ខណៈរៀបចំលើការងារជ្រើសរើសបេក្ខជនចូលបម្រើកងរាជអាវុធហត្ថ ។