កម្លាំង​កងរាជ​អាវុធហត្ថ​ខេត្តបន្ទាយមានជ័យ​បានចុះបង្ក្រាបករណី​ចែកចាយគ្រឿងញៀនដោយឃាត់មនុស្ស០២នាក់​

អហ.បន្ទាយមានជ័យ​៖ នៅវេលាម៉ោង១៧និង៣០នាទីថ្ងៃទី​០៣ ខែវិច្ឆិកា ឆ្នាំ​២០១៥​ កម្លាំង​កងរាជ​អាវុធហត្ថ​ខេត្តបន្ទាយមានជ័យ​បានចុះបង្ក្រាបករណី​ចែកចាយគ្រឿងញៀន​ នៅចំណុចផ្លូវ50 ជាប់ព្រុំដែនខ្មែរ ថៃ ឋិតក្នុងភូមិ ព្រៃគុម្ព សង្កាត់ ផ្សារកណ្ដាល ក្រុង ប៉ោយប៉ែត ។
ជនសង្ស័យដែល​សមត្ថកិច្ចជំនាញឃាត់ខ្លួនបានមានឈ្មោះ គុណ តួ ភេទប្រុស អាយុ 20 ឆ្នាំ ទីលំនៅបច្ចុប្បន្ន រស់នៅ ភូមិ ពីកា សង្កាត់ ផ្សារកណ្ដាល ក្រុង ប៉ោយប៉ែត និង ឈ្មោះ ណាង រិន្ធ ភេទប្រុស អាយុ 16 ឆ្នាំ ទីលំនៅបច្ចុប្បន្នរស់នៅ ភូមិ ក្បាលកោះ សង្កាត់ ប៉ោយប៉ែត ក្រុងប៉ោយប៉ែត។
វត្ថុតាងដែល​ចាប់ដកបានមានម្សៅសរ 2កូនថង់តូច ទូរស័ព្ទ​ចំនួន០៣គ្រឿង ម៉ូតូ​ម៉ាកហុងដា​ហ្វីណូ​ ០១គ្រឿង ស៊េរី​២០០៧ ៕​