កម្លាំងអាវុធហត្ថខេត្តស្វាយរៀងឃាត់ខ្លួនមនុស្ស២នាក់​ពាក់ព័ន្ធអំពើលួចនិងទទួលផលចោរកម្ម

អហ ស្វាយរៀង៖ នៅវេលាម៉ោង៩និង៤៥នាទី ថ្ងៃទី៦ ខែកញ្ញា ឆ្នាំ២០១៥ ស្ថិតនៅភូមិច្រកម្ទេស សង្កាត់បាវិត ក្រុងបាវិត ខេត្តស្វាយរៀង កម្លាំងអាវុធហត្ថពួនស្ទាក់ចាប់ចោរលួចកាច់សោរកម៉ូតូបានចំនួន០១នាក់ឈ្មោះ ទុំ ព្រីង ភេទប្រុស អាយុ៤៥ឆ្នាំ មានទីលំនៅភូមិថ្នល់កែង ឃុំពពែទ ស្រុកស្វាយទាប ខេត្តស្វាយរៀង និងចាប់យកម៉ូតូC125 ពណ៍ខ្មៅ សេរី២០១៤ គ្មានឯកសារសម្គាល់។ ជនសង្ស័យបានឆ្លើយប្រាប់​សមត្ថកិច្ច​ថា ម៉ូតូC125 ពណ៍ខ្មៅ សេរី២០១៤ មិនមែនជារបស់ជនសង្ស័យទេ សង្ស័យគ្រាន់តែជួយយកមកលក់ឱ្យឈ្មោះ ផុន ហេង តែបុណ្ណោះ។ នៅវេលាម៉ោង១៣និង៤០នាទី ថ្ងៃដដែល កំលាំងជំនាញបានចុះទៅភូមិព្រៃភ្នៀត ឃុំសំឡី ស្រុកកំពង់រោទ៍ ខេត្តស្វាយរៀង នាំខ្លួនជនសង្ស័យឈ្មោះ ផុន ហេង ភេទប្រុស អាយុ៤២ឆ្នាំ មុខរបរធ្វើស្រែ មកបញ្ជាការដ្ឋានកងរាជអាវុធហត្តខេត្តធ្វើការស្តាប់ចម្លើយ។ បច្ចុប្បន្នជនសង្ស័យទាំង០២នាក់ ត្រូវបានឃាត់ខ្លួន។