អាវុធហត្ថខណ្ឌដូនពេញឃាត់ខ្លួនមនុស្ស៣នាក់ពាក់ព័ន្ធនឹងគ្រឿងញៀន

អហ ភ្នំពេញ៖ នៅថ្ងៃទី២៥ ខែសីហា ឆ្នាំ២០១៥ វេលាម៉ោង២២និង៣០នាទី នៅចំណុចផ្លូវលេខ១៤៨កែងលេខ៥ សង្កាត់ផ្សារកណ្តាល២ កម្លាំងអាវុធហត្ថខណ្ឌដូនពេញ បានឃាត់ខ្លួនជនសង្ស័យបានចំនួន០៣នាក់ពាក់ព័ន្ធនឹងគ្រឿងញៀន។ ១.ឈ្មោះ ស្រី ទូច ភេទស្រី អាយុ២០ឆ្នាំ មុខរបរមិនពិតប្រាកដ ស្នាក់នៅក្នុងផ្សារកណ្តាល។ ២.ឈ្មោះ ម៉ៅ ភ័ណ្ឌ ភេទប្រុស អាយុ១៤ឆ្នាំ មុខរបរមិនពិតប្រាកដ ស្នាក់នៅក្នុង​ផ្សារ​កណ្តាល។ ៣.ឈ្មោះ ប្រាក់ សុភារិន ភេទប្រុស អាយុ២៧ឆ្នាំ មុខរបរកម្មករផ្នែកអនាម័យផ្សារកណ្តាល ស្នាក់នៅក្នុងផ្សារកណ្តាល។ វត្ថុតាងចាប់យកមាន៖ ក្រាមសថ្លា ០៣កញ្ចប់តូច, លុយ២ម៉ឺនរៀល, ទូរស័ព្ទ ០២គ្រឿង, ដាវសាំម៉ូរ៉ៃ ០១, កូនកាំបិត០២, កន្រ្តៃ០៤, ឧបករណ៏ប្រើប្រាស់សេពគ្រឿងញៀន និងសម្ភារៈសម្រាប់វិចខ្ចប់មួយចំនួន។