រតនគិរី៖ នៅថ្ងៃអង្គារ ទី៣ ខែមីនា ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកកូនមុំ ដឹកនាំដោយលោក វរសេនីយ៍ត្រី សុ វណ្ណា មេបញ្ជាការស្រុក សហការជាមួយកម្លាំងជំនាញរ៉ែ និងថាមពល ចុះបង្ក្រាបបទល្មើសរ៉ែ រឹបអូសដកហូតនៅវត្ថុតាងដែលកំពុងធ្វើសកម្មភាពរុករករ៉ែក្នុងភូមិសាស្ត្រស្រុកកូនមុំខេត្តរតនគិរី ស្ថិតក្នុងភូមិ៣ ឃុំស្រែអង្ក្រង ស្រុកូនមុំ ខេត្តរតនគិរី។ ដោយបានរឹមអូសអេស្កាវ៉ាទ័រ ចំនួន ០១គ្រឿង, ម៉ាស៊ីនបូមធុន ២៨សេះ ចំនួន០១គ្រឿង, ទុយោជ័រមួយចំនួន។ វត្ថុតាងត្រូវបានកម្លាំងយកមករក្សាទុកនៅអហស្រុបណ្តោះអាសន្ន រង់ចាំជំនាញអនុវត្តនីតិវិធីបន្ត។

ស្វាយរៀង៖ ព្រឹកថ្ងៃអង្គារ ទី០៣ ខែមីនា ឆ្នាំ២០២០សមត្ថកិច្ចជំនាញនៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថខេត្តស្វាយរៀង បានបញ្ជូនជនសង្ស័យ ០១នាក់ ទៅអយ្យការអមសាលាដំបូងខេត្ត ដើម្បីផ្តន្ទាទោសតាមច្បាប់ ពាក់ព័ន្ធករណីលួចមានស្ថានទម្ងន់ទោស (លួចម៉ូតូ) កាលពីម៉ោង ១:៣០នាទី ថ្ងៃទី២៨ ខែកុម្ភៈ ឆ្នាំ២០២០ ។ សូមបញ្ជាក់ថា៖ នៅវេលាម៉ោង ១៩:០០នាទីថ្ងៃទី២៨ ខែកុម្ភៈ ឆ្នាំ២០២០ ឈ្មោះ សៅ ចិត្រា ភេទប្រុស អាយុ ៣៦ឆ្នាំ មានមុខរបរអាជីវករ…

ស្វាយរៀង៖ ព្រឹកថ្ងៃអង្គារ ទី០៣ ខែមីនា ឆ្នាំ២០២០ នៅសាលប្រជុំបញ្ជាការដ្ឋាន កងរាជអាវុធហត្ថខេត្តស្វាយរៀង បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថ ក្រោមអធិបតីភាពលោក ឧត្តមសេនីយ៍ត្រី នុត នន្ទ មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង។ ដោយមានការអញ្ជើញចូលរួមពីសំណាក់ លោកនាយរងសេនាធិការដ្ឋាន លោកអនុប្រធានមន្ទីរ លោក លោកស្រីនាយការិយាល័យ លោកមេបញ្ជាការរងមូលដ្ឋានកងរាជអាវុធហត្ថក្រុង-ស្រុកទាំង៨ និងនាយអាវុធហត្ថខេត្តជាច្រើនរូបទៀត។

កំពង់ស្ពឺ៖ ព្រឹកថ្ងៃទី០៣ ខែមីនា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្ត បានធ្វើការផ្សព្វផ្សាយអនុសាសន៍ របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ស្តីពីវិធានការរបស់រាជរដ្ឋាភិបាល ដើម្បីគ្រប់គ្រងផលប៉ះពាល់ពីជំងឺរលាកផ្លូវដង្ហើមធ្ងន់ធ្ងរ (ខូវីដ-១៩)COVID-19 និងការព្យួរភាពអនុគ្រោះពន្ធលើទំនិញមួយចំនួន ក្រោមកម្មវិធី «ទំនិញគ្រប់មុខ លើកលែងអាវុធ» (EBA)។ ពិធីនេះមានការចូលរួមពីសំណាក់លោកមេបញ្ជាការរង នាយរងសេនាធិការ ប្រធានមន្ទីរស្តីទី អនុប្រធានមន្ទីរ…

ភ្នំពេញ: ព្រឹកថ្ងៃទី០៣ ខែមីនា ឆ្នាំ២០២០ លោកឧត្តមសេនីយ៍ទោ ស សំបូរធន នាយសេនាធិការកងរាជអាវុធហត្ថលើផ្ទៃប្រទេស បានជួបប្រជុំពិភាក្សាការងារជាមួយលោកវរសេនីយ៍ត្រី វាំងសង់ វ៉ង់នែប(Le chef d'escadron Vincent VANHERPE) ប្រធានគម្រោងសហប្រតិបត្តិការអាវុធហត្ថបារាំងជាមួយកងរាជអាវុធហត្ថលើផ្ទៃប្រទេស(Chef du projet de coopération avec la Gendarmerie Royale Khmères) លើសេចក្ដីព្រាង "អនុសញ្ញារវាងរដ្នមន្ត្រីកិច្ចការអឺរ៉ុបនិងការបរទេសនៃសាធារណរដ្នបារាំង និងរដ្នមន្ត្រីក្រសួងការពារជាតិនៃព្រះរាជាណាចក្រកម្ពុជា ស្ដីពីកិច្ចសហប្រតិបត្តិការរវាងកងអាវុធហត្ថជាតិបារាំង និងកងរាជអាវុធហត្ថខ្មែរ"…

ថ្ងៃសៅរ៍ទី២៩ ខែកុម្ភៈ ឆ្នាំ២០២០ នៅអង្គភាពកងអន្តរាគមន៍ កងរាជអាវុធហត្ថលើផ្ទៃប្រទេស លោក វរសេនីយ៍ឯក ខឹម ពេជ្រ មេបញ្ជាការ កងអន្តរាគមន៍ កងរាជអាវុធហត្ថ បានធ្វើការផ្សព្វផ្សាយអនុសាសន៍ និងអភិក្រមទាំង៥ និងបញ្ញត្តិទាំង១០ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងទិសស្លោករបស់លោក នាយឧត្តមសេនីយ៍ មេបញ្ជាការ កងរាជអាវុធហត្ថលើផ្ទៃប្រទេស ការគោរពបទបញ្ញត្តិ និងវិន័យរបស់កងយោធពលខេមរភូមិន្ទ ព្រមទាំងផ្សព្វផ្សាយសភាពការណ៍ដែលកើតឡើងក្នុងឆ្នាំ២០១៩កន្លងមក នឹងការចែកលិខិតសរសើរ របស់លោក នាយឧត្តមសេនីយ៍ មេបញ្ជាការកងរាជអាវុធហត្ថផ្ទៃលើប្រទេស…

កែប៖ នៅព្រឹកថ្ងៃអង្គារ ទី០៣ ខែមីនា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកែប លោកវរសេនីយ៍ឯក សេស សុផល មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី ខេង ទីតូ មេបញ្ជាការ កងរាជអាវុធហត្ថខេត្តតាកែប បានដឹកនាំកិច្ចប្រជុំត្រួតពិនិត្យ ការអនុវត្តតួនាទី ភារកិច្ច និងការងារកងរាជអាវុធហត្ថ ប្រចាំខែកុម្ភៈ ទិសដៅការងារខែមីនា ឆ្នាំ២០២០ ដោយមានការអញ្ជើញចូលរួមពីសំណាក់ លោក នាយរងសេនាធិការ ប្រធានមន្ទីរស្តីទី អនុប្រធានមន្ទីរ…

តាកែវ៖ នៅព្រឹកថ្ងៃអង្គារ ទី០៣ ខែមីនា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តតាកែវ លោក ឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ បានដឹកនាំកិច្ចប្រជុំត្រួតពិនិត្យ ការអនុវត្តតួនាទី ភារកិច្ច និងការងារកងរាជអាវុធហត្ថ ប្រចាំខែកុម្ភៈ ទិសដៅការងារខែមីនា ឆ្នាំ២០២០ ដោយមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធានមន្ទីរស្តីទី អនុប្រធានមន្ទីរ នាយការិយាល័យ មេបញ្ជាការមូលដ្ឋាន កងរាជអាវុធហត្ថក្រុងស្រុក ។

កណ្តាល៖ នៅថ្ងៃទី ២៧ ខែកុម្ភៈ ឆ្នាំ២០២០ កម្លាំងមូលដ្ឋាន កងរាជអាវុធហត្ថស្រុកលើកដែក កំពុងល្បាតចល័តនៅចំណុចលើកំណាត់ផ្លូវជាតិលេខ០១ ចន្លោះគីឡូម៉ែត្រ៥៥-៥៦ ស្ថិតក្នុងភូមិក្បាលជ្រោយ ឃុំកំពង់ភ្នំ ស្រុកលើកដែក ខេត្តកណ្ដាល បានប្រទះឃើញជនសង្ស័យ និងជនរងគ្រោះ កំពុងប្រតាយដណ្តើមកាបូបគ្នាទាញទៅទាញមក ភ្លាមនោះកម្លាំងកងរាជអាវុធហត្ថបានធ្វើការឃាត់ខ្លួនជនសង្ស័យបានចំនួន ០១នាក់ ឈ្មោះ តារ៉ា ភេទប្រុស ជនជាតិខ្មែរ មានទីលំនៅ ស្រុកល្វាឯម ខេត្តកណ្ដាល ជាអ្នកឆក់កាបូប។ ចំណែកជនសង្ស័យ ០១នាក់ទៀតឈ្មោះ វីន ភេទប្រុស…

វេលាម៉ោង ០៨:០០នាទីព្រឹក ថ្ងៃទី២៩ ខែកុម្ភៈ ឆ្នាំ២០២០ កម្លាំងជំនាញ នៃការិយាល័យបទល្មើសគ្រឿងញៀននៃមន្ទីរយុត្តិធម៌ កងរាជអាវុធហត្ថខេត្តព្រះសីហនុ បានកសាងសំណុំរឿង បញ្ជូនជនសង្ស័យប្រុស-ស្រី ចំនួន ១២នាក់ រួមនឹងវត្ថុតាង ទៅអយ្យការអមសាលាដំបូងខេត្ត ពាក់ព័ន្ធករណីជួញដូរ ចែកចាយ ឬប្រើប្រាស់ដោយខុសច្បាប់នូវសារធាតុញៀន។ វត្ថុតាងរួមមានម្សៅសថ្លាចំនួន ៦កញ្ចប់, ទូរស័ព្ទ ចំនួន៨គ្រឿង, ដបជក់ ចំនួន១, ខ្សៀជក់ ចំនួន២, ដេកកេះ ចំនួន៣ និងប្រាក់ដុល្លារ ចំនួន២៥$។