កែប៖ ព្រឹកទី១៨ ខែឧសភា ឆ្នាំ២០២៣ លោកវរសេនីយ៍ត្រី មៀច ប៊ុនថា នាយសេនាធិការកងរាជអាវុធហត្ថខេត្តកែប បានប្រជុំជួរធ្វើការផ្សព្វផ្សាយ និងណែនាំដល់ គ្រប់ជំនាញ និងមេបញ្ជាការ មូលដ្ឋានកងរាជអាវុធហត្ថក្រុង/ស្រុក ត្រូវត្រៀមកម្លាំង មធ្យោបាយ គ្រឿងបំពាក់ និងចុះល្បាតតាមដានស្រាវជ្រាវ សហការជាមួយនគរបាល អាជ្ញាធរមូលដ្ឋានភូមិ ឃុំ និងរង់ចាំបទបញ្ជាថ្នាក់ដឹកនាំ។

រតនគិរី៖ យប់ថ្ងៃទី១៧ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី និងមូលដ្ឋានកងរាជអាវុធហត្ថក្រុង/ស្រុក បានធ្វើការប្រជុំជួរដើម្បីត្រួតពិនិត្យកម្លាំងត្រៀមអន្តរាគមន៍ ការពារសន្តិសុខសណ្ដាប់ធ្នាប់សាធារណៈ ជួយសង្គ្រោះរាល់ហេតុការណ៍ដែលកើតមានឡើងជាយថាហេតុ និងធ្វើការចេញល្បាតដើម្បីរក្សាសុខសុវត្ថិភាពជូនប្រជាពលរដ្ឋ នៅក្នុងភូមិសាស្ត្រ ទីរួមខេត្ត និងតាមបណ្ដាក្រុង/ស្រុក។

សៀមរាប៖ យប់ថ្ងៃទី១៧ ខែឧសភា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តសៀមរាប លោក វរសេនីយ៍ឯក ស៊ិន លី មេបញ្ជាការរង កងរាជអាវុធហត្ថខេត្តសៀមរាប បានដឹកនាំកម្លាំងប្រជុំជួរទ័ពដើម្បីត្រួតពិនិត្យកម្លាំងមធ្យោបាយសម្ភារត្រៀមអន្តរាគមន៍ ការពារសន្តិសុខ សណ្ដាប់ធ្នាប់ រក្សាសុវត្ថិភាពជូនប្រជាពលរដ្ឋក្នុងភូមិសាស្ត្រខេត្ត។

កំពង់ធំ៖ អនុវត្តតាមបទបញ្ជា លោក ឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ នៅបញ្ជាការដ្ឋានកងរាជអាវុធហត្ថខេត្ត លោក វរសេនីយ៍ឯក តុង ហុងលី មេបញ្ជាការរង នៅយប់ថ្ងៃទី១៧ ខែឧសភា ឆ្នាំ២០២៣ និងមូលដ្ឋានកងរាជអាវុធហត្ថក្រុង/ស្រុក ស្នាក់ការសន្តិសុខ បានធ្វើការប្រជុំជួរដើម្បីត្រួតពិនិត្យកម្លាំងត្រៀមអន្តរាគមន៍ការពារសន្តិសុខសណ្ដាប់ធ្នាប់សាធារណៈជួយសង្គ្រោះ រាល់ហេតុការណ៍ដែលកើតមានឡើងជាយថាហេតុ និងធ្វើការចេញល្បាតដើម្បីរក្សាសុខសុវត្ថិភាពជូនប្រជាពលរដ្ឋនៅក្នុងភូមិសាស្ត្រ និងតាមបណ្ដាក្រុង/ស្រុកផងដែរ។

ព្រះវិហារ៖ នៅបញ្ជាការដ្ឋាន កងរាជអាវុធហត្ថខេត្តព្រះវិហារ ថ្ងៃពុធ ទី១៧ ខែឧសភា ឆ្នាំ២០២៣ លោក ឧត្តមសេនីយ៍ត្រី ឈិន សន មេបញ្ជាការរង កងរាជអាវុធហត្ថខេត្តព្រះវិហារ បានអញ្ជើញជាអធិបតីភាពក្នុងពិធីផ្សព្វផ្សាយការងារអប់រំនយោបាយចិត្តសាស្រ្តដល់យោធិននៃកងរាជអាវុធហត្ថ ប្រចាំឆមាសទី១ ឆ្នាំ២០២៣ ដោយមានការអញ្ជើញចូលរួមពីលោកនាយសេនាធិការរង ប្រធានមន្ទីរ នាយការិយាល័យ ព្រមទាំងមេបញ្ជាការ និងគ្រូបង្គោលមូលដ្ឋានកងរាជអាវុធហត្ថក្រុង ស្រុកទាំង០៨ ទទួលយកផ្សព្វផ្សាយបន្តដល់នាយទាហាន នាយទាហានរងផងដែរ។

ត្បូងឃ្មុំ៖ យប់ថ្ងៃពុធ ទី១៧ ខែឧសភា ឆ្នាំ២០២៣ អនុវត្តតាមបទបញ្ជាយ៉ាងម៉ឺងម៉ាត់ របស់លោក នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស លោក ឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ បានប្រជុំណែនាំដល់នាយទាហាន នាយទាហានរង នៃកងរាជអាវុធហត្ថខេត្ត យកចិត្តទុកដាក់ខ្ពស់ លើកិច្ចការងារការពារសន្តិសុខសុវត្ថិភាព ជូនប្រជាពលរដ្ឋ និងចេញល្បាតក្នុងភូមិសាស្ត្រដែលទទួលខុសត្រូវ និង ជួយសង្គ្រោះរាល់សកម្មភាពដែលកើតមានឡើងជាយថាហេតុ។

ព្រះសីហនុ៖ អនុវត្តតាមបទបញ្ជាដ៏ម៉ឹងម៉ាត់លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ នៅវេលាម៉ោង១៥:៣០នាទីរសៀល ថ្ងៃទី១៦ ខែឧសភា ឆ្នាំ២០២៣ កម្លាំងជំនាញនៃការិយាល័យប្រឆាំងគ្រឿងញៀន មន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្ត បានកសាងសំណុំរឿងបញ្ជូនជនសង្ស័យប្រុស ស្រី ចំនួន ០៦នាក់ រួមនឹងវត្ថុតាងមួយចំនួនដែលមានពាក់ព័ន្ធករណីជួញដូរដោយខុសច្បាប់នូវសារធាតុញៀន ទៅអយ្យការអមសាលាដំបូងខេត្តព្រះសីហនុ ដើម្បីបន្តនីតិវិធី។