សៀមរាប៖ ថ្ងៃទី១៤ ខែមេសា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តសៀមរាប លោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុហត្ថខេត្តសៀមរាបដឹកនាំមន្ត្រីក្រោមឱវាទអុជធូបទទួលទេវតាឆ្នាំថ្មី។

ត្បូងឃ្មុំ៖ ថ្ងៃ ទី១៤ ខែមេសា ឆ្នាំ២០២៣ នៅទីបញ្ជាការដ្ឋានកងរាជអាវុធហត្ថខេត្តត្បូងឃ្មុំ បានរៀបចំរណ្តាប់ទទួលទេវតាឆ្នាំថ្មី ក្នុងឱកាសនោះលោក ឧត្តមសេនីយ៍ត្រី រ័ត្ន ចាន់ណា មេបញ្ជាការ និងមន្ត្រីក្រោឱវាទ អញ្ជើញអុជធូបទទួលទេវតាឆ្នាំថ្មី សូមទេវតាឆ្នាំថ្មី ជួយតាមថែរក្សាដល់នាយទាហាន នាយទាហានរងនៃកងរាជអាវុធហត្ថខេត្ត ទាំងអស់ សូមមានសុខភាពល្អបរិបូណ៌ និងទទួលបានជោគជ័យគ្រប់ភារកិច្ច។

បន្ទាយមានជ័យ៖ នៅបញ្ជាការដ្ឋាន កងរាជអាវុធហត្ថខេត្តបន្ទាយមានជ័យ រសៀលថ្ងៃសុក្រ ទី១៤ ខែមេសា ឆ្នាំ២០២៣ លោក ឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត អញ្ជើញដឹកនាំមន្ត្រីក្រោមឱវាទទទួលទេវតាឆ្មាំថ្មី ឆ្នាំថោះ ព្រះនាម កិមិរាទេវី បុត្រីទី៦ កបិលមហាព្រហ្ម ដើម្បីសុំសេចក្ដីសុខ សេចក្ដីចម្រើន ដល់កងកម្លាំងអាវុធហត្ថទាំងអស់ ព្រមទាំងប្រជាពលរដ្ឋក្នុងខេត្តបន្ទាយមានជ័យ ក៏ដូចប្រជាពលរដ្ឋទូទាំងប្រទេសផងដែរ។

កែប៖ នៅរសៀលថ្ងៃទី១៣ ខែមេសា ឆ្នាំ២០២៣ វេលាម៉ោង ១៤:០០នាទី នៅបញ្ជាការដ្ឋានកងរាជអាវុធហត្ថខេត្តកែប លោក ឧត្តមសេនីយ៍ត្រី ហ៊ត សីហា និងលោកស្រី ព្រមទាំងនាយ នាយរងអាវុធហត្ថខេត្តកែបទាំងអស់បានធ្វើពីសូត្រមន្តប្រោះព្រំលើករាសី សុំសេចក្តីសុខចម្រើន ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។ ក្នុងឱកាសនោះ លោក ឧត្តមសេនីយ៍ត្រី មេបញ្ជាការបានប្រគេនបច័្ចយព្រះសង្ឃ៧អង្គចំនួន១,០០០,០០០រៀល និងសាដក ៧ លោកតាអាចារ្យ ១០០,០០០រៀល បច័្ចយកសាង ៨៦០,០០០រៀល និងឧបត្ថមដល់ក្រុមសិល្បៈសម្តែងរបាំត្រុដិចំនួន១,០០០,០០០រៀល (សរុបថវិការចំនួន ២,៩៦០,០០០រៀល)។

កោះកុង៖ រសៀលថ្ងៃព្រហស្បតិ៍ ៨រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែមេសា ឆ្នាំ២០២៣ នៅបញ្ជាការរដ្ឋានកងរាជអាវុធហត្ថខេត្តកោះកុង លោក ឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង បានអញ្ជើញនិមន្តព្រះសង្ឃសូត្រមន្ត លើករាសី សុំពរជ័យ សិរីសួស្តីក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំថោះ បញ្ចស័ក ព.ស.២៥៦៧ គ.ស.២០២៣ ព្រមទាំងធ្វើពិធីស្រង់ព្រះ និងមានសម្តែងរបាំត្រុដ និងរបាំព្រះរាជទ្រព្យដោយក្រុមសម្តែងរបស់មន្ទីរវប្បធម៌ និងវិចិត្រសិល្បៈខេត្តផងដែរ៕

ឧត្តរមានជ័យ៖ នៅថ្ងៃទី១៣ ខែមេសា ឆ្នាំ២០២៣ ឯកឧត្តម ស៊ី ប្រាសិទ្ធ ប្រធានក្រុមប្រឹក្សាខេត្ត និង ឯកឧត្ដម ប៉ែន កុសល្យ អភិបាលនៃគណៈអភិបាលខេត្តឧត្ដរមានជ័យ  អញ្ជើញជួបសំណេះសំណាលសួរសុខទុក្ខជាមួយនាយទាហាន នាយទាហានរង នៃកងរាជអាវុធហត្ថខេត្ត ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ និងប្រគល់អំណោយ ដល់អង្គភាពមានអង្ករ ៣តោន, មី ៥០កេស, ទឹកបរិសុទ្ធ ៥០កេស, ទឹកត្រី ៥០យួរ, ទឹកស៊ីអ៊ីវ ៥០យួរ, ស្រាបៀរ ៥០កេស…

ភ្នំពេញ៖ នៅបញ្ជាការដ្ឋានកងរាជអាវុធហត្ថ​​លើផ្ទៃប្រទេស រសៀលថ្ងៃសុក្រ ទី១៤ ខែមេសា ឆ្នាំ២០២៣ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញអុជធូបសុំពរជ័យពីទេវតាឆ្នាំថ្មី ឆ្នាំថោះ បញ្ចស័ក ព.ស.២៥៦៧ គ.ស.២០២៣ ជួយប្រោះព្រំប្រសិទ្ធពរជ័យ សូមមានព្រះសុខភាព សុខភាពល្អ ជន្មាយុយឺនយូរ មានសុភមង្គល រកស៊ីទទួលទានមានបាន ជូនចំពោះ សម្តេច ទ្រង់ ឯកឧត្តម លោកជំទាវ អ្នកឧកញ៉ា…