បន្ទាយមានជ័យ៖ ដោយមានការសម្របសម្រួលពីលោកស្រី ឆេង ហាក់ងិង ព្រះរាជអាជ្ញាររងអមសាលដំបូងខេត្ត នៅវេលាម៉ោង ២២ និង ៣០នាទី ថ្ងៃទី២៥ ខែកុម្ភៈ ឆ្នាំ២០១៩ នៅចំណុចភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ទោ អ៊ុ សាខន នាយរងសេនាធិការកងរាជអាវុធហត្ថខេត្ត បានដឹកនាំកម្លាំងចុះប្រតិបត្តិការ ឃាត់ខ្លួនជនសង្ស័យបានចំនួន ០១នាក់ -ឈ្មោះ រ៉េន ប៊ុនថន ភេទប្រុស អាយុ ៣១ឆ្នាំ ជនជាតិខ្មែរ…

បន្ទាយមានជ័យ៖ វេលាម៉ោង ២២ និង ០០នាទី ថ្ងៃទី២៥ ខែកុម្ភៈ ឆ្នាំ២០១៩ នៅចំណុចផ្សាររ៉ា ស្ថិតក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ទោ អ៊ុ សាខន នាយរងសេនាធិការ បានចុះប្រតិបត្តិការបង្រ្កាបករណីប្រើប្រាស់សារធាតុញៀន ក្រោយពីបានទទួលព័ត៌មានស្តីពីករណីប្រើប្រាស់សារធាតុញៀនដោយខុសច្បាប់ នៅចំណុចកើតហេតុខាងលើ និងដោយមានការសម្របសម្រួលពីលោកស្រី ឆេង ហាក់ងិង ព្រះរាជអាជ្ញាររងអមសាលដំបូងខេត្ត លោកបានដឹកនាំកម្លាំងចុះប្រតិបត្តិការបង្រ្កាបភ្លាមៗ រហូតឃាត់ខ្លួនជនសង្ស័យបានចំនួន ០៥នាក់ រួមមាន ៖ ១-ឈ្មោះ…

កំពង់ចាម៖ នៅចំណុចភូមិខ្វិត ឃុំតាំងក្រសាំង ស្រុកបាធាយ ខេត្តកំពង់ចាម កាលពីវេលាម៉ោង ១៥ និង ៥០នាទី ថ្ងៃទី២៥ ខែកុម្ភៈ ឆ្នាំ២០១៩ កម្លាំងការិយាល័យជំនាញ បានសហការជាមួយកម្លាំងមូលដ្ឋាន កងរាជអាវុធហត្ថស្រុកបាធាយ ចុះបង្រ្កាបករណីគ្រឿងញៀន ដោយឃាត់ខ្លួនជនសង្ស័យបានចំនួន ០៥នាក់ រួមមាន៖ ១. ឈ្មោះ ហ៊ុយ ហាក់ ភេទប្រុស អាយុ ១៥ឆ្នាំ ជនជាតិខ្មែរ មុខរបរសិស្ស រស់នៅភូមិខ្វិត ឃុំតាំងក្រសាំង…

កំពង់ធំ៖ រសៀលថ្ងៃពុធ ទី២៧ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តកំពង់ធំ បានរៀបចំបើកកិច្ចប្រជុំស្តីពីការបែងចែកភារកិច្ចដឹកនាំ ក្រោមអធិបតីភាព លោក ឧត្តមសេនីយ៍ត្រី ហង្ស ថុល មេបញ្ជាការ កងរាជអាវុធហត្ថខេត្ត និងមានការអញ្ជើញចូលរួមពីសំណាក់លោកមេបញ្ជាការរង នាយសេនាធិការ នាយការិយាល័យជំនាញ និងមន្ត្រីពាក់ព័ន្ធផងដែរ។  

បាត់ដំបង៖ ព្រឹកថ្ងៃអង្គារ ទី២៦ ខែកុម្ភៈ ឆ្នាំ២០១៩ លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង អញ្ជើញសំណេះសំណាល សួរសុខទុក្ខ និងផ្តល់ដំបូន្មានល្អៗ ដល់យុវជនដែលកំពុងព្យាបាលបន្សាបសារធាតុញៀន ព្រមទាំងផ្តល់ការលើកទឹកចិត្ត តស៊ូក្នុងការហ្វឹកហាត់កាយសម្បទា យកចិត្តទុកដាក់ស្តាប់ការអប់រំចិត្តសាស្រ្ត និងយកចំណេះទៅគិតពិចារណា កែរប្រែខ្លួនជៀសឆ្ងាយពីគ្រឿងញៀន ដើម្បីក្លាយជាពលរដ្ឋល្អក្នុងសង្គមវិញ។

ពោធិ៍សាត់៖ នៅវេលាម៉ោង ០៨ និង ៣០នាទី ថ្ងៃទី២៦ ខែកុម្ភៈ ឆ្នាំ២០១៩ កម្លាំងកងរាជអាវុធហត្ថខេត្តពោធិ៍សាត់ ដឹកនាំដោយលោកវរសេនីយ៍ទោ ឌុច សម្ផស្ស នាយរងសេនាធិការ កងរាជអាវុធហត្ថខេត្ត សហការជាមួយផ្នែករដ្ឋបាលជលផលក្រគរ បានចុះល្បាតលើផ្ទៃទឹកបឹងទន្លេសាប ក្នុងភូមិសាស្ត្រតំបន់អភិរក្សជ្រោយស្តី ចំណុចលេខ (៣២២៥៧-៩០១៧២) និងចំណុចលេខ (១៤៧២០-០២១៥៥) និងអភិរក្សលេខ៦ ភូមិកោះក្អែក ឃុំរាំងទិល ស្រុកកណ្តៀង ដោយរឹបអូសបានទូកប្រើកម្លាំងម៉ាស៊ីនមុខ០៤, ម៉ៃ ០១គ្រឿង, កូនត្រីចម្រុះ ៣០គីឡូក្រាម…

កោះកុង៖ ថ្ងៃទី២៦ ខែកុម្ភៈ ឆ្នាំ២០១៩ នៅបញ្ជាការដ្ឋានកងរាជអាវុធហត្ថខេត្តកោះកុង បានរៀបចំពិធីប្រជុំត្រួតពិនិត្យការអនុវត្តតួនាទី ភារកិច្ចការងារកងរាជអាវុធហត្ថប្រចាំខែកុម្ភៈ និងលើកទិសដៅខែមីនា ឆ្នាំ២០១៩ ក្រោមអធិបតីភាព លោក ឧត្តមសេនីយ៍ត្រី ថុង ណារុង មេបញ្ជាការ កងរាជអាវុធហត្ថខេត្តកោះកុង ដោយមានការអញ្ជើញចូលរួមពីសំណាក់លោកមេបញ្ជាការរង នាយរងសេនាធិការ ប្រធាន/អនុប្រធានមន្ទីរ នាយការិយាល័យ មេបញ្ជាការ តាមបណ្តាក្រុង-ស្រុក ស្នាក់ការសន្តិសុខ និងនាយ នាយរងអាវុធហត្ថ ចំណុះបញ្ជាការដ្ឋានកងរាជអាវុធហត្ថខេត្តកោះកុង ជាច្រើនរូបផងដែរ។

ត្បូងឃ្មុំ៖ ថ្ងៃទី២៥ ខែកុម្ភៈ ឆ្នាំ២០១៩ នៅបញ្ជាការដ្ឋាន កងរាជអាវុធហត្ថខេត្តត្បូងឃ្មុំ បានរៀបចំពិធីប្រជុំត្រួតពិនិត្យការអនុវត្តផែនការបង្ការ ទប់ស្កាត់ និងបង្រ្កាបបទល្មើសធនធានធម្មជាតិ ក្រោមអធិបតីភាព លោក ឧត្តមសេនីយ៍ឯក ម៉ន សាម៉ុន មេបញ្ជាការរង កងរាជអាវុធហត្ថលើផ្ទៃប្រទេស ដោយមានការអញ្ជើញចូលរួមពីសំណាក់លោក ឧត្តមសេនីយ៍ត្រី វ៉ា សារិទ្ធ មេបញ្ជាការ កងរាជអាវុធហត្ថខេត្ត ព្រមទាំងមេបញ្ជាការរង នាយរងសេនាធិការ ប្រធាន/អអនុប្រធានមន្ទីរ នាយការិយាល័យ មេបញ្ជាការក្រុង-ស្រុក ស្នាក់ការសន្តិសុខ និងនាយទាហាន នៃកងរាជអាវុធហត្ថជាច្រើនរូប។

កំពត៖ ថ្ងៃចន្ទ ទី២៥ ខែកុម្ភ: ឆ្នាំ២០១៩ នៅបញ្ជាការដ្ឋានកងរាជអាវុធហត្ថខេត្តកំពត បានរៀបចំពិធីផ្សព្វផ្សាយផែនការលំហាត់នាគមាសឆ្នាំ២០១៩ កម្ពុជា-ចិន ក្រោមអធិបតីភាព លោកឧត្ដមសេនីយ៍ឯក ភួង សុីភិន មេបញ្ជាការរង កងរាជអាវុធហត្ថលើផ្ទៃប្រទេស តំណាងលោក​ នាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេរមភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស ដោយមានការអញ្ជើញចូលរួមពីសំណាក់លោក​ មេបញ្ជាការ មេបញ្ជាការរងខេត្តចំនួន៥មានខេត្តព្រះសីហនុ, កំពង់ស្ពឺ, កំពត, តាកែវ និងខេត្តកណ្ដាល។