ព្រៃវែង៖ នៅព្រឹកថ្ងៃទី០៧ ខែមីនា ឆ្នាំ២០២៣ លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង បានដឹកនាំមន្រ្តីក្រោមឱវាទ អញ្ជើញនាំយកសម្ភារមួយចំនួន និងថវិកា ចំនួន ៣,៥០០,០០០ រៀល ប្រគេនដល់ព្រះសង្ឃគង់នៅវត្តបារាយណ៍កើត សង្កាត់បារាយណ៍ ក្រុងព្រៃវែង ខេត្តព្រៃវែង ។

ភ្នំពេញ៖ ព្រឹកថ្ងៃទី០១ ខែមីនា ឆ្នាំ២០២៣ លោក ឧត្តមសេនីយ៍ឯក នន្ទ សុខា មេបញ្ជារការរង កងរាជអាវុធហត្ថលើផ្ទៃប្រទេស បានដឹកនាំប្រតិភូកងរាជអាវុធហត្ថលើផ្ទៃប្រទេស អញ្ជើញចូលរួមគោរពវិញ្ញាណក្ខន្ធសពលោក វរសេនីយ៍ឯក ភឿក ជីវ័ន្ត មេបញ្ជាការរង កងអនុសេនាធំវិស្វកម្មព្រលានយន្តហោះ លេខ៧២៩ មជ្ឈមណ្ឌលជាតិរក្សាសន្តិភាព ស្ថិតក្នុងភូមិត្រពាំងសំរិត សង្កាត់គងនយ ខណ្ឌដង្កោ រាជធានីភ្នំពេញ។

ឧត្តរមានជ័យ៖ នៅបញ្ជាការដ្ឋានកងរាជអាវុធហត្ថខេត្តឧត្តរមានជ័យ ព្រឹកថ្ងៃពុធ ទី០១ ខែមីនា ឆ្នាំ២០២៣ បានរៀបចំពិធីអភិសេកស្តេចគ្រុឌមានជ័យ នៅមុខបញ្ជាការដ្ឋានកងរាជអាវុធហត្ថខេត្ត ក្រោមអធិបតីភាព ឯកឧត្តម ប៉ែន កុសល្យ អភិបាល នៃគណៈអភិបាលខេត្តឧត្ដរមានជ័យ និងលោក ឧត្តមសេនីយ៍ត្រី លី ដារិទ្ធ មេបញ្ជាការ កងរាជអាវុធខេត្ត ព្រមទាំងមានការចូលរួមពីលោកមេបញ្ជាការរង នាយ នាយរងសេនាធិការ ប្រធាន អនុប្រធានមន្ទីរ នាយការិយាល័យ ព្រមទាំងនាយ នាយរងអាវុធហត្ថខេត្តដែលមានការពាក់ព័ន្ធ។

តាកែវ៖ រសៀលថ្ងៃទី២៥ ខែកុម្ភៈ ឆ្នាំ២០២៣ លោក ឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្តតាកែវ អញ្ជើញគោរពវិញ្ញាណក្ខន្ធ និងដង្ហែសពលោក អនុសេនីយ៍ត្រី ដួង អឿន ជំនួយការព័ត៌មានសន្តិសុខមូលដ្ឋានកងរាជអាវុធហត្ថស្រុកត្រាំកក់ នៅគេហដ្ឋានសពស្ថិតនៅភូមិស្មោង ឃុំសំឡាញ ស្រុកអង្គរជ័យ ខេត្តកំពត ដែលបានជួបឧបទ្ទវហេតុគ្រោះថ្នាក់ចរាចរណ៍ក្នុងពេលចុះបេសកកម្ម។ ក្នុងឱកាសនោះលោកឧត្តមសេនីយ៍ មេបញ្ជាការ ក៍បានប្រគល់ថវិកាមូលនិធិមហាគ្រួសារ ជូនដល់គ្រួសារនៃសពចំនួន ៦,៦៦៦,០០០រៀល។