កោះកុង៖ រសៀលថ្ងៃទី១៣ ខែធ្នូ ឆ្នាំ២០២០ លោក វរសេនីយ៍ឯក តាំង ឈុនស្រេង មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី ថុង ណារុង មេបញ្ជាការ កងរាជអាវុធហត្ថខេត្តកោះកុង បាននាំយកថវិការបស់លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេសចំនួន ៥.០០០.០០០រៀល (ប្រាំលានរៀល)ចូលរួមរំលែកទុក្ខគ្រួសារសព លោក ព្រិន្ទបាលឯក អ៊ឹន សីម៉ាណូត ដែលបានទទួលមរណៈភាពកាលពីវេលាម៉ោង…
ឧត្តរមានជ័យ៖ ព្រឹកថ្ងៃចន្ទ ទី១៤ ខែធ្នូ ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តឧត្ដរមានជ័យ លោក ឧត្តមសេនីយ៍ត្រី ចាន់ យូសាន់ មេបញ្ជាការរង ជានាយសេនាធិការ កងរាជអាវុធហត្ថខេត្ត បានបើកចែករបាំងមុខដើម្បីបង្ការជំងឺឆ្លងកូវីដ.១៩ ដែលជាអំណោយរបស់លោក ឧត្តមសេនីយ៍ត្រី ពុទ្ធ សារ៉ាន មេបញ្ជាការ កងរាជអាវុធហត្ថខេត្ត ជូនដល់នាយទាហាន នាយទាហានរង នៃកងរាជអាវុធហត្ថខេត្ត និងនៅតាមមូលដ្ឋានក្រុង ស្រុក ក៏បានធ្វើពិធីចែករបាំងមុខ ដល់នាយទាហាន នាយទាហានរងគ្រប់ៗគ្នាផងដែរ។
ព្រះសីហនុ៖ ដោយមានការណែនាំ និងយកចិត្តទុកដាក់ពី លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ ចំពោះសុខទុក្ខមន្ត្រីក្រោមឱវាទដែលជួបការលំបាក មានជំងឺ និងជីវភាពខ្វះខាត នៅវេលាម៉ោង១៥និង០០នាទីរសៀល ថ្ងៃទី១៤ ខែធ្នូ ឆ្នាំ២០២០ លោក ឧត្តមសេនីយ៍ត្រី ខៀវ សំណាង មេបញ្ជាការរង កងរាជអាវុធហត្ថខេត្តព្រះសីហនុ តំណាងឲ្យលោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានដឹកនាំប្រតិភូកងរាជអាវុធហត្ថខេត្ត អញ្ជើញចុះជួបសំណេះសំណាលសាកសួរសុខទុក្ខ…
កំពង់ធំ៖ នៅព្រឹកថ្ងៃទី១៤ ខែធ្នូ ឆ្នាំ២០២០ លោក ឧត្តមសេនីយ៍ត្រី ហង្ស ថុល មេបញ្ជាការ កងរាជអាវុធហត្ថខេត្តកំពង់ធំ បានដឹកនាំសហការីអញ្ជើញចុះសាកសួរសុខទុក្ខ និងនាំយកថវិកាមូលនិធិមហាគ្រួសារកងរាជអាវុធហត្ថខេត្ត ប្រគល់ជូនលោក អនុសេនីយ៍ទោ ណែម គាធី ជំនួយការមូលដ្ឋាន កងរាជអាវុធហត្ថស្រុកប្រាសាទសំបូរ ដែលមានជំងឺដុះសាច់ពកក ត្រូវបានវះកាត់នៅមន្ទីរពេទ្យ និងបន្តរសម្រាកព្យាបាលនៅផ្ទះស្ថិតនៅភូមិតាអោក ឃុំឈូក ស្រុកប្រាសាទសំបូរ ខេត្តកំពង់ធំ ថវិកាប្រគល់ជូនមានចំនួន ១.០៧០.០០០រៀល។
ស្វាយរៀង៖ រសៀលថ្ងៃអាទិត្យ ទី១៣ ខែធ្នូ ឆ្នាំ២០២០នេះ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញចុះត្រួតពិនិត្យការសាងសង់ផ្លូវបេតុងចូលវត្តព្រៃធ្នង់ ស្ថិតនៅក្នុងឃុំរម៉ាំងថ្កោល ស្រុកស្វាយទាប ដែលបានសាងសង់រួចរាល់ជាស្ថាពរ និងបានបន្តចុះត្រួតពិនិត្យការសាងសង់ឧបដ្ឋានសាលា វត្តអង្គស្វាយ ស្ថិតនៅឃុំស្វាយរំពារ ស្រុកស្វាយទាប ខេត្តស្វាយរៀង ដែលកំពុងដំណើរការសាងសង់បានប្រមាណ ៥០%។ លោក នាយឧត្តមសេនីយ៍ ក៏បានឧបត្ថម្ភថវិកាចំនួន ៥,០០០,០០០បន្ថែមទៀត សម្រាប់ចាក់ដីនៅក្នុងវត្តអង្គស្វាយផងដែរ។
បន្ទាយមានជ័យ៖ នៅព្រឹកថ្ងៃចន្ទ ទី០៧ ខែធ្នូ ឆ្នាំ២០២០ លោក ឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ និងសការី បាននាំយកម៉ាសចំនួន០៤កេសធំ ស្មើនឹង១ម៉ឺនម៉ាស ប្រគល់ជូនក្រុមការងារដោះស្រាយទំនាស់ដីធ្លី នៅចំណុចបឹងជង្រុក និងចំណុច៦៧១ ស្ថិតក្នុងភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ដែលដឹកនាំដោយ ឯកឧត្តម ប៉ាន់ ខែមប៊ុនថន នាយករងខុទ្ទកាល័យសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ត្បូងឃ្មុំ ៖ ព្រឹកថ្ងៃសៅរ៍ ទី៥ ខែធ្នូ ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តត្បូងឃ្មុំ លោក វរសេនីយ៍ទោ ស្រ៊ន់ ណូរ៉ា មេបញ្ជាការរង តំណាងលោក ឧត្តមសេនីយ៍ត្រី វ៉ា សារិទ្ធ មេបញ្ជាការ កងរាជអាវុធហត្ថខេត្ត បានអញ្ជើញចែកម៉ាស់ និងជេលលាងដៃដល់មន្ត្រីកងរាជអាវុធហត្ថខេត្តត្បូងឃ្មុំ។
ភ្នំពេញ៖ ព្រឹកថ្ងៃសៅរ៍ ទី០៥ ខែធ្នូ ឆ្នាំ២០២០ លោក នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានចាត់តាំង នាយទាហានជាន់ខ្ពស់កងរាជអាវុធហត្ថ អញ្ជើញចុះសាកសួរសុខទុក្ខ លោក ឧត្តមសេនីយ៍ទោ ឌៀប វណ្ឌី នាយរងសេនាធិការ កងរាជអាវុធហត្ថលើផ្ទៃប្រទេស ដែលមានជំងឺត្បៀតសួត នឹងកំពុងសម្រាកព្យាបាលនៅលំនៅដ្ឋាន ស្ថិតនៅក្នុងបូរីហាយធិច២ ផ្ទះលេខ៥A ភូមិតាង៉ូវ សង្កាត់និរោធ ខណ្ឌច្បារអំពៅ រាជធានីភ្នំពេញ។…
ស្វាយរៀង៖ រសៀលថ្ងៃសុក្រ ទី៤ ខែធ្នូ ឆ្នាំ២០២០ នៅសាលាស្រុករមាសហែក ខេត្តស្វាយរៀង លោក វរសេនីយ៍ទោ ជួន សុវណ្ណារ៉ា នាយការិយាល័យផ្គត់ផ្គង់ ស្នងការដ្ឋានភស្តុភា កងរាជអាវុធហត្ថលើផ្ទៃប្រទេស បាននាំយកអង្ករចំនួន ២៥តោន(មួយបាវ ២៥គីឡូក្រាមស្មេីនឹង ១០០០បាវ) ដែលជាអំណោយរបស់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទមេបញ្ជាការកងរាជអាវុធហត្ថលើផ្ទៃប្រទេស និងជាប្រធានក្រុមការងារចុះជួយស្រុករមាសហែក ខេត្តស្វាយរៀង ប្រគល់ជូនអនុសាខាកាកបាទក្រហមកម្ពុជាស្រុករមាសហែក។
ស្វាយរៀង៖ ព្រឹកថ្ងៃសុក្រ ទី៤ ខែធ្នូ ឆ្នាំ២០២០ នៅច្រកព្រំដែនអន្តរជាតិក្រុងបាវិត ខេត្តស្វាយរៀង លោក ឧត្តមសេនីយ៍ឯក សេង សុង មេបញ្ជាការរង តំណាង លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញចូលរួមប្រគល់ ទទួលអង្ករពីបញ្ជាការដ្ឋានកងទ័ពការពារព្រំដែន នៃសាធារណៈរដ្ឋសង្គមនិយមវៀតណាម ចំនួន២៥ តោន ដោយមានការចូលរួមពីស្នងការ ស្នងការរង ឧត្ដមសេនីយ៍មេបញ្ជាការកងរាជអាវុធហត្ថខេត្តស្វាយរៀង និងនាយការិយាល័ផងដែរ៕