កែប៖ ព្រឹកថ្ងៃទី១៨ ខែមីនា ឆ្នាំ២០២១ លោក ឧត្តមសេនីយ៍ត្រី ខេង ទីតូ មេបញ្ជាការ កងរាជអាវុធហត្ថខេត្តកែប ដឹកនាំកម្លាំងចំណុះបញ្ជាការដ្ឋានខេត្តចាក់វ៉ាក់សាំងបង្ការជំងឺកូវីត-១៩ លើកទី២ នៅបញ្ជាការដ្ឋានតំបន់ប្រតិបត្តិការសឹកកែប ស្ថិនៅភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប។

ត្បូងឃ្មុំ៖ នៅថ្ងៃទី១០ និងទី១១ ខែមីនា ឆ្នាំ២០២១ លោក ឧត្តមសេនីយ៍ត្រី វ៉ា សារិទ្ធ មេបញ្ជាការ កងរាជអាវុធហត្ថខេត្តត្បូងឃ្មុំ បានដឹកនាំកម្លាំងកងរាជអាវុធហត្ថខេត្ត អញ្ជើញចូលរួមចាក់វ៉ាក់សាំងបង្ការជំងឺកូវីដ-១៩ នៅតំបន់ប្រតិបត្តិការសឹករងខេត្តត្បូងឃ្មុំ ។

ព្រះសីហនុ៖ ព្រឹកថ្ងៃទី១១ ខែមីនា ឆ្នាំ២០២១ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានដឹកនាំកម្លាំងកងរាជអាវុធហត្ថខេត្ត និងកងប្រតិបត្តិការរុករក និងសង្គ្រោះគ្រោះមហន្តរាយ ប្រចាំការខេត្ត អញ្ជើញទៅទទួលការចាក់វ៉ាក់សាំងបង្ការជំងឺកូវីដ-១៩ (Covid-19) លើកទី២ នៅក្នុងអគារគិលានដ្ឋាន នៃមូលដ្ឋានសមុទ្ររាម ស្ថិតភូមិអ៊ុង ឃុំរាម ស្រុកព្រៃនប់ ខេត្តព្រះសីហនុ។

ស្វាយរៀង៖ ថ្ងៃព្រហស្បតិ៍ ទី១១ ខែមីនា ឆ្នាំ២០២១ លោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានដឹកនាំមន្រ្តីក្រោមឱវាទ ចូលរួមក្នុងពិធីចាក់វ៉ាក់សាំងបង្ការជំងឺកូវីដ-១៩ លើកទី១ ដល់នាយទាហាន នាយទាហានរង និងពលទាហាននៃកងរាជអាវុធហត្ថ នៅតំបន់ប្រតិបត្តិការសឹករងស្វាយរៀង។ ការចាក់វ៉ាក់សាំងនេះប្រព្រឹត្តទៅរយៈពេល២ថ្ងៃ ដោយគិតចាប់ពីថ្ងៃទី១០ ដល់ថ្ងៃទី១១ ខែមីនា ឆ្នាំ២០២១។

ព្រះសីហនុ៖ ព្រឹកថ្ងៃទី០៨ ខែមីនា ឆ្នាំ២០២១ លោក វរសេនីយ៍ទោ អ៊ិត ជីវី ប្រធានមន្ទីររដ្ឋបាលនិងហិរញ្ញវត្ថុ កងរាជអាវុធហត្ថខេត្តព្រះសីហនុ តំណាងឲ្យ លោក ឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ បានទទួលជួបលោក អ៊ី ឈុនលាង ( Yi Chun Liang) ម្ចាស់សណ្ឋាគារ ៥២០ (ឆ្នេរអូរត្រេះ) ក្រុងព្រះសីហនុ ដែលបាននាំយកនូវអំណោយសប្បុរសធម៌ ឧបត្ថម្ភជូនបញ្ជាការដ្ឋានកងរាជអាវុធហត្ថខេត្តព្រះសីហនុ…

ភ្នំពេញ៖ ថ្ងៃពុធ ទី១០ ខែមីនា ឆ្នាំ២០២១ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស បានធ្វើពិធីចាក់សាំងបង្ការជំងឺកូវីដ-១៩ លើកទី២ ដល់នាយទាហាន នាយទាហានរង និងពលទាហាននៃកងរាជអាវុធហត្ថចំណុះបញ្ជាការដ្ឋាន កងរាជអាវុធហត្ថលើផ្ទៃប្រទេស។ ការចាក់វ៉ាក់សាំងនេះប្រព្រឹត្តទៅរយៈពេល៤ថ្ងៃ ដោយគិតចាប់ពីថ្ងៃទី១០ ដល់ថ្ងៃទី១៣ ខែមីនា ឆ្នាំ២០២១ ហើយនៅថ្ងៃទី១០ ខែមីនា ឆ្នាំ២០២១ មាននាយ នាយរងអាវុធហត្ថជាង ១២០០នាក់ចូលរួមចាក់វ៉ាក់សាំងបង្ការ។

ព្រៃវែង៖ នៅព្រឹកថ្ងៃទី១០ ខែមីនា ឆ្នាំ២០២១ លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង ដឹកនាំកម្លាំងក្រោមឱវាទចូលរួមចាក់ថ្នាំវ៉ាក់សាំងបង្ការជំងឺកូវីដ-១៩ លើកទី១ នៅតំបន់ប្រតិបត្តិការសឹងរងខេត្តព្រៃវែង។

កោះកុង៖ នៅព្រឹកថ្ងៃចន្ទ ទី០៨ ខែមីនា ឆ្នាំ២០២១ លោក ឧត្តមសេនីយ៍ត្រី ថុង ណារុង មេបញ្ជាការ កងរាជអាវុធហត្ថខេត្តកោះកុង បានដឹកនាំនាយទាហាន នាយទាហានរង នៃកងរាជអាវុធហត្ថខេត្តទាំងអស់ ចូលរួមចាក់វ៉ាក់សាំងបង្ការជំងឺកូវីដ-១៩ លើកទី២ នៅមជ្ឍមណ្ឌលស៊ូននឹង ស្ថិតនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។

ក្រចេះ៖ នៅព្រឹកថ្ងៃពុធ ទី១០ ខែមីនា ឆ្នាំ២០២១ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ បានដឹកនាំនាយទាហាន នាយទាហានរង នៃកងរាជអាវុធហត្ថខេត្តទាំងអស់ ចូលរួមចាក់វ៉ាក់សាំងបង្ការជំងឺកូវីដ-១៩ លើកទី១ នៅបញ្ជាការដ្ឋានតំបន់ប្រតិបត្តិការសឹករងខេត្តក្រចេះ។

កំពង់ចាម៖ នៅព្រឹកថ្ងៃពុធ ទី១០ ខែមីនា ឆ្នាំ២០២១ លោក ឧត្តមសេនីយ៍ត្រី សោ សាវឿន មេបញ្ជាការ កងរាជអាវុធហត្ថខេត្តកំពង់ចាម បានដឹកនាំនាយទាហាន នាយទាហានរង នៃកងរាជអាវុធហត្ថខេត្តទាំងអស់ ចូលរួមចាក់វ៉ាក់សាំងបង្ការជំងឺកូវីដ-១៩ លើកទី១ នៅមន្ទីរពេទ្យយោធភូមិភាគទី២ (ពេទ្យ៧D) ស្ថិតនៅភូមិអំពិលក្រោម ឃុំអំពិល ស្រុកកំពង់សៀម ខេត្តកំពង់ចាម។