កំពង់ធំ៖ ព្រឹកថ្ងៃ ទី០៥ ខែកក្កដា ឆ្នាំ២០២៣ នៅបញ្ជាការកងរាជអាវុធហត្ថខេត្តកំពង់ធំ លោក ឧត្ដមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ បានអញ្ជើញជាអធិបតីភាពក្នុងពិធីប្រគល់ប័ណ្ណសរសើរ លិខិតសរសើរជូនដល់យោធិននៃកងរាជអាវុធហត្ថខេត្តកំពង់ធំ ដោយមានការអញ្ជើញចូលរួមពីលោក លោកស្រី មេបញ្ជាការរង នាយ នាយសេធិការនារង ប្រធានមន្ទីរទាំង៧ នាយការិយាល័យ មេបញ្ជាការមូលដ្ឋាន ក្រុង/ស្រុកទាំង៩ ព្រមទាំងនាយទាហាន នាយទាហានរងជាច្រើនទៀត ។ នៅក្នុងឱកាសនោះដែរ លោក ឧត្ដមសេនីយ៍មេបញ្ជាការបានកោតកោតសរសើរ ដល់នាយទាហាន នាយទាហានរងនៃកងរាជអាវុធហត្ថកំពង់ធំ…

ភ្នំពេញ៖ ដោយទទួលការអនុញ្ញាតពី ឯកឧត្ដម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស រសៀលថ្ងៃពុធ ទី០៥ ខែកក្កដា ឆ្នាំ២០២៣ លោកឧត្តមសេនីយ៍ឯក ភួង ស៊ីភិន មេបញ្ជាការរង កងរាជអាវុធហត្ថលើផ្ទៃប្រទេស ទទួលផែនការងារប្រតិបត្តិការ និងហ្វឹកហ្វឺននិងជាប្រធានក្រុមការងារបច្ចេកទេសសាងសង់ទីលានបាញ់គ្រាប់ពិត នៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ បានប្រជុំត្រួតពិនិត្យការងារត្រៀមបិទបញ្ចប់ ផ្ទេរ ប្រគល់ ទីលានបាញ់គ្រាប់ពិត ជាជំនួយរបស់ក្រសួងការពារជាតិនៃកងទ័ពរំដោះប្រជាជនចិន។

ភ្នំពេញ៖ ព្រឹកថ្ងៃពុធ ទី០៥ ខែកក្កដា ឆ្នាំ២០២៣ នៅក្រសួងបរិស្ថាន លោកឧត្តមសេនីយ៍ឯក ហុង វិណុល មេបញ្ជាការរង ប្រធានផែននគរបាលយុត្តិធម៌ កងរាជអាវុធហត្ថលើផ្ទៃប្រទេស និងឯកឧត្តម ស្រ៊ុន ដារិទ្ធ រដ្ឋលេខាធិការក្រសួងបរិស្ថាន បានអញ្ជើញជាអធិបតី ដឹកនាំកិច្ចប្រជុំពិភាក្សាលើសំណើកិច្ចអន្តរាគមន៍របស់ក្រសួងបរិស្ថាន ដើម្បីទប់ស្កាត់ និងបង្រ្កាបបទល្មើសកាប់រានទន្ទ្រានដីព្រៃ ដោយមានការចូលរួមពីលោកឧត្តមសេនីយ៍ស្នងការ ស្នងការរង មេបញ្ជាការរងតាមបណ្តាខេត្តទទួលជំនាញស្រាវជ្រាវព័ត៌មានសន្តិសុខពាក់ព័ន្ធ និងមន្រ្តីក្រសួងបរិស្ថាន ប្រធានមន្ទីរបរិស្ថានផងដែរ។

ព្រះវិហារ៖ ព្រឹកថ្ងៃអង្គារ ទី០៤ ខែកក្កដា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តព្រះវិហារ បានប្រារព្ធពិធីប្រជុំផ្សព្វផ្សាយរបាយការណ៍បូកសរុបលទ្ធផលការងារការអនុវត្តតួនាទីភារកិច្ច និងការងារកំណែទម្រង់កងរាជអាវុធហត្ថឆមាសទី១ និងលើកទិសដៅឆមាសទី២ និងប្រគល់ប័ណ្ណសរសើរលិខិតសរសើរ ដល់នាយទាហាន នាយទាហានរងនៃកងរាជអាវុធហត្ថខេត្តព្រះវិហារ ក្រោមអធិបតីភាពលោកឧត្ដមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ ដោយមានការអញ្ជើញចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ មេបញ្ជាការរងមូលដ្ឋានកងរាជអាវុធហត្ថក្រុង/ស្រុក ។

ភ្នំពេញ៖ នៅបញ្ជារការដ្ឋានកងរាជអាវុធហត្ថលើផ្ទៃប្រទេស ព្រឹកថ្ងៃទី០៥ ខែកក្កដា ឆ្នាំ២០២៣ លោកឧត្តមសេនីយ៍ឯក ម៉ន សាម៉ុន មេបញ្ជាការរងកងរាជអាវុធហត្ថលើផ្ទៃប្រទេស និងជាប្រធានផែនប្រតិបត្តិការ និងហ្វឹកហ្វឺនបានដឹកនាំការប្រជុំបូកសរុបត្រួតពិនិត្យរបាយការណ៍ការអនុវត្តន៍តួនាទីភារកិច្ចប្រតិបត្តិការ និងហ្វឹកហ្វឺន រយៈពេល ៣០ឆ្នាំ របស់កងរាជអាវុធហត្ថ ។

ភ្នំពេញ៖ ព្រឹកថ្ងៃពុធ ទី០៥ ខែកក្កដា ឆ្នាំ២០២៣ នៅសាលប្រជុំអគារសេនាធិការដ្ឋាននៃបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក សេង សុង មេបញ្ជាការរង កងរាជអាវុធហត្ថលើផ្ទៃប្រទេស ទទួលផែនការងារភស្តុភារ សម្ភារ បច្ចេកទេស និងវិស្វកម្ម បានដឹកនាំប្រជុំត្រួតពិនិត្យរបាយការណ៍ការងាររយៈពេល៣០ឆ្នាំ គិតមកដល់ឆមាសទី១ ឆ្នាំ២០២៣ លើការងារភស្តុភារ សម្ភារបច្ចេកទេស និងវិស្វកម្ម។ អញ្ជើញចូលរួមប្រជុំត្រួតពិនិត្យរបាយការណ៍នេះមានស្នងការ ស្នងការរង នាយ នាយរង ការិយាល័យ នាយផ្នែក អង្គភាពចំណុះស្នងការដ្ឋានភស្តុភារ និងស្នងការដ្ឋានសម្ភារបច្ចេកទេស។

ភ្នំពេញ៖ ថ្ងៃអង្គារ ទី០៤ ខែកក្កដា ឆ្នាំ២០២៣ លោកស្រីឧត្តមសេនីយ៍ទោ ហ៊ាង ឆវី មេបញ្ជាការរងកងរាអាវុធហត្ថលើផ្ទៃប្រទេស ប្រធានផែនទី៥ ការងាររដ្ឋបាល ហិរញ្ញវត្ថុ យេឌ័រ និងអធិការកិច្ច បានដឹកនាំប្រជុំត្រួតពិនិត្យការងាររបាយការណ៍ ៣០ឆ្នាំ គិតដល់ឆមាសទី១ ឆ្នាំ២០២៣ និងផ្សព្វផ្សាយការងារជំនាញរបស់ផែនទី៥។ ដោយមានសមាសភាពចូលរួម ខុទ្ទកាល័យ ការិយាល័យហិរញ្ញវត្ថុ ការិយាល័យនីតិកម្ម និងអធិការកិច្ច ក្រុមការងារយេនឌ័រ និងជំនាញដែលមានការពាក់ព័ន្ធ។

ភ្នំពេញ៖ ដោយមានការអនុញ្ញាតពី ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅសាលប្រជុំ អគារសេនាធិការដ្ឋាននៃបញ្ជាការដ្ឋានកងរាជអាវុធហត្ថលើផ្ទៃប្រទេស រសៀលថ្ងៃអង្គារ ទី០៤ ខែកក្កដា ឆ្នាំ២០២៣នេះ លោកឧត្តមសេនីយ៍ត្រី ញឹម សីលា ស្នងការស្នងការដ្ឋានផែនការប្រតិបត្តិការ និងហ្វឹកហ្វឺនកងរាជអាវុធហត្ថលើផ្ទៃប្រទេស បានអញ្ជើញជាអធិបតីភាពក្នុងពិធីប្រកាសមុខតំណែង និងបំពាក់ឋានន្តរសក្តិជូនយោធិននៃកងរាជអាវុធហត្ថចំណុះស្នងការដ្ឋានផែនការប្រតិបត្តិការនិងហ្វឹកហ្វឺន។ វត្តមានចូលរួមមានលោកស្នងការរង នាយ នាយរងការិយាល័យ នាយផ្នែក ព្រមទាំងនាយ នាយរងអាវុធហត្ថចំណុះស្នងការដ្ឋានផងដែរ។

ភ្នំពេញ៖ រសៀលថ្ងៃទី០៤ ខែកក្កដា ឆ្នាំ២០២៣ នៅបញ្ជាការដ្ឋានកងរាជអាវុធហត្ថលើផ្ទៃប្រទេស លោកឧត្តមសេនីយ៍ឯក ភួង ស៊ីភិន មេបញ្ជាការរងកងរាជអាវុធហត្ថលើផ្ទៃប្រទេស បានដឹកនាំកិច្ចប្រជុំផែនការការងារសម្រាប់រៀបចំពិធីប្រារព្ធខួបលើកទី៣០ ទិវាបង្កើតកងរាជអាវុធហត្ថ (១៤ កក្កដា ១៩៩៣ - ១៤ កក្កដា ២០២៣) ដែលនឹងប្រារព្ធធ្វើឡើងនៅមជ្ឈមណ្ឌលហ្វឹកហ្វឺនកងរាជអាវុធហត្ថ(ភ្នំជុំសែនរីករាយ)។ កិច្ចប្រជុំនេះមានការអញ្ចើញចូលរួមពីលោកនាសេនាធិការ នាយសេនាធិការរង ឧត្តមសេនីយ៍ ស្នងការ ស្នងការរងទាំង៧ ឧត្តមសេនីយ៍នាយករងសាលាទាំងពីរ នាយខុទ្ទកាល័យស្តីទី និងនាយការិយាល័យពាក់ព័ន្ធផងដែរ។

កំពង់ឆ្នាំង៖ ដោយមានការអនុញ្ញាតពី ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅមជ្ឍមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយព្រឹកថ្ងៃអង្គារ ទី០៤ ខែកក្កដា ឆ្នាំ២០២៣ លោកឧត្តមសេនីយ៍ឯក សេង សុង មេបញ្ជាការរងកងរាជអាវុធហត្ថលើផ្ទៃប្រទេស ទទួលជំនាញភស្តុភារ សម្ភារបច្ចេកទេស និងវិស្វកម្មបានអញ្ជើញជាអធិបតីក្នុងពិធីប្រគល់អគារស្នាក់នៅមួយខ្នង ១២មx៣៣ម.០៤ ជូនទៅស្នងការសម្ភារបច្ចេកទេស ដើម្បីថែរក្សា និងស្នាក់នៅដោយមានការចូលរួមពីលោកស្នងការរង លោកនាយករងមជ្ឍមណ្ឌល លោកនាយការិយាល័យវិស្វកម្ម នាយរងការិយាល័យហិរញវត្ថុកងរាជអាវុធហត្ថលើផ្ទៃប្រទេសផងដែរ។