រតនគីរី៖ រសៀលថ្ងៃទី០៣ ខែឧសភា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តរតនគិរី លោក ឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត បានអញ្ជើញដឹកនាំក្រុមការងារទទួលស្វាគមន៍ប្រតិភូ ខេត្តកន្ទូមនៃសាធារណរដ្ឋសង្គមនិយមវៀតណាម ដឹកនាំដោយឯកឧត្តម យឿង វ៉ាន់ចាង ប្រធានគណៈកម្មាធិការបក្សខេត្ត លេខាបក្សខេត្ត និងជាប្រធានក្រុមប្រឹក្សាប្រជាជនខេត្តកន្ទូម នៃសាធារណរដ្ឋសង្គមនិយមវៀតណាម ចូលជួបសំដែងការគួរសមសួរសុខទុក្ខ និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខនេះ លោកឧត្តមសេនីយ៍មេបញ្ជាការ និងប្រតិភូបានធ្វើការសំណេះសំណាលសួរសុខទុក្ខនិងជូនពរក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ និងបានជូនវត្ថុអនុស្សាវរីយ៍ផងដែរ។

ភ្នំពេញ៖ រសៀលថ្ងៃអង្គារ ទី៤ ខែមេសា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានទទួលស្វាគមន៍ប្រតិភូយោធភូមិភាគ ៧ នៃកងទ័ពប្រជាជនវៀតណាម ដឹកនាំដោយលោកឧត្តមសេនីយ៍ទោ Nguyen Truong Thang មេបញ្ជាការ យោធភូមិភាគ៧ ដែលអញ្ជើញមកជូនពរឆ្នាំថ្មីប្រពៃណីជាតិខ្មែរ ២០២៣ ដើម្បីរឹតចំណងសាមគ្គីភាព មិត្តភាព យោធភូមិភាគ៧ និង កងរាជអាវុធហត្ថលើផ្ទៃប្រទេស។

តាកែវ៖ នៅព្រឹកថ្ងៃទី៣០ ខែមីនា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តតាកែវ លោក ឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ មានកិត្តិយសដែលបានទទួល លោក វរសេនីយ៍ឯក ង្វៀន វ៉ាន់លាវ មេបញ្ជាការយោធាខេត្តអាងយ៉ាង និងប្រតិភូនៃសាធារណៈរដ្ឋសង្គមនិយមវៀតណាម អញ្ជើញចូលជួបសម្តែងការគួរសម សំណេះសំណាល និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនិងឈានចូលមកដល់នាពេលខាងមុខនេះ។

នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងលោកជំទាវ ផ្ញើសារលិខិតជូនពរ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយ៍កម្ម និងសំណង់ ក្នុងឱកាសគម្រប់ខួបកំណើត ៧០ឆ្នាំ ឈានចូល ៧១ឆ្នាំ

ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ល្ងាចថ្ងៃចន្ទ ទី២៣ ខែមករា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានទទួលស្វាគមន៍ និងជូនពរ ឯកឧត្តម Wang Wentian ឯកអគ្គរាជទូតវិសាមញ្ញ និងពេញសមត្ថភាពនៃសារធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា និងពិសារអាហារស្និទស្នាលក្នុងឱកាសបុណ្យចូលឆ្នាំថ្មីប្រពៃណីប្រជាជនចិន។

ស្វាយរៀង៖ ព្រឹកថ្ងៃអង្គារ ទី១៧ ខែមករា  ឆ្នាំ២០២៣ លោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានអញ្ជើញដឹកនាំប្រតិភូកងរាជអាវុធហត្ថខេត្ត ជូនពរឆ្នាំថ្មីប្រពៃណីជាតិវៀតណាម ដល់បញ្ជាការដ្ឋានកងទ័ពការពារព្រំដែនខេត្តតៃនិញ និងនគរបាលខេត្តតៃនិញ នៃសាធារណរដ្ឋសង្គមនិយមវៀតណាម៕

នៅព្រឹកថ្ងៃចន្ទ ទី១៦ ខែមករា ឆ្នាំ២០២៣ លោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង អញ្ជើញដឹកនាំប្រតិភូកងរាជអាវុធហត្ថខេត្ត ចូលរួមជូនពរក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ដល់បញ្ជាការដ្ឋានកងទ័ពការពារព្រំដែនវៀតណាម ទទួលទិសភូមិភាគខាងត្បូង នៅទីក្រុងហូជីមិញ នៃសាធារណរដ្ឋសង្គមនិយមវៀតណាម៕

ភ្នំពេញ៖ នៅស្ថានទូតសារធារណរដ្ឋប្រជាមានិតចិនប្រចាំនៅព្រះរាជាណាចក្រកម្ពុជា ល្ងាចថ្ងៃចន្ទ ទី១៦ ខែមករា ឆ្នាំ២០២៣ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជូនពរ ឯកឧត្តម Wang Wentian ឯកអគ្គរាជទូតវិសាមញ្ញ និងពេញសមត្ថភាពនៃសារធារណរដ្ឋប្រជាមានិតចិន ប្រចាំនៅព្រះរាជាណាចក្រកម្ពុជា ក្នុងឱកាសចូលឆ្នាំថ្មីប្រពៃណីជនជាតិចិនដែលនឹងមកដល់ក្នុងពេលដ៏ខ្លីខាងមុខនេះ។