រតនគិរី៖ នៅរសៀលថ្ងៃទី១៧ ខែមីនា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី លោក ឧត្តមសេនីយ៍ទោ ហ៊ីង សុខមុន្នី នាយរងអធិការដ្ឋាន អគ្គបញ្ជាការដ្ឋាន នៃកងយោធពលខេមរភូមិន្ទ និងលោកវរសេនីយ៍ទោ ម៉ែន ខេមរិទ្ធ នាយរងការិយាល័យ នីតិកម្ម និងអធិការកិច្ច កងរាជអាវុធហត្ថលើផ្ទៃប្រទេស និងក្រុមការងារកងរាជអាវុធហត្ថខេត្តរតនគិរី ដឹកនាំដោយលោក ឧត្តមសេនីយ៍ត្រី ថាវ យ៉េន មេបញ្ជាការ កងរាជអាវុធហត្ថខេត្ត ប្រជុំធ្វើអធិការកិច្ច ត្រួតពិនិត្យលើការងារជំនាញដែលពាក់ព័ន្ធ របស់កងរាជអាវុធហត្ថខេត្តរតនគិរី ឆ្នាំ២០២២។

ក្រចេះ៖ ថ្ងៃទី១៧ ខែមីនា ឆ្នាំ២០២៣ លោក វរសេនីយ៍ត្រី សាន្ត សុវិជ្ជា មេបញ្ជាការ មូលដ្ឋានកងរាជអាវុធហត្ថស្រុកសំបូរ តំណាងលោក ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានដឹកនាំក្រុមការងារនាំយកអំណោយដ៏ថ្លៃថ្លារបស់លោក ឧត្តមសេនីយ៍ត្រី មេបញ្ជាការ ជូនដល់ក្រុមគ្រួសារដែលរងគ្រោះដោយជួបឧប្បទ្ទវហេតុអគ្គីភ័យ (ភ្លើងឆេះផ្ទះ) ចំនួន ០២គ្រួសារ ដោយក្នុងមួយគ្រួសារ ទទួលបាន អង្ករចំនួន ១បេ, ទឹកក្រូចចំនួន ១កេស, មីចំនួន ១កេស,…

កណ្តាល៖ រសៀលថ្ងៃទី១៥ ខែមីនា ឆ្នាំ២០២៣ លោក ឧត្តមសេនីយ៍ មេបញ្ជាការ កងរាជអាវុធហត្ថខេត្តកណ្តាល បានដឹកនាំជួរមេបញ្ជាការ ដើម្បីប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថ ប្រចាំខែកុម្ភៈ និងលើកទិសដៅផែនការសកម្មភាពការងារកងរាជអាវុធហត្ថ ប្រចាំខែមីនា ឆ្នាំ២០២៣ និងផ្សព្វផ្សាយផែនការការងារផ្សេងៗមួយចំនួនទៀតរបស់អង្គភាព នៅសាលប្រជុំទីបញ្ជាការកងរាជអាវុធហត្ថខេត្តកណ្តាល។

កំពង់ស្ពឺ៖ រសៀលថ្ងៃទី១៥ ខែមីនា ឆ្នាំ២០២៣ លោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំជំនាញពាក់ព័ន្ធ ទទួលការចុះពិនិត្យ របស់ជំនាញដឹកនាំដោយលោកឧត្តមសេនីយ៍ទោ ហួត សម្បត្តិ នាយករងអធិការដ្ឋាន អគ្គបញ្ជាការដ្ឋាន នៃកងយោធពលខេមរភូមិន្ទ និងជំនាញការិយាល័យនីតិកម្ម និងអធិការកិច្ច កងរាជអាវុធហត្ថលើផ្ទៃប្រទេស ចុះធ្វើអធិការកិច្ចប្រចាំឆ្នាំ២០២២ ។

បន្ទាយមានជ័យ៖ នៅព្រឹកថ្ងៃពុធ ទី១៥ ខែមីនា ឆ្នាំ២០២៣ លោក ឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានទទួលអំណោយពីសប្បុរសជន ជាអាជីវករស្រុកមង្គលបូរី តំណាងដោយលោក អ៊ឹង វណ្ណម៉ៅ ដែលអំណោយរួមមាន អង្ករទម្ងន់ ៧,៥តោន, មីចំនួន១០០កេសតូច, ទឹកបរិសុទ្ធចំនួន២០០យួរ និងថវិកាចំនួន១លានរៀល។ ក្នុងឱកាសនោះលោកឧត្តមសេនីយ៍ត្រី មេបញ្ជាការ ក៏បានប្រគល់លិខិតថ្លែងអំណរគុណដល់សប្បុរសជនទាំងអស់ និងជូនពរក្នុងឱកាសចូលឆ្នាំថ្មីនាពេលខាងមុខ សូមទទួលបាននូវសុខភាពល្អបរិបូណ៌ និងរកស៊ីទទួលទានមានបានគ្រប់ក្រុមគ្រួសារផងដែរ។

សៀមរាប៖ ព្រឹកថ្ងៃទី១៥ ខែមីនា ឆ្នាំ២០២៣ នៅសាលប្រជុំអគារសេនាធិការ បានប្រជុំការងារធ្វើអធិការកិច្ចឆ្នាំ២០២២ ជាមួយក្រុមអធិការកិច្ចអគ្គបញ្ជាការ នៃបញ្ជាការដ្ឋានកងយោធពលខេមរភូមិន្ទ និងបញ្ជាការដ្ឋាកងរាជអាវុធហត្ថលើផ្ទៃប្រទេស ដឹកនាំដោយលោក ឧត្តមសេនីយ៍ទោ ម៉ៅ រ៉ា នាយករង អធិការដ្ឋាន អគ្គបញ្ជាការដ្ឋាន និងលោកវរសេនីយ៍ឯក ស៊ិន លី មេបញ្ជាការរង កងរាជអាវុហត្ថខេត្តសៀមរាប។ ដោយមានការអញ្ជើញចូលរួមពីសំណាក់ មេបញ្ជាការរង លោកនាយសេនាធិការ លោកប្រធានមន្ទីរពាក់ព័ន្ធផងដែរ។

(ឧត្តរមានជ័យ) ៖ នៅព្រឹកថ្ងៃទី១៨ ខែមីនា ឆ្នាំ២០២៣ លោក ឧត្តមសេនីយ៍ត្រី លី ដារិទ្ធ មេបញ្ជាការ កងរាជអាវុធហត្ថខេត្តឧត្តរមានជ័យ អញ្ជើញជួបសំណេះសំណាលជាមួយបេក្ខជនដែលប្រឡងជាប់កងរាជអាវុធហត្ថជាស្ថាពរ។ ក្នុងពិធីសំណេះសំណាលនោះដែរ លោក ឧត្តមសេនីយ៍ត្រី មេបញ្ជការ ក៏បានណែនាំ និងផ្ដាំផ្ញើដល់បេក្ខជនទាំងអស់ ពេលចូលដល់សាលាហ្វឹកហ្វឺនត្រូវគោរពតាមបទបញ្ជា វិន័យឱ្យបានខ្ជាប់ខ្ជួនត្រូវខិតខំហ្វឹកហាត់រៀនសូត្រ ក្រេបយកវិជ្ជាជីវៈកងរាជអាវុធហត្ថ ដើម្បីក្លាយជាអាវុធហត្ថអាជីព បម្រើជាតិ មាតុភូមិ និងប្រជាជន ជាពិសេសស្មោះត្រង់ ដាច់ខាតចំពោះ ជាតិ សាសនា ព្រះមហាក្សត្រ។

កែប៖ លោកវរសេនីយ៍ឯក សេស សុផល មេបញ្ជាការស្តីទី កងរាជអាវុធហត្ថខេត្តកែប នៅព្រឹកថ្ងៃទី១៧ ខែមីនា ឆ្នាំ២០២៣ បានបើកកិច្ចប្រជុំត្រួតពិនិត្យការងារជំនាញពាក់ពន័្ធ ដើម្បីត្រៀមធ្វើការងារត្រួតពិនិត្យជាមួយក្រុមការងារអគ្គបញ្ជាការដ្ឋាន នៃកងយោធពលខេមរភូមិន្ទ និងកងរាជអាវុធហត្ថលើផ្ទៃប្រទេស មានការអញ្ជើញចូលរួមពីលោកប្រធានមន្ទីរ និងនាយការិយាល័យដែលមានការពាក់ព័ន្ធ ។

កំពង់ស្ពឺ៖ នៅរសៀលថ្ងៃទី១៨ ខែមីនា ឆ្នាំ២០២៣ លោក វរសេនីយ៍ឯក ចាន់ ដា មេបញ្ជាការរង កងរាជអាវុធហត្ថខេត្តកំពង់ស្ពឺ បានអញ្ជើញដឹកនាំកិច្ចប្រជុំត្រួតពិនត្យរបាយការណ៍អនុវត្តតួនាទី ភារកិច្ច ការងារកងរាជអាវុធហត្ថ ខែកុម្ភៈ ទិសដៅការងារខែមីនា ឆ្នាំ២០២៣ និងផ្សព្វផ្សាយផែនការសមយុទ្ធនាគមាស ឆ្នាំ២០២៣។

កំពង់ឆ្នាំង៖ វេលាម៉ោង០៨:៣០នាទីព្រឹកថ្ងៃទី១៨ ខែមីនា ឆ្នាំ២០២៣ នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ដោយមានការអនុញ្ញាតពីលោក នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធលើផ្ទៃប្រទេស លោក ឧត្តមសេនីយ៏ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស អញ្ជើញប្រជុំត្រួតពិនិត្យចុងក្រោយ និងត្រួតពិនិត្យការពង្រាយកម្លាំងការពារសន្តិសុខទៅតាមភូមិសាស្ត្រ នៅក្នុងផែនការ ការពារសន្តិសុខ រក្សាសណ្ដាប់ធ្នាប់ និងសង្គ្រោះបន្ទាន់ ពិធីសមយុទ្ធនាគមាស ឆ្នាំ២០២៣ ក្រោមប្រធានបទ “ប្រតិបត្តិការការពារសន្តិសុខក្នុងព្រឹត្តិការណ៏ធំៗ និងការជួយសង្គ្រោះមនុស្សធម៌…