កំពង់ស្ពឺ៖ នៅរសៀលថ្ងៃទី២៧ ខែមករា ឆ្នាំ២០២០ លោក ឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ បានដឹកនាំកិច្ចប្រជុំផ្សព្វផ្សាយបទបញ្ជា និងផ្សព្វផ្សាយផែនការ ការពារសន្តិសុខ សណ្តាប់ធ្នាប់ ដោយមានការចូលរួមពីមេបញ្ជាការរង នាយរងសេនាធិការ អនុប្រធានមន្ទីរ នាយការិយាល័យ មេបញ្ជាការក្រុង/ស្រុក នាយទាហាន នាយទាហានរង ចំណុះបញ្ជាការដ្ឋានជាច្រើនរូបទៀត។
ភ្នំពេញ៖ នៅរសៀលថ្ងៃចន្ទ ទី២៧ ខែមករា ឆ្នាំ២០២០នេះ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញជាអធិបតីភាព ក្នុងពិធីបិទកិច្ចប្រជុំបូកសរុបលទ្ធផលការងារ កងរាជអាវុធហត្ថឆ្នាំ២០១៩ ទិសដៅឆ្នាំ២០២០។ កិច្ចប្រជុំនេះមានការអញ្ជើញចូលរួមពីសំណាក់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងមន្ត្រីស្ថាប័នពាក់ព័ន្ធចំណុះសាលារាជធានីភ្នំពេញ, លោក ឧត្តមសេនីយ៍ឯក មេបញ្ជាការងកងរាជអាវុធហត្ថលើផ្ទៃប្រទេស ស្នងការ ព្រមទាំងនាយអាវុធហត្ថដែលមានការពាក់ព័ន្ធជាច្រើនរូបទៀត។
ភ្នំពេញ៖ នៅរសៀលថ្ងៃសុក្រ ទី២៤ ខែមករា ឆ្នាំ២០២០ លោក ឧត្តមសេនីយ៍ទោ តាត ចន្ថា នាយកវិទ្យាស្ថាន កងរាជអាវុធហត្ថ(កំបូល)នៃបញ្ជាការដ្ឋាន កងរាជអាវុធហ្ថលើផ្ទៃប្រទេស បានដឹកនាំសិក្ខាកាមវគ្គមន្ត្រីនគរបាលយុត្តិធម៌ជំនាន់ទី២៤ ធ្វើទស្សនកិច្ចសិក្សានៅវិមានឈ្នះ ឈ្នះ ដើម្បីស្វែងយល់អំពីប្រវត្តិតស៊ូដ៏អង់អាចក្លាហានរបស់ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលមាននាំមកនូវសុខសន្តិភាព ស្ថិរភាពនយោបាយ និងការអភិវឌ្ឍន៍។ ទន្ទឹមនឹងនេះសិក្ខាកាមក៏បានសិក្សា និងយល់ដឹងបន្ថែមអំពីការអនុវត្តនយោបាយ ឈ្នះ ឈ្នះ របស់សម្តេចតេជោផងដែរ។
បាត់ដំបង៖ ប្រជាពលរដ្ឋឈ្មោះ ឌី ស៊ាន ភេទប្រុស អាយុ ២៨ឆ្នាំ រស់នៅភូមិអន្លង់វិល ឃុំអន្លង់វិល ចាប់បានពស់ថ្លាន់ចំនួន ០២ក្បាល (ញីឈ្មោល) ដែលមានទម្ងន់ ២៣គីឡូក្រាម នឹងយកមកប្រគល់ជូនដល់កម្លាំងអាវុធហត្ថស្រុកសង្កែ។ ថ្ងៃសៅរ៍ ទី២៥ ខែមករា ឆ្នាំ២០២០នេះ ក្រោយពីទទួលបានបទបញ្ជា ពីសំណាក់លោក ឧត្តមសេនីយ៍ត្រី មាស សុវណ្ណ មេបញ្ជាការ កងរាជអាវុធហត្ថខេត្តបាត់ដំបង កម្លាំងមូលដ្ឋាន កងរាជអាវុធហត្ថស្រុកសង្កែ បានប្រគល់សត្វពស់ទាំងពីរក្បាលនេះជូននាយសង្កាត់រដ្ឋបាលព្រៃឈើស្រុកសង្កែ។
តាកែវ៖ នៅបញ្ជាការដ្ឋាន កងរាជអាវុធហត្ថខេត្តតាកែវ លោក ឧត្តមសេនីយ៍ត្រី ឡា ឡៃ មេបញ្ជការ កងរាអាវុហត្ថខេត្ត បានអញ្ជើញធ្វើការផ្សព្វផ្សាយ ការតម្លើងប្រាក់បៀតវត្តន៍របស់រាជរដ្ឋាភិបាល ដល់មន្ត្រីរាជការ កងកម្លាំង ចាប់ពីខែមករា/២០២០ ដល់នាយ នាយរងអាវុធហត្ថ ចំណុះបញ្ជាការដ្ឋាន កងរាជអាវុធហត្ថខេត្ត ពិធីនេះប្រព្រឹត្តទៅនាថ្ងៃព្រហស្បតិ៍ ទី២៣ ខែមករា ឆ្នាំ២០២០។
ភ្នំពេញ៖ លោក នាយឧត្តមសេនីយ៍ ឥត សាតរ៉ាត់ អគ្គមេបញ្ជាការរងនៃកងយោធពលខេមរភូមិន្ទ និងជានាយសេនាធិការចម្រុះ បានអញ្ជើញជាអធិបតីភាពក្នុងពិធីប្រជុំត្រៀមរៀបចំពិធីបុណ្យដង្ហែរព្រះសពសម្តេចព្រះធម្មលិខិតកិត្តិបណ្ឌិត លាស់ ឡាយ សម្តេចព្រះសង្ឃនាយករងទី១ នៃព្រះរាជាណាចក្រកម្ពុជា។ ពិធីនេះប្រព្រឹត្តទៅនារសៀលថ្ងៃព្រហស្បតិ៍ ទី២៣ ខែមករា ឆ្នាំ២០២០ នៅបញ្ជាការដ្ឋានកងរាជអាវុធហត្ថលេីផ្ទៃប្រទេសដោយមានការអញ្ជេីញចូលរួមពីសំណាក់លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទមេបញ្ជាការកងរាជអាវុធហត្ថលេីផ្ទៃប្រទេស ព្រមទាំងថ្នាក់ដឹកនាំ មន្ត្រីដែលមានការពាក់ព័ន្ធជាច្រេីនរូបទៀត។
កំពង់ឆ្នាំង : នៅព្រឹកថ្ងៃពុធ ទី២២ ខែមករា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តកំពង់ឆ្នាំង បានប្រារព្ធពិធីប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថប្រចាំខែមករា ទិសដៅការងារខែកុម្ភៈ ឆ្នាំ២២០២០ ក្រោមអធិបតីភាពលោក ឧត្តមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្តកំពង់ឆ្នាំង។ ពិធីនេះមានការអញ្ជើញចូលរួមពីសំណាក់ លោកមេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ នាយការិយាល័យ មេបញ្ជាការ តាមបណ្តាមូលដ្ឋាន ក្រុង-ស្រុក ស្នាក់ការសន្តិសុខ និងនាយ…
ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស នារសៀលថ្ងៃពុធ ទី២២ ខែមករា ឆ្នាំ២០២០ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស បានអនុញ្ញាតឱ្យលោក ឧត្តមសេនីយ៍ឯក ស៊ិន សូផាន្នី មេបញ្ជាការរង និងជាប្រធានគណៈកម្មការជ្រើសរើសពលទាហាននៃកងរាជអាវុធហត្ថ ដឹកនាំគណកម្មការនិងក្រុមការងារ ចូលជួបដើម្បីរាយការណ៍អំពីលទ្ធផលការ ជ្រើសរើសពលទាហាននៃកងរាជអាវុធហត្ថ ស្នើធ្វើបច្ចុប្បន្នភាព ជំនួសកងរាជអាវុធហត្ថសេរី និងសេចក្កីព្រាងរបស់ក្រុមការងារសិក្សាស្រាវជ្រាវ សរសេរតួនាទីភារកិច្ច រៀបចំរចនាសម្ព័ន្ធក្របខ័ណ្ឌចាត់តាំង ព្រមទាំងគ្រឿងបំពាក់កងរាជអាវុធហត្ថ៕
បាត់ដំបង៖ ព្រឹកថ្ងៃពុធ ទី២២ ខែមករា ឆ្នាំ២០២០នៅបញ្ជាការដ្ឋាន កងរាជអាវុធហត្ថខេត្តបាត់ដំបង បានរៀបចំប្រជុំផ្សព្វផ្សាយការអនុវត្តដីការរបស់អយ្យការអមសាលាដំបូងរាជធានីភ្នំពេញ ដឹកនាំដោយ លោកវរសេនីយ៍ឯក អ៊ន ជ្រីសៅរ៍មណ្ទល មេបញ្ជាការរង កងរាជអាវុធហត្តខេត្តបាត់ដំបងដោយបានអញ្ជើញចូលរួមមន្ទីរជំនាញ លោកមេបញ្ជាការមូដ្ឋាន កងរាជអាវុធហត្ថក្រុង-ស្រុក។
ព្រៃវែង៖ នៅព្រឹក ថ្ងៃពុធ ទី២២ ខែមករា ឆ្នាំ២០២០ នៅបញ្ជាការដ្ឋាន កងរាជអាវុធហត្ថខេត្តព្រៃវែង បានបើកកិច្ចប្រជុំត្រួតពិនិត្យការអនុវត្តតួនាទី ភារកិច្ច និងការងារកងរាជអាវុធហត្ថ ប្រចាំខែមករា ដៅការងារ ខែកុម្ភៈ ឆ្នាំ២០២០ និងតែងតាំងផ្លាស់ប្តូរមុខងារ និងតម្លើងឋានន្តរសក្តិជូននាយទាហាន នៃកងរាជអាវុធហត្ថ ក្រោមអធិបតីភាព លោក ឧត្តមសេនីយ៍ត្រី ឈួន គឹមសាន មេបញ្ជាការ កងរាជអាវុធហត្ថខេត្តព្រៃវែង ដោយមានការចូលរួមពីលោកមេបញ្ជាការរង នាយរងសេនាធិការ នាយលេខាធិការដ្ឋាន ប្រធានមន្ទីរ(ស្តីទី) នាយការិយាល័យ…