កំពង់ស្ពឺ៖ ព្រឹកថ្ងៃទី១៧ ខែកក្កដា ឆ្នាំ២០២៣ លោកវរសេនីយ៍ឯក ភូ ឌីសាឌីន មេបញ្ជាការរង តំណាង លោកឧត្តមសេនីយ៍ត្រី ជូ សារុន មេបញ្ជាការ កងរាអាវុធហត្ថខេត្តកពង់ស្ពឺ បានប្រគល់សេចក្តីប្រកាសបញ្ចូលក្របខ័ណ្ឌរបស់ក្រសួងការពារជាតិថ្នាក់វរសេនីយ៍ទោជូនគណៈយុទ្ធមិត្តជំនាន់បម្រើកងទ័ពឆ្នាំ ១៩៧៨ ចំនួន ៥នាក់។
ស្វាយរៀង៖ ព្រឹកថ្ងៃទី១៧ ខែកក្កដា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តស្វាយរៀង លោក ឧត្តមសេនីយ៍ត្រី នុត នន្ទ មេបញ្ជាការរង តំណាងលោក ឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង បានអញ្ជើញប្រគល់សេចក្តីប្រកា បញ្ចូលក្របខ័ណ្ឌ និងប្រគល់ឋានន្តរសក្តិ ថ្នាក់វរសេនីយ៍ទោ ជូនដល់គណៈយុទ្ធមិត្តជំនាន់បម្រើកងទ័ពឆ្នាំ១៩៧៨ សរុបចំនួន ២៩៥នាក់ ស្រី ៦០នាក់។
ភ្នំពេញ៖ ព្រឹកថ្ងៃទី១៧ ខែកក្កដា ឆ្នាំ២០២៣ វិទ្យាស្ថានកងរាជអាវុធហត្ថ (កំបូល) បានប្រជុំត្រួតពិនិត្យបូកសរុបរបាយការណ៍ការងារ ក្រោមអធិបតីភាពលោក ឧត្ដមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ (កំបូល) ដោយមានការអញ្ជើញចូលរួមពី នាយលេខាធិការដ្ឋាន ប្រធានមន្ទីរទាំង៥ ប្រធានក្រុមស្រាវជ្រាវវិជ្ជាសាស្ត្រហ្វឹកហ្វឺន ប្រធានក្រុមយោធាចារ្យ ការិយាល័យហិរញ្ញវត្ថុ និងបុគ្គលិកដែលមានការពាក់ព័ន្ធ។
រតនគិរី៖ រសៀលថ្ងៃទី១០ ខែកក្កដា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តរតនគិរី លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានដឹកនាំប្រជុំការងារសុំការអនុញ្ញាតតែងតាំងផ្លាស់ប្ដូរមុខងារ និងដំឡើងឋានន្តរសក្ដិជូនយោធិននៃកងរាជអាវុធហត្ថខេត្តរតនគិរី ដោយមានការចូលរួមពីលោកមេបញ្ជាការរង ប្រធានមន្ទីរបុគ្គលិក នាយលេខាធិការដ្ឋាន នាយការិយាល័យបុគ្គលិក។
មណ្ឌលគិរី៖ នៅវេលាម៉ោង៩ និង០០នាទី ថ្ងៃទី១២ ខែ០៧ ឆ្នាំ២០២៣ កម្លាំងអាវុធហត្ថខេត្តមណ្ឌលគិរី និងកម្លាំង ស្នាក់ការសន្តិសុខ៧៦៤ ដឹកនាំដោយលោកវរសេនីយ៍ឯក ភោគ ចន្ធី បានចុះទៅចំណុចត្រពាំងថ្ម ស្ថិតនៅភូមិពូតាង ឃុំពូជ្រៃ ស្រុកពេជ្រដា ខេត្តមណ្ឌលគិរី ស្រាវជ្រាវករណីកាប់រំលំដើមឈើរាយមោងចាប់សត្វស្វា និងកាន់កាប់អាវុធដោយខុសច្បាប់ និងបាញ់គម្រាមប្រជាពលរដ្ឋ បច្ចុប្បន្នកម្លាំងជំនាញកំពុងស៊ើបអង្កេតបន្ថែមដើម្បីកំណត់មុខសញ្ញា ដើម្បីឃាត់ជនសង្ស័យយកទៅផ្តន្ទាទោសតាមផ្លូវ។
កណ្តាល៖ មេបញ្ជាការកងរាជអាវុធហត្ថខេត្តកណ្តាល លោកឧត្តមសេនីយ៍ត្រី សំ តុលា បានដឹកនាំប្រជុំត្រួតពិនិត្យពិភាក្សាកែសម្រួលណែនាំការងារចាំបាច់មួយចំនួនរបស់អង្គភាព កាលពីថ្ងៃចន្ទ ទី១០ ខែកក្កដា ឆ្នាំ២០២៣ ដោយមានការចូលរួមពីលោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ នាយលេខាធិការដ្ឋាន នាយការិយាល័យពាក់ព័ន្ធ និងមេបញ្ជាការវរអន្តរាគមន៍ និងជំនាញពាក់ព័ន្ធ។
កំពង់ធំ៖ ព្រឹកថ្ងៃពុធ ទី១២ ខែកក្កដា ឆ្នាំ ២០២៣ នៅបញ្ជាការដ្ឋាន កងរាជអាវុធហត្ថខេត្តកំពង់ធំ លោកឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ បានអញ្ជើញជាអធិបតីភាពក្នុងពិធីប្រជុំត្រួតពិនិត្យការអនុវត្តតួនាទីភារកិច្ច និងវឌ្ឍនភាពការងារកងរាជអាវុធហត្ថ ខែកក្កដា ទិសដៅការងារខែសីហា ឆ្នាំ២០២៣ ដោយមានការអញ្ជើញចូលរួមពីសំណាក់លោក លោកស្រីមេបញ្ជាការរង នាយ-នាយសេនាធិការ ប្រធានមន្ទីរ នាយការិយាល័យ ប្រធានអង្គភាព និងមេបញ្ជាការ មូលដ្ឋានកងរាជអាវុធហត្ថក្រុង-ស្រុក ទាំង៩ ។
បាត់ដំបង៖ នៅបញ្ជាការដ្ឋានកងរាជអាវុធហត្ថខេត្តបាត់ដំបង រសៀលថ្ងៃទី១១ ខែកក្កដា ឆ្នាំ២០២៣ លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង បានអញ្ជើញជាអធិបតីភាពក្នុងពិធីប្រជុំផ្សព្វផ្សាយលទ្ធផលការអនុវត្តតួនាទីភារកិច្ច និងការងារកំណែទម្រង់កងរាជអាវុធហត្ថឆមាសទី១ លើកទិសដៅឆមាសទី២ និងប្រគល់ប័ណ្ណសរសើរលិខិតសរសើរជូនដល់បុគ្គលនិងអង្គភាពដែលមានស្នាដៃដោយមានសមាសភាពចូលរួមមាន លោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរនាយការិយាល័យ ប្រធានអង្គភាពចំណុះ និងលោកមេបញ្ជាការមូលដ្ឋានកងរាជអាវុធហត្ថក្រុង ស្រុកទាំង១៤ ផងដែរ។
ព្រៃវែង៖ នៅបញ្ជាការដ្ឋាន កងរាជអាវុធហត្ថខេត្តព្រៃវែង ព្រឹកថ្ងៃទី១១ ខែកក្កដា ឆ្នំា២០២៣ លោឧត្តមសេនីយ៍ត្រី ចេង ម៉ាច មេបញ្ជាការរង តំណាងលោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង អញ្ជើញទទួលប្រតិភូកងទ័ពការពារព្រំដែន ខេត្តដុងថាប់សាធារណរដ្ឋសង្គមនិយមវៀតណាម អញ្ជើញជួបសំណេះសំណាល និងទទួលនូវថវិកាមួយចំនួនសម្រាប់ការជួសជុល និងកសាងអង្គភាពបញ្ជាការដ្ឋានកងរាជអាវុធហត្ថខេត្តព្រៃវែង ។
ព្រះសីហនុ៖ នៅសាលប្រជុំបញ្ជាការដ្ឋានកងរាជអាវុធហត្ថខេត្តព្រះសីហនុ ព្រឹកថ្ងៃចន្ទ ទី១០ ខែកក្កដា ឆ្នាំ២០២៣ លោកវរសេនីយ៍ឯក ឆេង វុទ្ធី នាយសេនាធិការ កងរាជអាវុធហត្ថខេត្តព្រះសីហនុ បានដឹកនាំកិច្ចប្រជុំត្រួតពិនិត្យការអនុវត្ត តួនាទី ភារកិច្ច និងការងារកងរាជអាវុធហត្ថ ដោយមានសមាសភាពចូលរួមនាយសេនាធិការរង ប្រធាន-អនុប្រធានមន្ទីរ នាយលេខាធិការដ្ឋាន នាយការិយាល័យហិរញ្ញវត្ថុ នាយការិយាល័យអធិការកិច្ច នាយការិយាល័យចំណុះមន្ទីរ មេបញ្ជាការកងអនុសេនាធំកងរាជអាវុធហត្ថចល័ត មេបញ្ជាការរង នាយសេនាធិការមូលដ្ឋានកងរាជអាវុធហត្ថក្រុងព្រះសីហនុផងដែរ។