កោះកុង៖ នៅថ្ងៃទី០៦ ខែសីហា ឆ្នាំ២០២៣ កម្លាំងកងរាជអាវុធហត្ថខេត្តកោះកុងបានសហការជាមួយកម្លាំងសាខាគយនិងរដ្ឋាករខេត្តកោះកុង ឃាត់ចាប់រថយន្តសង្ស័យគ្មានបង្កាន់ដៃពន្ធគយនាំចូល ចំនួន០៣គ្រឿង ក្នុងចំណុចផ្សេងៗគ្នា មានដូចជារថយន្តម៉ាក CAMRY (HYBRID) ពណ៌ទឹកប្រាក់ ឆ្នាំផលិត២០០៩ គ្មានស្លាកលេខ នៅពេលកំពុងចរាចរតាមដងផ្លូវជាតិលេខ៤៨ ក្នុងភូមិសាស្រ្ត ភូមិត្រពាំងកណ្តោល ឃុំជីខលើ ស្រុកស្រែអំបិល ខេត្តកោះកុង, រថយន្តម៉ាក LEXUS RX ៣៥០ ពណ៌ត្រេអ៊ី ឆ្នាំផលិត ២០០៧ ពាក់ស្លាកលេខ ខេមរភូមិន្ទ05 2-2959…

កណ្តាល៖ នៅថ្ងៃទី០៦ ខែសីហា ឆ្នាំ២០២៣ កម្លាំងកងរាជអាវុធហត្ថស្រុកស្អាង ខេត្តកណ្តាល បន្ទាប់ពីទទួលបានព័ត៌មានពីប្រជាពលរដ្ឋថាមានករណីជួញដូរដោយខុសច្បាប់នូវសារធាតុញៀន ស្ថិតក្នុងឃុំព្រែកគយ ស្រុកស្អាង ខេត្តកណ្តាល នឹងដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្ត កម្លាំងជំនាញបានចុះដល់ទីកន្លែងជាក់ស្តែងឃាត់ខ្លួនជនសង្ស័យ០២នាក់ ភេទប្រុស វត្ថុតាងចាប់យករួមមាន ថ្នាញៀន(ម៉ាទឹកកក)ចំនួន ០៩កញ្ចប់ ទូរស័ព្ទ ០៣គ្រឿង សម្ភារៈប្រើប្រាស់មួយចំនួន។ បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចកងរាជអាវុធហត្ថខេត្តកណ្តាលកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។

កំពង់ធំ៖ ក្រោមការដឹកនាំពីលោក ឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំនៅថ្ងៃទី០៨ ខែសីហា ឆ្នាំ២០២៣ ដោយមានការសម្របសម្រួលពីព្រះរាជអាជ្ញារងអមសាលាដំបូងខេត្តកំពង់ធំ កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពង់ធំ ដឹកនាំដោយលោកវរសេនីយ៍ទោ ផុន សុផល ប្រធានមន្ទីរស្រាវជ្រាវ និងបង្ក្រាបបទល្មើស បានចុះស្រាវជ្រាវ និងបង្រ្កាបករណីប្រើប្រាស់ និងចែកចាយនូវសារធាតុញៀនដោយខុសច្បាប់ ចំនួន ០២គោលដៅជាលទ្ធផលបានធ្វើការឃាត់ខ្លួនជនសង្ស័យបានចំនួន ០៨នាក់ ចាប់យកវត្ថុតាងរួមមាន កាំបិតចំនួន ០៦ដើម ទូរស័ព្ទដៃចំនួន០៩គ្រឿង កាំភ្លើងកែច្នៃចំនួន០២ដើម ដែកឆាបចុងស្រួចចំនួនមួយដើម ស្នាប់ដៃចំនួន០១ ថ្នាំញៀនចំនួន…

តាកែវ៖ ដោយបានទទួលបទបញ្ជាលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពីព្រះរាជ្ញាអមសាលាដំបូងខេត្តតាកែវ វេលាម៉ោង ១២ និង៤០នាទី ថ្ងៃទី០៧ ខែសីហា ឆ្នាំ២០២៣ កម្លាំងមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តតាកែវ សហការជាមួយកម្លាំងមូលដ្ឋានអាវុធហត្ថស្រុកសំរោង ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរង បានចុះបង្រ្កាបករណីគ្រឿងញៀន នៅចំណុចផ្លូវជាតិលេខ២ ភូមិទួលចារ ឃុំសំរោង ស្រុកសំរោង ខេត្តតាកែវ ដោយបានឃាត់ខ្លួនជនសង្ស័យចំនួន ៣នាក់ និងចាប់យកវត្ថុតាងមួយចំនួន។ បច្ចុប្បន្នជនសង្ស័យ…

ខេត្តរតនគិរី៖ នៅបញ្ជាការដ្ឋានកងរាជអាវុធហត្ថខេត្តរតនគិរី ថ្ងៃទី០៨ ខែសីហា ឆ្នាំ២០២៣ លោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្ត បានអញ្ជើញជួបសំណេះសំណាលនិងថ្លែងអំណរគុណដល់នាយ នាយរងកងរាជអាវុធហត្ថចំណុះ បញ្ជាការដ្ឋានកងរាជអាវុធហត្ថខេត្តរតនគិរីទាំងអស់ដែលបានខិតខំយកចិត្តទុកដាក់អនុវត្តនូវបទបញ្ជា ការពារសុខសុវត្ថិភាព ជូនប្រជាពលរដ្ឋ ក្នុងកំឡុងពេលឃោសនាបោះឆ្នោត និងបោះឆ្នោតនីតិកាលទី៧នៃរដ្ឋសភា ដោយរក្សាបាននូវសន្តិសុខសណ្ដាប់ធ្នាប់ល្អ និងភាពស្ងប់ស្ងាត់ សុវត្ថិភាពនៅទូទាំងខេត្ត ក្នុងឱកាសនោះដែរលោកឧត្តមសេនីយ៍ មេបញ្ជាការ ក៏បានពាំនាំការផ្ដាំផ្ញើសួរសុខទុក្ខ និងថ្លែងអំណរគុណពីសំណាក់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ផ្ញើជូននាយ នាយរងកងរាជអាវុធហត្ថខេត្តរតនគិរីទាំងអស់ដែលបានខិតខំប្រឹងប្រែងលះបង់កម្លាំង…

ត្បូងឃ្មុំ៖ ថ្ងៃអង្គារ ទី០៨ ខែសីហា ឆ្នាំ២០២៣ លោកឧត្តមសេនីយ៍ត្រី រ័ត្ន ចាន់ណា មេបញ្ជាការ កងរាជអាវុធហត្ថខេត្តត្បូងឃ្មុំ និងលោកវរសេនីយ៍ឯក ខេង សួ នាយការិយាល័យវិស្វកម្មកងរាជអាវុធហត្ថលើផ្ទៃប្រទេស និងលោក ប៊ិន បូនីបុត្រ អ្នកម៉ៅការសាងសង់អគារសេនាធិការដ្ឋានកងរាជអាវុធហត្ថខេត្តត្បូងឃ្មុំ បានអញ្ជើញចុះត្រួតពិនិត្យ វឌ្ឍនភាពការងារសាងសង់ អគារសេនាធិការដ្ឋានបញ្ជាការដ្ឋាន កងរាជអាវុធហត្ថខេត្ត និងពិភាក្សាការងារ ទិសដៅការកសាងហេដ្ឋារចនាសម្ព័ន្ធនានាបន្តទៀត។

ឧត្ដរមានជ័យ៖ នៅថ្ងៃទី០៨ ខែសីហា ឆ្នាំ២០២៣ ដោយទទួលបានការអនុញ្ញាតពី លោក ឧត្តមសេនីយ៍ត្រី លី ដារិទ្ធ មេបញ្ជាការកងរាជអាវុធហត្ថ ខេត្តឧត្ដរមានជ័យ។លោក វរសេនីយ៍ឯក សៀ ថុន នាយសេនាធិការ កងរាជអាវុធហត្ថខេត្តបានប្រជុំពង្រាងផ្ទៀងផ្ទាត់របាយការណ៍តាមជំនាញ សម្រាប់ការអនុវត្តតួនាទីភារកិច្ចការងារកងរាជអាវុធហត្ថខែសីហា និងទិសដៅការងារកងរាជអាវុធហត្ថខែកញ្ញា ឆ្នាំ២០២៣ ក្នុងពិធីនោះដែរក៏មានការអញ្ជើញចូលរួមពីនាយសេនាធិការរង ប្រធាន អនុប្រធានមន្ទីរ និងនាយការិយាល័យជំនាញ។