នៅបញ្ជាការដ្ឋានកងរាជអាវុធហត្ថខេត្តឧត្តរមានជ័យ បានប្រារព្ធពិធីប្រកាសតែងតាំងផ្លាស់ប្ដូរមុខងារ

ឧត្តរមានជ័យ: នៅវេលាម៉ោង០៩ និង០០ ថ្ងៃទី១១ ខែសីហា ឆ្នាំ២០១៦ នៅបញ្ជាការដ្ឋានកងរាជអាវុធហត្ថខេត្តឧត្តរមានជ័យ បានប្រារព្ធពិធីប្រកាសតែងតាំងផ្លាស់ប្ដូរមុខងារ មេបញ្ជាការមូលដ្ឋានស្រុកត្រពាំងប្រាសាទ ជូនលោកវរសេនីយ៍ត្រី គង់ ដារ៉ា ជាមេបញ្ជាការ មូលដ្ឋានស្រុកត្រពាំងប្រាសាទ ជំនួស លោកវរសេនីយ៍ត្រី លី ដារឹទ្ធ ដែលត្រូវបានតែងតាំង
ទៅជាមេបញ្ជាការរងកងរាជអាវុធហត្ថខេត្តឧត្តរមានជ័យ ក្រោមអធិបតីភាព លោក ឧត្តមសេនីយ៍ ពុទ្ធ សារ៉ាន មេបញ្ជាការ កងរាជអាវុធហត្ថខេត្តឧត្តរមានជ័យ និងមានការចូលរួមពីសំណាក់ អភិបាលស្រុក អធិការស្រុក ផ្នែកសឹករងស្រុក មេឃុំ លោកមេបញ្ជាការរង នាយរងសេនាធិការ ប្រធានមន្ទីរ អនុប្រធានមន្ទីរ នាយការិយាល័យ និងមេបញ្ជាការមូលដ្ឋានក្រុង ស្រុក ចំណុះបញ្ជាការដ្ឋាន កងរាជអាវុធហត្ថខេត្តឧត្តរមានជ័យ សរុបចំនួន ៥២នាក់៕