ភ្នំពេញៈ នៅល្ងាចថ្ងៃទី៦ ខែសីហា ឆ្នាំ២០១៦ នៅចំណុចផ្ទះលេខ១៩អា និងផ្ទះលេខ២៥ ផ្លូវរថភ្លើង សង្កាត់បឹងកក់២ (រោងចក្រឆ្នាំង) ខណ្ឌដូនពេញ រាជធានីភ្នំពេញ កម្លាំងមូលដ្ឋានកងរាជអាវុធហត្ថខណ្ឌដូនពេញ បានធ្វើការបង្ក្រាបករណីរក្សាទុក និងជួញដូរនូវសារធាតុញៀន ០១លើក ដោយឃាត់ខ្លួនបានមនុស្សចំនួន០៥នាក់។
បើតាមប្រភពពត៌មានពីមន្រ្តីកងរាជអាវុធហត្ថ បានឱ្យដឹងថា មុននឹងឈានទៅដល់ការឃាត់ ខ្លួនជនសង្ស័យនេះ កម្លាំងកងរាជអាវុធហត្ថបានធ្វើការ តាមដានស្រាវជ្រាវជាយូរមកហើយ និងទទួលបានការសហការពីគណៈបញ្ជាការខណ្ឌ ដូនពេញ។ បន្ថែមពីនោះ កម្លាំងបានចាប់យកវត្ថុតាងមួយចំនួនពីជនសង្ស័យរួមមានៈ
០១.ថ្នាំញៀនប្រភេទម៉ាទឹកកកចំនួន ២៣១កញ្ចប់
០២. ជញ្ជីងសំរាប់ថ្លឹង ចំនួន០៤គ្រឿង
០៣. ម៉ូតូចំនួន០៥គ្រឿង
០៤. សម្ភារៈសំរាប់វេចខ្ចប់ និងសេពគ្រឿងញៀនមួយចំនួនផងដែរ។
ជនសង្ស័យនិងវត្ថុតាង ត្រូវបានបញ្ជូនទៅការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានី ដើម្បីចាត់ការបន្តតាមនីតិវិធី៕