ភ្នំពេញ៖ ព្រឹកថ្ងៃទី១១ ខែកញ្ញា ឆ្នាំ២០២០ លោកវរសេនីយ៍ឯក គឹម ពៅ នាយការិយាល័យអប់រំ ផ្សព្វផ្សាយ តំណាងលោកឧត្តមសេនីយ៍ត្រី អេង ហុី ស្នងការ ស្នងការដ្ឋានទំនាក់ទំនងកិច្ចការសាធារណៈ និងជាអ្នកនាំពាក្យកងរាជអាវុធហត្ថលើផ្ទៃប្រទេស បានដឹកនាំក្រុមការងារចុះសួរសុខទុក្ខលោកវរសេនីយ៍ទោ ឥន្ទ រត្តនៈ នាយរងការិយាល័យអប់រំ ផ្សព្វផ្សាយ ដែលមានជំងឺលើសឈាមជាប្រចាំកាយ កំពុងសម្រាកព្យាបាលនៅមន្ទីរពេទ្យព្រះកេតុមាលា។ ក្នុងឱកាសនោះ ក្រុមការងារបាននាំយកថវិកាចំនួន១,០០០,០០០រៀល(មួយលានរៀល) ព្រមទាំងភេសជ្ជៈ, ទឹកដោះគោឆៅ, ទឹកត្រចៀកកាំ និងគ្រឿងឧបភាគ បរិភោគមួយចំនួនទៀតទុកជាការចែករំលែកសម្រាលបន្ទុកក្នុងការសម្រាកព្យាបាលផងដែរ៕