ឧត្តមសេនីយ៍ឯក ទៀវ ប៊ុនខេង តំណាងដ៏ខ្ពង់ខ្ពស់ នាយឧត្តមសេនីយ៍ សៅ សុខា ទទួលជំនួយរថយន្តមួយគ្រឿងពីរដ្ឋាភិបាលបារាំង

ភ្នំពេញៈ ព្រឹកថ្ងៃទី១៤ ខែមិថុនា ឆ្នាំ២០១៦ នៅទីបញ្ជាការដ្ឋានកងរាជអាវុធហត្ថលើផ្ទៃប្រទេស ឯកឧត្តម ឧត្តមសេនីយ៍ឯក ទៀវ ប៊ុនខេង មេបញ្ជាការរង កងរាជអាវុធហត្ថលើផ្ទៃប្រទេស ទទួលបន្ទុកការងារ សម្ភារៈ បច្ចេកទេស តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សៅ សុខា
អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទស បានទទួលរថយន្តមួយគ្រឿង ម៉ាក វីហ្គូ(Vigo) ពីលោក វរសេនីយ៍ ទោ មីកាអែលហ្គីយៀម ទីប្រឹក្សាបារាំងអមបញ្ជាការដ្ឋាន កងរាជអាវុធហត្ថលើផ្ទៃប្រទេស តំណាងរដ្ឋាភិបាលនៃសាធារណៈរដ្ឋបារាំង។