នាយឧត្តមសេនីយ៍ សៅ សុខា បានសម្រេចបង្កើតគណៈកម្មការរៀបចំពិធីបុណ្យសព ឧត្តមសេនីយ៍ត្រី សុខ គ្រីន

អហផទ៖ នៅថ្ងៃទី១២ ខែសីហា ឆ្នាំ២០១៥ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង​នៃកងយោធពលខេមរភូមិន្ទ​និងជាមេបញ្ជាការ​កងរាជអាវុធហត្ថលើផ្ទៃប្រទេស បានចេញសេចក្តីសម្រេច ស្តីពីការបង្កើតគណៈកម្មការរៀបចំពិធីបុណ្យសព ឧត្តមសេនីយ៍ត្រី សុខ គ្រីន នាយរងសេនាធិការដ្ឋាន កងរាជអាវុធហត្ថលើផ្ទៃប្រទេស ដើម្បីរៀបចំពិធីបុណ្យសពនេះ ឱ្យបានសមរម្យ​តាម​ប្រពៃណី សាសនា និងពិធីការកងទ័ព។ លោក ឧត្តមសេនីយ៍ត្រី សុខ គ្រីន​ បានទទួលមរណភាពនៅថ្ងៃទី១២ ខែសីហា ឆ្នាំ២០១៥ វេលាម៉ោង៤និង៣០នាទី ទាបភ្លឺ ដោយរោគាពាធ។ សពបានតម្កល់នៅផ្ទះលេខ២៨Eo ផ្លូវ១៤៩ សង្កាត់​វាលវង្ស ខណ្ឌចំការមន រាជធានីភ្នំពេញ ហើយនឹងដង្ហែសពចេញពីគេហដ្ឋានឆ្ពោះទៅកាន់ឈាបណដ្ឋាន​វត្តទួលទំពូង ​នៅថ្ងៃទី១៤ ខែសីហា ឆ្នាំ២០១៥ វេលាម៉ោង១៤និង០០នាទី។