ត្បូងឃ្មុំ: វេលាម៉ោង០៨និង៣០នាទី ថ្ងៃទី១៣ ខែឧសភា ឆ្នាំ២០១៦ កម្លាំងកងរាជអាវុធហត្ថមូលដ្ឋាន ភូមិវាលអណ្តើក ឃុំគោកស្រុក សហការជា
មួយក្រុមប្រឹក្សាឃុំ មេភូមិនិងប្រជាពលរដ្ឋ ក្នុងសកម្មភាពមនុស្សធម៌ អនុវត្តតាមបទបញ្ជារ ឯកឧត្តម មេបញ្ជាការ វ៉ា សារិទ្ធ
មេបញ្ជាការកងរាជអាវុធហត្ថខេត្តត្បូងឃ្មុំ បាននាំយកឈើ ដែកស័ង្កសី ដែកគោល យកទៅជួយកសាងសង់ផ្ទះថ្មី ទំហំ៤ម×៥ម ឩបត្ថម្ភដល់ ប្រជាជន ក្រីក្រឈ្មោះ រ៉េន រិន អាយុ៣១ឆ្នាំ ប្រពន្ធ ឈ្មោះធឿន ភួង អាយុ២៣ឆ្នាំ ដែលរស់នៅក្នុង ខ្ទមត្រូវខ្យល់កន្ត្រាក់ដួល ប៉ើងរលំខ្វះជំរកស្នាក់នៅ ដែលសរុបថវិកាអស់១៦២៥០០០រៀល។