មន្ទីរយុត្តិធម៌ អហ បង្ក្រាបបទល្មើសគ្រឿងញៀន​មួយកន្លែងឃាត់ខ្លួនបានពីរនាក់

អហ ព្រះសីហនុ៖ នៅវេលាម៉ោង១៥និង០៣នាទី រសៀល ថ្ងៃទី១ ខែសីហា ឆ្នាំ២០១៥ កម្លាំងមន្ទីរយុត្តិធម៌ សហការជាមួយ ស្នាក់ការ៤០១ និងស្នាក់ការ ព្រៃនប់ ដឹកនាំដោយលោក វរៈសេនីយ៍ឯក សិទ្ធិ ទស្សី បានចុះបង្រ្កាបការជួញដូរគ្រឿងញៀនមួយកន្លែងស្ថិតនៅ ក្រុម២ ភូមិតានៃ ឃុំវាលរេញ ស្រុក​ព្រៃនប់ ខេត្តព្រះសីហនុ។ បានឃាត់ខ្លួនជនសង្ស័យចំនួន០២នាក់៖ ១-ឈ្មោះ ណាំ ញ៉េន ភេទប្រុស អាយុ៣៥ឆ្នាំ មុខរបរធ្វើស្រែ សញ្ជាតិខ្មៃរ ទីលំនៅ​បច្ចុប្បន្ន ភូមិវែង ឃុំវាលរេញ ស្រុកព្រែនប់ ខេត្តព្រះសីហនុ។ ២-ឈ្មោះ លាន់ ម៉ាលី ភេទស្រី អាយុ២៨ឆ្នាំ មុខរបរអ៊ុតសក់ សញ្ជាតិខ្មែរ ទីលំនៅបច្ចុប្បន្ន ភូមិតាអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ។ ចាប់យកវត្ថុតាងរួមមាន៖ ម្ស៉ៅសថ្លាចំនួន ១កញ្ចប់ធំនិង៣កញ្ចប់តូច, ដបជក់ចំនួន ២, កាំភ្លើងកែ​ឆ្នៃ​បាញ់គ្រាប់ឃ្លី ១ដើម, គ្រាប់ឃ្លី ១ប្រអប់, ដាវសាម៉ូរ៉ៃចំនួន ២, ម៉ូតូម៉ាក CBR មានស្លាកលេខ 1BW 7759 ភ្នំពេញ, ស្លាកលេខម៉ូតូចំនួន ២, ទុយយោ ១ថង់ធំ និងទូរសព័្ទដែ ៤គ្រឿង។