នាយឧត្តមសេនីយ៍ សៅ សុខា ទទួលជួបជាមួយគណៈប្រតិភូចំនួន៧ មកអបអរសាទរ​និងជូនពរក្នុងឱកាសចូលឆ្នាំថ្មី

រាជធានីភ្នំពេញ៖ ចាប់ពីថ្ងៃទី៦ ដល់ថ្ងៃទី៨ ខែមេសា ឆ្នាំ២០១៦ នៅសាលសវនាការ បញ្ជាការដ្ឋានកងរាជអាវុធហត្ថលើផ្ទៃប្រទេស ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស បានទទួល​ជួប​ជាមួយគណៈប្រតិភូចំនួន៧មានជាអាទិ៍៖ គណៈប្រតិភូខេត្តគៀងយ៉ាង គណៈប្រតិភូអង្គទ័ពទី៤ គណៈប្រតិភូក្រសួងការពារជាតិ​និង​ភូមិភាគទី៧ គណៈ​ប្រតិភូ​​អនុព័ន្ធ​យោធាវៀតណាមប្រចាំព្រះរាជាណាចក្រកម្ពុជា គណៈប្រតិភូអនុព័ន្ធយោធាថៃប្រចាំព្រះរាជាណាចក្រកម្ពុជា គណៈប្រតិភូខេត្តគឺនធើ គណៈ​ប្រតិភូ​​កងទ័ព​ការពារព្រំដែន នៃកងទ័ពប្រជាជនវៀណាម មកអបអរសាទរ​និង​ជូនពរ​ក្នុងឱកាសបុណ្យចូល​ឆ្នាំថ្មី​ប្រពៃ​ណីជាតិ ឆ្នាំវក អដ្ឋស័ក ព.ស. ២៥៦០។ សូមបញ្ជាក់ថា សកម្មភាពនេះគឺជាប្រពៃណីពង្រឹងសាមគ្គីភាពរវាងប្រទេសនិងប្រទេស ជាពិសេសពង្រឹងសាមគ្គីភាពរវាងកងទ័ពនិងកងទ័ពឱ្យល្អប្រសើរថែមទៀត។