អហ.ស្ទឹងត្រែង​៖ កម្លាំងកងរាជ​អាវុធហត្ថ​ខេត្តស្ទឹងត្រែង បានឃាត់ខ្លួនជនសង្ស័យ០២នាក់ ពាក់ព័ន្ធករណីចែកចាយ គ្រឿងញៀន ត្រង់ចំណុច អូរពងមាន់ភូមិរាជានុកូល សង្កាត់ស្ទឹងត្រែង ខេត្តស្ទឹងត្រែង កាលពីវេលាម៉ោង​២១​និង​១៥នាទី ថ្ងៃទី​១៣ ខែ​មករា ឆ្នាំ២០១៦ ។
បើតាមការឲ្យដឹងពីមន្ត្រីកងរាជ​អាវុធហត្ថ​ខេត្ត ជនសង្ស័យដែលឃាត់ខ្លួនបានមានឈ្មោះ 1-ឈ្មោះម៉ាន ម៉ៃ ហៅពយ ភេទប្រុស អាយុ22 ជនជាតិ ចាម មុខរបរធ្វើចំការ ផ្ទះនៅភូមិពង្រ ឃុំពង្រ ស្រុកឆ្លូង ខេត្តក្រចេះ។
2-ឈ្មោះខឿន សុខាន ហៅធំ ភេទប្រុស អាយុ 25 ជនជាតិខ្មែរ មុខរបរធ្វើចំការ ផ្ទះនៅអូរក្បាលដំរីភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ។
វត្ថុតាងដែលចាប់ដកបានមាន ថ្នាំញៀនម្សៅមេតំហ្វេតាមីន ចំនួន04កញ្ចប់តូច ទម្ងន់ សរុប0,44g ម៉ូតូ01 ទូរស័ព្ទ 05 ជញ្ជៀន01 កាបូបដាក់ ប្រាក់01 ៕