កំពង់ស្ពឺ៖ នៅវេលាម៉ោង ១៣ និង ២០នាទី ថ្ងៃទី១៣ ខែវិច្ឆិកា ឆ្នាំ២០១៧ កម្លាំងមូលដ្ធានកងរាជអាវុធហត្ថ ស្រុកភ្នំស្រួច សហកាណ៍ជាមួយ កម្លាំងអន្តរាគមន៍បង្ក្រាបបទល្មើសសត្វព្រៃចល័ត និងអធិការនគរបាលស្រុក មានធ្វើការបង្ក្រាបបទល្មើសសត្វព្រៃនៅចំណុចផ្ទះលក់ផ្សិតក្រៀម ៩៩៩ ឈ្មោះ សៀក សុជាតិ ភេទប្រុស អាយុ៣២ឆ្នាំ ជាម្ចាស់ផ្ទះ រស់នៅក្នុងភូមិចេក (ស្រែខ្លុង) ឃុំអូរ ស្រុកភ្នំស្រួច ខេត្តកំពង់ស្ពឺ បានរឹបអូស សត្វព្រៃមាន៖
១-ពង្រូលរស់ ០១ ក្បាល ទំងន់ ៦,១០ គីឡូក្រាម
២-អន្សងរស់ ០១ ក្បាល ទងន់ ៣,១០គីឡូក្រាម
៣-អណ្តើកភ្នំរស់ ចំនួន ០៨ក្បាល ទំងន់ ៨,៥០គីឡូក្រាម
៤-អណ្តើកផ្កាយរស់ ចំនួន ០១ក្បាល ទំងន់ ០២ គីឡូក្រាម
៥-សំពោចក្រអូបងាប់ ចំនួន ០២ក្បាល ទំងន់ ១,៣០គីឡូក្រាម
៦-សំពោចវល្លិ៍ងាប់ ចំនួន ០២ក្បាល ទងន់ ៣,៥០ គីឡូក្រាម
៧-ពង្រូលងាប់ ០១ក្បាល ទំងន់ ២,២០ គីឡូក្រាម
៨-ក្បាលប្រើសជាប់ស្នែង ចំនួន ០១ក្បាល
៩-ឆ្អឹងក្បាលកេងកង ចំនួន ០១ក្បាល
១០-សាច់ឈ្លូសស្រស់ ទំងន់ ០១គីឡូក្រាម
១១-ឆ្អឹងឈ្លូស ចំនួន ០៣គីឡូក្រាម
១២-ក្រចកខ្លាឃ្មុំ ចំនួន ៤១ ក្រចក
១៣-ខ្នាយជ្រូកព្រៃ ១១ខ្នាយ
១៤-ចង្កូមឆ្កែព្រៃ ២៣ចង្កូម
១៥-ឈាមរញីលាយស្រា ចំនួន ១,៥០លីត្រ
១៦-ឈាមឈ្លូសលាយស្រា ចំនួន ០៤លីត្រ។
បច្ចុប្បន្ន វត្ថុតាងយកមករក្សាទុកនៅរដ្ធបាលព្រៃឈើ គីរីវន្ត័ ចំណែកជនសង្ស័ត ត្រូវបានមន្ត្រីជំនាញកំពុងកសាងសំណុំរឿង តាមនីតិវិធី។
