កម្លាំងជំនាញ​កងរាជ​អាវុធហត្ថសៀមរាប​ឃាត់ខ្លួនជនសង្ស័យ០៤នាក់ពាក់ព័ន្ធគ្រឿងញៀន​

អហ.សៀមរាប៖ នៅវេលាម៉ោង១៥និង​៣០នាទី ថ្ងៃទី​២៥ ខែ​តុលា ឆ្នាំ​២០១៥ កម្លាងកងរាជ​អាវុធហត្ថ​ខេត្តសៀមរាប​ដឹកនាំ​ដោយលោក វរសេនីយ៍ទោ ថា ដាលុច បានបង្ក្រាប​បទល្មើស​គ្រឿងញៀន​ជាក់ស្តែង​០១ករណី នៅចំណុចភូមិ តាភុល សង្កាត់ ស្វាយដង្គុំ ក្រុង សៀមរាប ខេត្ត សៀមរាប ។​
ក្នុងប្រតិបត្តិការណ៍នេះ​​កម្លាំង​ជំនាញ​បាន​ធ្វើការ​ឃាត់ខ្លួន​ជនសង្ស័យ០៤នាក់ ១.ឈ្មោះ គៀត នី ភេទប្រុស អាយុ ៣៤ ឆ្នាំ មុខរបរ រត់ម៉ូតូឌុប ទីលំនៅបច្ចុប្បន្នភូមិ វិហារជ័យ សង្កាត់ស្វាយដង្គុំ ក្រុង សៀមរាប ខេត្ត សៀមរាប ២.ឈ្មោះ គួច វីរីយ៉ា ភេទប្រុស អាយុ ៣២ឆ្នាំ មុខរបរ មិនពិតប្រាកដ ទីលំនៅបច្ចុប្បន្ន ភូមិ ស្វាយដង្គុំ សង្កាត់ស្វាយដង្គុំ ក្រុងសៀមរាប ខេត្ត សៀមរាប ៣.ឈ្មោះ នូវែល ស្ថាបនា ភេទប្រុស អាយុ ៣៤ ឆ្នាំ មុខរបរ ដឹកភ្ញៀវ ទេសចរណ៍ ទីលំនៅបច្ចុប្បន្នភូមិ ស្ទឹងថ្មី សង្កាត់ ស្វាយដង្គុំ ក្រុងសៀមរាប ខេត្ត សៀមរាប ៤.ឈ្មោះ ជាតិ សុខសាន្ត ភេទប្រុស អាយុ ២៩ឆ្នាំ មុខរបរ ជាងជួសជុលម៉ូតូ ទីលំនៅបច្ចុប្បន្ន ភូមិ ស្ទឹងថ្មី សង្កាត់ ស្វាយដង្គុំ ក្រុងសៀមរាប ខេត្ត សៀមរាប ។​
វត្ថុតាងដែល​សមត្ថកិច្ចជំនាញចាប់ដកបានមាន ម៉ាទឹកក 0១​កញ្ចប់​ធំ ទម្ងន៉ ៤.៣ក្រាម ទូរស័ព្ទ0៥គ្រឿង ។ ដោយឡែកជនសង្ស័យទាំង០៤នាក់នេះ​ត្រូវបាន​កម្លាំង​បង្ក្រាបខាងលើ​បញ្ចូនបន្ត​ចាត់ការ​តាម​ផ្លូវច្បាប់​៕​