ជនសង្ស័យដែលលួចម៉ូតូពី​ព្រះវិហារ​ ត្រូវ​សមត្ថកិច្ចជំនាញខេត្តកំពង់ធំ​ឃាត់ខ្លួន

អហ.កំពង់ធំ៖ កង​កម្លាំងជំនាញ​កងរាជ​អាវុធហត្ថ​ស្នាក់ការ​៦០១ ខេត្តកំពង់ធំ កាលពីវេលាម៉ោង​៥​និង​៣០នាទីព្រឹក​ ថ្ងៃទី​១៤ ខែតុលា ឆ្នាំ​២០១៥​ បាន​ឃាត់ខ្លួនមនុស្សម្នាក់ទាក់ទង​នឹងអំពើចោរកម្ម។​
បើតាមប្រភពព័ត៌មានពី​ស្នាក់ការ៦០១ បាន​ឲ្យដឹងថា ៖កម្លាំងជំនាញបានឃាត់ខ្លួនមនុស្ស០១នាក់ ឈ្មោះ មោង សុមេត អាយុ២២​ឆ្នាំ រស់នៅខេត្តឧត្តរមានជ័យ ដែលបានលួចម៉ូតូ C125 ពណ៌ខ្មៅស៊េរី​ ០១៣ ពីស្រុក​រវាង​ ខេត្តព្រះវិហារ ។ ជនសង្ស័យនេះ​ត្រូវបានសមត្ថកិច្ច​ដែលចុះល្បាត​ឃាត់ខ្លួន នៅចំណុចភូមិ​ជ័យជម្នះ ឃុំកកោះ ស្រុកសន្ទុក ខេត្តកំពង់ធំ ។​

បច្ចុប្បន្នជនសង្ស័យរូបនេះ ត្រូវបាន​កម្លាំងជំនាញខាងលើ កសាងសំណុំរឿង​ បញ្ចូន​ទៅកាន់សាលាដំបូង​ខេត្តដើម្បីចាត់ការ​ទៅតាមផ្លូវច្បាប់​៕​