ជនសង្ស័យម្នាក់ឆក់ទូរស័ព្ទពីជនបទេស​ត្រូវបានសមត្ថកិច្ចខណ្ឌដូនពេញឃាត់ខ្លួន​

អហ.ខណ្ឌដូនពេញ៖ ថ្ងៃទី០៤ ខែ​តុលា ឆ្នាំ២០១៥​ម្សិលមិញនេះ វេលាម៉ោង​០៧​និង៣០នាទី នៅចំណុច​សួនច្បារមាត់ទន្លេរ កន្លែងហាត់ប្រាណ ផ្លូវ១៤៨កែងស៊ីសុវត្តិ សង្កាត់ផ្សារកណ្តាល១ កម្លាំង​កងរាជ​អាវុធហត្ថ​​ខណ្ឌដូនពេញ​បាន​ធ្វើការ​បង្ក្រាប និងឃាត់ខ្លួន​ជនសង្ស័យម្នាក់​ឆក់ទូរស័ព្ទពីជនបរទេស​។​
ជនសង្ស័យដែលសមត្ថកិច្ចជំនាញ​ឃាត់ខ្លួនបានមានឈ្មោះ ដួង វុទ្ធី ហៅម៉ៅ ភេទប្រុស អាយុ១៨ឆ្នាំ ទីលំនៅនិងមុខរបរមិនពិតប្រាកដ ដោយ​ប្រើប្រាស់មធ្យោបាយថ្មើរជើង​​។​
បើតាមសម្តីរបស់សមត្ថកិច្ចជំនាញបាន​ប្រាប់ឲ្យដឹងថា៖​ ជនរងគ្រោះឈ្មោះ ASHER GALLON ជនជាតិអូស្រ្តាលី អាយុ២២ឆ្នាំ មុខរបរទេសចរ ស្នាក់នៅ SAME SAME Guest House ផ្លូវ១៣០ សង្កាត់ផ្សារកណ្តាល១ ខណ្ឌដូនពេញ។ ទូរស័ព្ទដែលជន​សង្ស័យឆក់នោះម៉ាក Phon C ពណ៏ខៀវ បច្ចុប្ប្នន្នបានប្រគល់ជូនជនរងគ្រោះវិញហើយ​។​
សម្រាប់ជនសង្ស័យវិញ​ ត្រូវបានបានការិយាល័យជំនាញឃាត់ខ្លួន និង​​កសាងសំណុំរឿង​ចាត់ការបន្ត​៕