មេកន្ទុយលេខនិងអ្នកញៀនលេងកន្ទុយស្រីប្រុសចំនួន១៩អ្នកត្រូវបានឃាត់ខ្លួន

អហ ស្វាយរៀង៖ នៅថ្ងៃទី១១ ខែកញ្ញា ឆ្នាំ២០១៥ លោក គង់ ចន្ទ័ខេមរិទ្ធ ព្រះរាជអាជ្ញាអមសាលាដំបូងខេត្ត បានដឹកនាំកម្លាំងអាវុធហត្ថខេត្ត ចុះបង្ក្រាបទីតាំងល្បែងកន្ទុយលេខចំនួន ៣កន្លែង នៅសង្កាត់ស្វាយរៀង ក្រុងស្វាយរៀង។ កន្លែងទី១ ផ្ទះឈ្មោះ ណែវ ណារិន ភេទស្រី អាយុ៤៥ឆ្នាំ ភូមិវាលយន្ត។ កន្លែងទី២ ឈ្មោះ សៅ សុភាព ភេទប្រុស អាយុ៣៥ឆ្នាំ ភូមិមេភ្លើង។ កន្លែងទី៣ ផ្ទះឈ្មោះ ជា សាមឿន ភេទប្រុស អាយុ៤២ឆ្នាំ ភូមិមេភ្លើង។ បានឃាត់ខ្លួនជនសង្ស័យ​ចំនួន​១៩នាក់ (ស្រី៣នាក់) ម៉ូតូ១៧គ្រឿង និងវត្ថុតាងមួយចំនួនទៀត។